EZEQUIEL 3

Ti nacaibaonan ti mammadto.

1Ket kinunana caniac, Anac ti tao, canem ti matumpongamto; #Eze. 2:8, 9.canem daytoy a lucot, ket inca, agsaoca iti balay ti Israel.

2Gapuna a nagngangaac, ket impacanna caniac daydi a linucot.

3Ket kinunana caniac, Anac ti tao, pacanem coma ti tianmo, ket punnoem dagita unegmo itoy linucot #Apoc. 10:9, 10.nga itedco kenca. Idin kinnanco; ket adda iti ngiwatco a cas iti diro ti kinasam-itna.

4Ket kinunana caniac, Anac ti tao, inca, dumtengca iti balay ti Israel, ket isaom dagiti saoc cadacuada.

5Ta saanca a naibaon iti ili a gangannaet ti saona, wenno narigat ti pagsasaona, no di ket idiay balay ti Israel;

6Saan nga iti adu nga ili a gangannaet ti pagsasaona wenno narigat, a dagiti saoda dica maawatan. Awan duadua #Mat. 11:21, 23.no ibaonca coma cadacuada, denggendaca coma.

7Ngem ti balay ti Israel saandacanto nga ipangag; ta saandac nga ipangag: ta amin a balay ti Israel natangken ti mugingda ket natangken ti pusoda.

8Adtoy, pinarupangetco ti rupam a maibusor cadagiti ruprupada, ken ti mugingmo a natangken a maibusor cadagiti mugmugingda.

9Inaramidco ti mugingmo a cas #Isa. 50:7.pamulinawen a natangtangken ngem bato a pagpingkian: dica agbuteng cadacuada, ket dica met agcullayaw iti panangkitada, nupay nasukirda a balay.

10Kinunana manen caniac, Anac ti tao, dagiti amin a sasaoc a saoecto kenca awatem ita pusom, ket imdengam cadagita pagdengngegmo.

11Ket inca, ket dumtengca cadagiti nacayawan, cadagiti #Eze. 33:2.annac ti ilim, ket saoem cadacuada, ket ibagam cadacuada, Castoy ti cuna ni Apo Jehova; uray dumngegdanto, uray no madida.

12Idin #Eze. 8:3; 11:1, 24; 43:5. 1 Ar. 18:12. Mat. 4:1. Luc. 4:1.ti espiritu binagcatnac, ket nangngegco iti licudac ti maysa a timec ti dackel nga ungor, a kinunana, Bendito coma ti dayag ni Jehova manipud iti yanna.

13Ket nangngegco ti daranudor dagiti payac #Eze. 1:5, 15.dagiti parsua a sibibiag a nagsisinnagidda, ken ti daranudor dagiti pilid iti dennada, ken ti met daranudor ti dackel nga ungor.

14Iti casta ti espiritu binagcatnac, ket impanawnac; ket napanac a sipapait ti nakemco, ken iti pudot ti espirituc; ket ti ima ni Jehova napigsa idi caniac.

15Idin dimtengac cadagiti nacayawan idiay Telabib, nga agyanda idiay denna #Eze. 1:1.ti carayan a Kebar, ket agingga idiay nagtaenganda; ket #Job 2:13.nagtugawac idiay a naitulmeng iti nagbabaetanda, bayat ti pito nga aldaw.

16Ket naaramid nga iti calpasan ti pito nga aldaw, dimteng caniac ti sao ni Jehova a kinunana,

17Anac ti tao, siac insaadca nga #Isa. 52:8; 56:10. Jer. 6:17. Eze. 33:2, 6.agbantay iti balay ti Israel: denggem ngarud ti sao ti ngiwatco, ket pacdaaram ida iti biangco.

18Intono cunac iti managdacdakes, Pudno a mataycanto; ket isu dica pacdaaran, wenno pagsaoan tapno ti managdakes mabagbagaan coma iti dakes a dalanna, tapno maispal ti biagna; daytoy met laeng a managdacdakes #Eze. 18:18. Juan 8:21, 24.matayto iti kinadakesna; ngem ti #Eze. 18:13; 33:6, 8.darana sapulecto iti imam.

19 # Eze. 33:9. Ngem no sica pacdaaram ti managdacdakes, ket isu dinto agbalbaliw iti kinadakesna, wenno iti dakes a dalanna, isu matayto iti kinadangkesna, ngem sica maispalmo ti cararuam.

20Castamet, #Eze. 18:24.no ti tao a nalinteg idianna ti kinalintegna, ket agaramid iti kinadangkes, ket #Jer. 6:21. Eze. 14:3. 1 Juan 2:10.siac icabilco ti pacaitibcolan iti sangoananna, isu matayto: agsipud ta isu dica pinacdaaran matayto iti basolna, ket dagiti nalinteg nga inaramidna dinto malagipen; ngem ti darana sapulecto iti imam.

21Ngem no patigmaanamto ti tao a nasingpet, tapno ti nasingpet di agbasol, ket iti casta saan nga agbasol, agbiagto a di bumurong, ta napatigmaanan, ket sica maispalmo ti cararuam.

22Ket ti ima #Eze. 1:3.ni Jehova adda idi caniac idiay ket kinunana caniac, Tumacderca ket rumuarca iti tanap, ket idiay makisaoacto kenca.

23Ngarud timmacderac, ket napanac #Eze. 37:1.iti tanap: ket adtoy, ti dayag ni Jehova nagtacder idiay, cas la ti dayag a #Eze. 1:28.nakitac iti denna ti carayan a Kebar; ket nagpaclebac.

24Idin #Eze. 2:2.simrec caniac ti Espiritu, ket pinatacdernac; ket nagsao caniac, ket kinunana, Inca, ket sumrecca iti balaymo ket rikepam.

25Ngem sica, anac ti tao, adtoy, #Eze. 4:8.iparabawdanto kenca dagiti pagreppet, ket cadacuada parautandacanto, dicanto rumuar cadagiti pagbabaetanda:

26 # Eze. 24:27. Ipadketconto dayta dilam dita ngadasmo, tapno agumelca, ken saancanto a mangbabalaw cadacuada; ta isuda nasukirda a balay.

27Ngem no casaoca, luctacto ti ngiwatmo, ket cunamto cadacuada, Castoy ti cuna ni Apo Jehova: Daydiay dumngeg, mangipangag coma; ket daydiay madi nga agdengngeg, madi coma laeng; ta isuda nasukirda a balay.

Currently Selected:

EZEQUIEL 3: TB1973

Highlight

Copy