EZEQUIEL 4
4
Ti pannacalacub ti Jerusalem maipadto.
1Sica met, anac ti tao, alaem ti maysa a baldosa, ket icabilmo iti sangom, ket iburicmo kencuana ti maysa nga ili, ti Jerusalem met laeng:
2Ket isu lacubem, ket #2 Ar. 25:1.mangbangonca iti sarikedked a maicaniwas kencuana, #Jer. 6:6.ket mangbangonca iti turod a maibusor kencuana; mangicabilca met cadagiti pacarso a maibusor kencuana, ket mangipasdecca cadagiti makina a pagracrac kencuana iti aglicmut.
3Ket mangalaca iti sarten a landoc, ket isu icabilmo cas maysa a bacud a landoc iti baet sica ken iti ili ket sumangoca kencuana, ket isu malacubto, ket sica ti manglacub #Eze. 12:6, 11; 20:24, 27.kencuana. Daytoy isunto ti maysa a tanda iti balay ti Israel.
4Castamet sica agiddaca nga agsikig iti catigid, ket icabilmo ti kinadakes ti balay ti Israel iti rabawmo; cas mainugot iti bilang dagiti al-aldaw a panagiddam a casta, #Eze. 44:10, 12.awitemto ti kinadangkesda.
5Ta insaadco kenca dagiti tawen ti kinadakesda cas iti bilang dagiti aldaw, a tallo gasut ket siam a pulo nga aldaw: castanto ti #Num. 14:34.panangawitmo iti kinadangkes ti balay ti Israel.
6Ket intono matungpalmo dagitoy, agiddacanto nga agsikig iti macanawan, ket awitemto ti kinadakes ti balay ti Juda: uppat a pulo nga aldaw, tunggal aldaw maipaay iti macatawen, isu ti inkeddengco kenca.
7Ket sumangocanto iti nalacub a Jerusalem, a sililislis ti tackiagmo; ket agipadtocanto iti maibusor kencuana.
8Ket, adtoy, #Eze. 3:25.mangicabilac cadagiti tali iti rabawmo, ket saancanto a macapusipos manipud maysa a sikigan agingga iti sabali, agingga iti matungpalmo dagiti aldaw ti pananglacubmo.
9Mangicuyogca met iti trigo, ken cebada, ken ot-otong, ken patani, ken mijo, ken espelta, ket icabilmo ida iti maysa nga alicamen, ket aramidem ida a tinapay; cas mainugot iti bilang dagiti aldaw a panagiddamto nga agsikig, bayat ti tallo gasut ket siam a pulo nga aldaw, mangancanto iti daydiay.
10Ket ti taraonmo a canemto, matimbengto duapulo a siclo iti maysa nga aldaw: ket mangancanto iti nakedngan a pannawen.
11Ket uminumcanto iti danum a sinucat, ti #wenno maysa a litro.apagcanem ti #Eze. 45:24.maysa nga hin: tunggal pannawen a nakedngan uminumcanto.
12Ket isu canemto a cas cadagiti bibingca a cebada, ket isu lutoem iti horno iti imatangda a sungrudan iti ibleng ti tao.
13Ket ni Jehova kinunana, Wen castoy ti #Dan. 1:8. Os. 9:3.pannangan dagiti annac ti Israel iti di nadalus a tinapayda iti nagtengngaan dagiti nasnacion isu a pangiturongacto cadacuada.
14Iti casta kinunac, #D. Ara. 10:14.Ay Apo Jehova! adtoy ti cararuac saan a natulawan; ta nanipud kinaubingco inggana met laeng ita saanac a #Ex. 22:31.nangan iti aniaman a natay latta, #Lev. 7:18.wenno rinangrangcay dagiti animal; ket di met simrec iti ngiwatco ti lasag a macarimon.
15Ngarud kinunana caniac, Kitaem, iniccanca iti ibleng ti vaca a maisuno iti ibleng ti tao, ket panglutomto iti tinapaymo.
16Castamet kinunana caniac, Anac ti tao, adtoy, dadaelecto #Lev. 26:26.ti pagtalgedan a tinapay idiay Jerusalem: ket mangandanto iti tinapay a tinimbeng, ken sibubuteng; ket inumendanto ti danum a sinucat, ken sicucullayaw:
17Tapno agkirangda iti tinapay ken danum, ket agkikinnitada a sicucullayaw ket cumapcapuyda maipuon iti kinadakesda.
Currently Selected:
EZEQUIEL 4: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
