ESDRAS 5

Ti aramid ti pannacabangon ti templo maituloy manen. Agsurat ni Tatanai ken Dario.

1Dagiti mammadto, da #Hag. 1:1.Haggeo a mammadto, ken #Esd. 6:14. Zac. 1:1.Zacarias nga anac ni Iddo, nagpadtoda cadagiti Judios nga adda idi iti Juda ken Jerusalem; iti nagan ti Dios ti Israel nagipadtoda cadacuada.

2Idin timmacder ni Zorobabel nga anac ni Sealtiel, ken ni Jesua nga anac ni Josadec, ket rinugianda a bangonen ti balay ti Dios nga adda idiay Jerusalem; ket cadacuada adda idi dagiti mammadto ti Dios, a tumultulong cadacuada.

3Iti daydi met la a tiempo immay cadacuada da Tatnai, a gobernador ti ballasiw ti carayan, ken Setar-boznai, ken dagiti caduada, ket castoy ti kinunada cadacuada, Asino ti nangted cadacayo iti maysa a bilin a mangbangon itoy a balay, ken mangleppas itoy a bacud?

4Idin imbagami cadacuada ti mayannurot itoy a wagas, no asinoda agiti nagnagan dagiti lallaki nga agar-aramid itoy a mabangbangon.

5Ngem ti #Sal. 33:18.panangimatang ti Diosda adda idi cadagiti lallacay dagiti Judios, ket saanda ida a pinasardeng, agingga iti dumteng ken Dario ti panggep, ken sa maisubli ti subalit iti surat a maipapan itoy.

6Ti catucad ti surat nga imbaonda ken ari Dario da Tatnai, a gobernador iti ballasiw ti Carayan, ken Setar-boznai, ken dagiti caduana nga Arfasakeos, nga idi iti ballasiw ti Carayan;

7Nangipaw-itda kencuana iti maysa a surat, a nacaisuratan ti castoy: Talna amin ken ari Dario.

8Mayammo coma iti ari, a napancami idiay provincia ti Juda iti balay ti dackel a Dios, isu a nabangon cadagiti dadackel a bato, ken cayo a naisaad cadagiti diding; ket daytoy nga aramid magna a sigaganetget, ket rumang-ay cadagiti im-imada?

9Idin sinaludsudmi cadagiti lallacay, ket kinunami cadacuada ti castoy, Asino ti nangted cadacayo iti mayusa a bilin a mangbangon itoy a balay, ken mangleppas itoy a bacud.

10Sinaludsudmi met cadacuada dagiti nagnaganda, tapno mangpanecnec kenca nga isuratmi dagiti nagnagan dagiti lallaki nga nagpangolo cadacuada.

11Ket insublida a castoy cadacami ti sungbat, a kinunada, Ad-adipennacami ti Dios ti langit ken daga, ket bangonenmi ti balay a nabangon idi cadagitoy adu a tawtawen a nalabes, isu a binangon ken lineppas ti maysa a #1 Ar. 6:1.dackel nga ari ti Israel.

12Ngem calpasan ti #2 Cron. 36:16-17.pananggargari dagiti ammami iti Dios ti langit nga agpungtot, inyawatna ida iti ima ni #2 Ar. 24:2; 25:8, 9, 11.Nabucodonosor nga ari ti Babilonia, a Caldeo, isu a nangdadael itoy a balay, ket impanna dagiti tattao idiay Babilonia.

13Ngem iti umuna a tawen ni #Esd. 1:1.Ciro nga ari ti Babilonia, ni ari Ciro nangaramid iti maysa a bilin tapno mabangon daytoy a balay ti Dios.

14 # Esd. 1:7-8; 6:5. Ket ti balitoc ken pirac nga al-alicamen met ti balay ti Dios, nga innala idi ni Nabucodonosor iti templo nga adda idi idiay Jerusalem, ket inyegna iti templo ti Babilonia, dagitoy ni Ciro nga ari inruarna iti templo ti Babilonia, ket inyawatna gitoy inruar ni Ciro nga ari iti templo ti Babilonia, ket inyawatna ida iti maysa a managan iti #Esd. 1:8; 2:2; 3:2, 8. Hag. 1:14; 2:2, 21. Zac. 4:9.Sesbassar, isu a pinaggobernadorna;

15Ket kinunana kencuana, Alaem dagitoy nga al-alicamen, inca, icabilmo ida idiay templo nga adda idiay Jerusalem, ket bay-am a mabangon ti balay ti Dios iti dissona.

16Idin immay daytoy met laeng a Sesbassar, ket #Esd. 3:8, 10.incabilna dagiti cimiento ti balay ti Dios nga adda idiay Jerusalem: ket nanipud iti daydi a tiempo agingga met laeng ita mabangbangon pay laeng, ket nupay casta di pay la nalpas.

17Ita ngarud, no naimbag coma iti ari, maaramid coma ti panagsukimat iti balay ti gameng ti ari, nga adda idiay Babilonia, no casta, a naaramid idi ti maysa a bilin gapu ken Ciro nga ari a mangbangon itoy a balay ti Dios idiay Jerusalem; ket ibaon coma cadacami ti ari ti pacaay-ayoanna a maipapan itoy a panggep.

Currently Selected:

ESDRAS 5: TB1973

Highlight

Copy