ESDRAS 7
7
Mapan ni Esdras idiay Jerusalem. Surat ni Artaxerxes ken ni Esdras.
1Calpasan dagitoy, idi panagari ni #Neh. 2:1.Artaxerxes nga #1 Cron. 6:4-14.ari ti Persia, ni Esdras nga anac a lalaki ni Seraias, nga anac a lalaki ni Azarias, nga anac a lalaki ni Helcias,
2Nga anac a lalaki ni Sallum, nga anac a lalaki ni Sadoc, nga anac a lalaki ni Ahitob,
3Nga anac a lalaki ni Amarias, nga anac a lalaki ni Azarias, nga anac a lalaki ni Meraiot.
4Nga anac a lalaki ni Zeraias, nga anac a lalaki ni Uzzi, nga anac a lalaki ni Buki,
5Nga anac a lalaki ni Abisue, nga anac a lalaki ni Finees, nga anac a lalaki ni Eleazar, nga anac a lalaki ni Aaron, a cangatoan a padi—
6Daytoy nga Esdras #Neh. 8:1, 4, 5, 13; 12:26, 36.simmang-at a naggapu iti Babilonia. Ket isu idi ti escriba a nalaing iti linteg ni Moises, nga inted ni Jehova, a Dios ti Israel; ket ti ari impalubosna ti amin a dinawatna, a mayannurot iti #bil. 9, 28.panangidalan ni Jehova a Diosna kencuana.
7 #
Esd. 8:1-14. Ket simmang-at ti dadduma cadagiti annac ti Israel, ken cadagiti papadi, #Esd. 8:15-19.ken cadagiti Levitas, ken cadagiti cumacanta, ken cadagiti agaywan iti ruangan, ken cadagiti #Esd. 2:43; 8:17, 20.Netineos, idiay Jerusalem, iti maicapito a tawen ni ari Artaxerxes.
8Ket isu dimteng idiay Jerusalem iti maicalima a bulan, nga isu idi ti maicapito a tawen ti ari.
9Ta iti umuna nga aldaw ti umuna a bulan nangrugi a simmang-at a naggapu iti Babilonia; ket iti umuna nga aldaw ti maicalima a bulan dimteng idiay Jerusalem, a mayannurot iti naimbag a panangidalan ti Diosna kencuana.
10Ta ni Esdras impapusona ti nagsapul iti linteg ni Jehova, ken mangaramid kencuana, ken #Neh. 8:1-8.mangisuro iti Israel cadagiti al-alagaden ken an-annuruten.
11Ket daytoy ti catucad ti surat nga inted ni ari Artaxerxes ken Esdras a padi nga escriba, nga escriba met laeng dagiti sasao ti bilin ni Jehova, ken dagiti ipaalagadna iti Israel:
12Ni Artaxerxes, nga #Eze. 26:7. Dan. 2:37.ari dagiti ar-ari agturong ken Esdras a padi, nga escriba ti linteg ti Dios ti langit, napalongdo, ken dadduma pay.
13Aramidec ti maysa a bilin, a dagiti amin a tattao ti Israel ken dagiti padi ken Levitas iti pagturayac a sidadaan iti siwayawaya a nakemda met laeng a mapan idiay Jerusalem, cumuyogda kenca.
14Agsipud ta sica maibaonca gapu iti ari ken cadagiti #Est. 1:14.pito a consejerona, tapno mangsukimat iti Juda ken Jerusalem, a mayannurot iti linteg ti Diosmo nga adda iti imam,
15Ken mangawit iti pirac ken balitoc, a ti ari ken dagiti consejerona indatonda a siwayawaya iti Dios ti Israel, a ti naedna adda idiay Jerusalem,
16Ken amin a pirac ken balitoc a magun-odmo iti amin a provincia ti Babilonia, agraman cadagiti datdaton ti sibubulos a nakem dagiti tattao, ken dagiti padi, idinto nga yawatda a siaayat ti nakemda a maipaay iti balay ti Diosda nga adda idiay Jerusalem;
17Ngarud igatangmonto babaen iti amin a regta daytoy a cuarta cadagiti vacvaca a lallaki, carcarnero, corcordero, agraman #Num. 15:4-13.datdatonda a macan, ken #Num. 15:10.datdatonda a mainum, ket idatagmonto ida iti rabaw ti altar ti balay ti Diosmo nga adda idiay Jerusalem.
18Ket uray aniaman a naimbagto kenca ken cadagiti cacabsatmo nga aramidenyo iti matda iti pirac ken balitoc, aramidenyo a mayannurot iti nakem ti Diosyo.
19Ket dagiti al-alicamen a naited kenca a maipaay iti panagservi ti balay ti Diosmo, yawatmo iti sangoanan ti Dios ti Jerusalem.
20Ket uray ania pay a masapulto a maipaay iti balay ti Diosmo, nga addanto pacasapulam nga ited, itdemto nga aggapu iti balay ti gameng ti ari.
21Ket siac, a siac met laeng ni Artaxerxes nga ari, aramidec ti maysa a bilin cadagiti amin a mangaywan cadagiti gamgameng nga adda iti ballasiw ti Carayan, nga uray aniaman a dawatento cadacayo ni Esdras a padi, nga escriba ti linteg ti Dios ti langit, maaramid coma a buyugen ti amin a kinaregta,
22Agingga iti sangagasut a talento a pirac, ken sangagasut a casucat a trigo, ken sangagasut a bat nga arac, ken sangagasut a bat a lana, ken asin a di makedngan ti caadu.
23Uray aniaman a maibilin gapu iti Dios ti langit, maaramid coma nga apagisu a maipaay iti balay ti Dios ti langit; ta apayapay nga addanto pungtot a maibusor iti pagarian ti ari ken cadagiti annacna a lallaki?
24Casta met nga ipanecnecmi cadacayo a maipapan iti siasino a padi ken Levitas, dagiti cumacanta, dagiti agaywan iti ruangan, dagiti Netineos, wenno ad-adipen daytoy a balay ti Dios, dinto nalinteg ti panangipatay iti #Esd. 4:13.buis, alcabala wenno cuartais cadacuada.
25Ket sica, Esdras, a mayannurot iti sirib ti Diosmo nga adda kenca, mangtudingca cadagiti magistrados, ken oc-ocom nga agocom cadagiti amin a tattao nga adda iti ballasiw ti Carayan, dagiti isu-amin a macaammo cadagiti linlinteg ti Diosmo; ket isurom ti saan a macaammo cadacuada.
26Ket uray asinoman a di agaramid iti linteg ti Diosmo, ken ti linteg ti ari, matungpal coma kencuana ti panangocom, a buyugen ti amin a kinaganetget, uray agpapan ken patay wenno iti pannacaibelleng, wenno pannacaiccat dagiti cucua, wenno iti pannacabalud.
27Bendito coma ni Jehova, a Dios dagiti ammatayo, a nangicabil iti castoy a banag iti puso ti ari, a mangpasayaat iti balay ni Jehova nga adda idiay Jerusalem;
28 #
Esd. 9:9. Ket nangiragpat caniac iti kinamanangngaasi iti sango ti ari, ken dagiti consejerona, ken iti sango dagiti amin a maingel a principe ti ari. Ket napabilegac cas mayalubog iti ima ni Jehova a Diosco iti rabawco, ket inurnongco iti amin nga Israel dagiti pangoloen a lallaki tapno makipagsang-atda caniac.
Currently Selected:
ESDRAS 7: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
