ESDRAS 4

Dagiti cabusor agsurtada ken Artaxerxes. Ibilin ti ari ti punagsardeng ti aramid.

1Idi a dagiti #bil. 7-9.cabusor ti Juda ken ti Benjamin nangngegda a dagiti annac ti pannacacayaw patpatacderenda ti maysa a templo a maipaay ken Jehova, a Dios ti Israel;

2Idin immasidegda en Zorobabel, ken cadagiti pangpangoloen dagiti albalay dagiti amma, ket kinunada cadacuada, Makipagbangoncami cadacayo; ta sapulenmi ti Diosyo, a cas ti aramidenyo; ket agidatoncami kencuana manipud #2 Ar. 17:24, 32, 33; 19:37.cadagiti al-aldaw ni Esar-haddon nga ari ti Asiria, isu a nangisang-at cadacami ditoy.

3Ngem da Zorobabel, ken Jesua, ken dagiti matda cadagiti pangpangoloen dagiti balbalay dagiti amma ti Israel, kinunada cadacuada, Awan ti bibiangyo cadacami iti panangbangonmi iti maysa a balay nga agpaay iti Diosmi; no di ket dacami met laeng bangonenmi nga agpaay ken Jehova, a Dios ti Israel, a cas ni ari Ciro nga #Esd. 3:7.ari ti Persia imbilinna cadacami.

4Idin dagiti tattao ti daga pinacapuyda dagiti im-ima dagiti tao ti Juda, ket riniribucda ida iti panangbangon.

5Ket nangtangdanda cadagiti consejeros a maibusor cadacuada tapno waraenda ti gacatda, iti amin nga aldaw ni Ciro nga ari ti Persia, agingga met laeng iti panagari ni Dario nga ari ti Persia.

6Ket idi panagari ni #Est. 1:1.Assuero, idi pangrugian ti panagarina, nagsuratda ti maysa a darum a maibusor cadagiti agnaed iti Juda ken Jerusalem.

7Ket cadagiti al-aldaw ni Artaxerxes nagsurat da Bislam, #Esd. 1:8.Mitridates, Tabeel, ken dagiti matda cadagiti caduana, ken Artaxerxes nga ari ti Persia; ket ti pannacaaramid ti surat nasuratan iti letra ti #2 Ar. 18:26.Siria, ket naipalawag iti pagsasao ti Siria.

8Da Rehum a canciller, ken Simsai nga escriba nangsuratda iti maysa a surat ken Artaxerxes a maibusor iti Jerusalem iti daytoy a kita:

9Idin nagsurat da Rehum a canciller, ken Simsai nga escriba, ken dagiti matda cadagiti caduada, dagiti Dineos, ken dagiti Afarsatakeos, dagiti Tefarleos, dagiti Afarseo, dagiti Erkuseos, dagiti Babilonios, dagiti Susankeos, dagiti Dieveos, dagiti Elamitas.

10Ken ti matda cadagiti nasnacion nga inyallatiw ni dackel ken natacneng nga #bil. 2.Asnappar, ket insaadna ida idiay ciudad ti Samaria, ken ti matda ti daga iti ballasiw ti Carayan, ken dadduma pay.

11Daytoy ti catucad ti surat nga impaw-itda ken ari Artaxerxes: Dagiti ad-adipenmo a lallaki iti ballasiw ti Carayan, ken dadduma pay.

12Maipacaammo coma iti ari, a dagiti Judios a simmang-at a naggapu kenca addadan cadacami ditoy Jerusalem; bangbangonenda ti nasungit ken ti dakes nga ili, ket nalpasdan dagiti bacud, ket natarimaandan dagiti cimiento.

13Maipacaammo coma ita iti ari a no daytoy nga ili mabangon, ket malpasda dagiti bacud, saandanton nga agbayad ti #Esd. 7:24.buis, alcabala wenno cuartais, ket ti tungpalna macaranggasto unay cadagiti ar-ari.

14Agsipud ta mangancami iti asin ti palacio, ket saan a rumbeng cadacami a kitaenmi ti pacauyawan ti ari, gapuna nga nangibaoncami ken panecnecanmi iti ari;

15Tapno ti panagsukimat maaramid coma iti libro dagiti panglagipan dagiti ammam: iti casta masaracmonto iti libro dagiti panglagipan, ket maammoam a daytoy nga ili isu ti maysa nga ili a nasungit, ken macaranggas unay cadagiti ar-ari ken cadagiti provincia, ket nangtignayda iti yaalsa iti unegna met laeng idi unana a tiempo; ta isu ti gapu idi ti nacadadaelan daytoy nga ili.

16Panecnecanmi iti ari a no mabangon daytoy nga ili, ket malpas dagiti bacudna, gapu itoy sica awanancanto iti biang iti ballasiw ti Carayan.

17 Idin imbaon ti ari ti subalit cada Rehum a canciller, ken Simsai nga escriba, ken iti matda cadagiti caduada nga agnaed idiay Samaria, ken iti matda iti daga iti ballasiw ti Carayan: Talna, ken dadduma pay.

18Ti surat nga impaw-ityo cadacami naibasa a sicacanatad iti sangoanac.

19Ket nagbilinac, ket naaramid ti panagsukimat, ket nasaracan a daytoy nga ili idi ugma immalsa a maibusor cadagiti ar-ari, ket ti isusungit ken yaalsa naaramid iti unegna.

20Adda met idi ar-ari a mannacabalin idiay Jerusalem, isuda a #1 Ar. 4:21.nagturay cadagiti amin a daga iti ballasiw ti Carayan; ket ti buis, alcabala, ken cuartais naibayad cadacuada.

21Ita mangaramidcayo iti maysa a bilin tapno pamasardengyo cadagitoy a tattao, ken tapno di mabangon daytoy nga ili, agingga iti mangaramidac iti maysa a bilin.

22Ket agannadcayo tapno dicayo agcurang itoy: apayapay a tumubonto ti pannacadadael a macaranggas cadagiti ar-ari?

23Idin, idi a ti catucad ti surat ni ari Artaxerxes nabasa iti sango da Rehum, ken Simsai nga escriba, ken dagiti caduada,, dinarasda ti napan idiay Jerusalem cadagiti Judios, ket pinagsardengda ida iti pannacaaramat ti pigsa ken pannacabalin.

24Idi a casta nagsardeng ti pannacaaramid ti balay ti Dios, nga adda idiay Jerusalem; ket nagsardeng agingga iti maicadua a tawen ti panagari ni Dario nga ari ti Persia.

Currently Selected:

ESDRAS 4: TB1973

Highlight

Copy