EZEQUIEL 5

Ti pannacalangalang ti Jerusalem maipadto.

1Ket sica, anac ti tao, mangalaca iti maysa a campilan a natadem; cas la pangiskis, ti mammukis alaemto, ket kiskisam ti olom ken ti timidmo: calpasanna mangalaca iti pagtimbengan tapno timbengem, ken bingayem ti buoc.

2Maysa nga apagcatlo puuram iti apuy iti tengnga ti ili, intono matungpalen dagiti al-aldaw ti pannacalacub; ket alaemto ti sabali nga apagcatlo, ket itagbatmo ti campilan iti aglicmut kencuana; ket ti sabali nga apagcatlo #bil. 10.iwarismonto iti angin, ket #bil. 12. Jer. 9:16.siac asutecto ti campilan iti licudanda.

3Ket mangalacanto cadacuada iti bassit a bilang, ket igalutmonto iti gayadan ti cawesmo.

4Ket mangalacanto manen cadagitoy, ket ipurruacmo ida iti tengnga ti apuy, ket puuram ida; ket manipud idiay sumgedto ti apuy iti amin a balay ti Israel.

5Castoy ti cuna ni Apo Jehova: Daytoy ti Jerusalem; isu incabilco iti nagtengngaan dagiti nasnacion, ken dagiti dagdaga iti aglicmut kencuana.

6Ket isu simmukir a maicaniwas cadagiti bilbilinco iti panagaramidna ti kinadakes a nasursuroc ngem dagiti nasnacion, ken maibusor cadagiti linlintegco a nalablabes ngem dagiti dagdaga, iti aglicmut kencuana; ta naglictadanda dagiti bilbilinco, ket no maipapan cadagiti linlintegco, saanda a nagna cadacuada.

7Gapuna castoy ti cuna ni Apo Jehova: Agsipud ta naringringgorcayo ngem dagiti nasnacion nga adda iti aglicmut cadacayo, ken dicayo magna cadagiti linlintegco, wenno tinungpal dagiti bilbilinco, #Jer. 2:10, 11. Eze. 16:47. Rom. 2:14, 15, 16.dicay met inaramid ti mainugot cadagiti bilbilin dagiti nasnacion nga aglicmut cadacayo:

8Gapuna a castoy ti cuna ni Apo Jehova: Adtoy, siac, siac met laeng bumusorac kenca; ket aramidecto ti panangocom iti nagtengngaam iti imatang dagiti nasnacion.

9Ket aramidecto kenca ti #D. Un. 1:12. Dan. 9:12. Amos 3:2.diac pay inaramid, ket no maipapan itoy diacto aramidenen ti umasping, a maipuon cadagiti amin a kinarimonmo.

10Gapuna a dagiti amma #Deut. 28:53. Jer. 19:9.sidaendanto dagiti annacda, ket dagiti annac sidaendanto dagiti ammada iti nagtengngaan: ket ocomencanto, #Aginga bil. 2, 12.ket amin ti tidda kenca iwarasconto cadagiti isu-amin nga angin.

11Gapu itoy, cas sibibiagac, cuna ni Apo Jehova, kinapudnona, gapu #2 Ar. 16:10-15; 21:7. 2 Cron. 36:14. Eze. 8:3, 5.ta tinulawam ti santuarioc cadagiti amin a macarurud a banbanagmo, ken cadagiti amin a kinarimonmo, gapuna siac met pabassitencanto; toy matac awanto met ti isakitna, ket casta met awanto ti caasiac.

12 # bil. 2. Ti maysa nga apagcatlom #Jer. 15:2. Eze. 6:11, 12.matayto iti angol, ket babaen ti bisin maibusdanto iti nagtengngaam, #bil. 10.ket ti sabali nga apagcatlo mapasagto iti campilan iti aglicmut kenca; ket ti sabali nga apagcatlo iwarasconto cadagiti amin nga angin, ket asutecto ti campilan iti licudanda.

13Casta ti pannacatungpalto ti ungetco, ket #Isa. 1:24.pagsardengecto ti pungtotco cadacuada, ket maliwliwaacto: ket mabigbigdanto a siac, ni Jehova, insaoc a #Eze. 38:18, 19.sipipinget, intono matungpalco ti pungtotco cadacuada.

14Castamet pagbalinencanto a langalang ken #Neh. 2:17. Jer. 24:9.maumsi cadagiti nasnacion nga aglicmut kenca, #D. Un. 2:15.iti imatang dagiti amin nga aglablabas.

15Iti casta isunto ti pacaumsian ken pacababalawan ken pacasursuroan, ken pagsiddaawan cadagiti nasnacion nga aglicmut kenca, intono ocomenca babaen ti unget ken pungtot, ken iti narungsot a panangtubngar, (Siac, ni Jehova, sinaoc daytoy;)

16Intono iturongco cadacuada #Deut. 32:23, 24.dagiti dakes a pana ti bisin, a pangdadael, nga iturongconto tapno mangdadael cadacayo. Ket nayonacto ti bisin cadacayo, ket dadaelecto ti #Lev. 26:26.pagtalgedanyo a tinapay;

17Ket ibaonconto cadacayo ti bisin ken #Deut. 32:24.dakes nga animal, a mangpaulila kenca; ken angol ken ti dara nga aglasatto kenca; ket iyegconto ti campilan kenca: Siac, ni Jehova, sinaoc daytoy.

Currently Selected:

EZEQUIEL 5: TB1973

Highlight

Copy