EZEQUIEL 6

Ti panagrucbab cadagiti ladladawan macondenar.

1Ket dimteng caniac ti sao ni Jehova a kinunana,

2Anac ti tao, #Eze. 20:46; 21:2.sumangoca #Eze. 19:9; 36:1, 4, 8.cadagiti banbantay ti Israel, ket agipadtoca cadacuada,

3Ket cunam, Dacayo a banbantay ti Israel, denggenyo ti sao ni Apo Jehova: Castoy ti cuna ni Apo Jehova cadagiti banbantay #Eze. 36:4, 6.ken turturod, #Eze. 35:8.cadagiti wawaig #Jer. 2:23.ken loblobong: Adtoy, siac, siac met laeng, payegconto cadacayo ti campilan, ket #Lev. 26:30.racrakecto dagiti nangato a dissoyo.

4Ket dagiti altaryo agbalindanto a langalang, ket dagiti cucuayo a ladladawan ti init maburburacdanto, ket dagiti napapatay cadacayo #2 Ar. 23:14, 16.ipalladawconto iti saclang dagiti diosenyo.

5Ket icabilconto dagiti bangcay dagiti annac ti Israel iti saclang dagiti diosenda; ket ipurruacconto dagiti tultulangyo iti aglicmut cadagiti altaryo.

6Cadagiti amin a pagtaenganyo dagiti il-ili maracracdanto, ket dagiti nangato a disso malangalangdanto; tapno dagiti altaryo maracracdanto coma ken maaramidda a langalang, ken dagiti diosenyo maburburac ken maisardengda, ket dagiti cucuayo a ladladawan ti init mapucanda, ket dagiti gapuananyo maawandanto.

7Ket dagiti napapatay mapasagdanto iti nagtengngaanyo, #bil. 13. Eze. 7:4, 9; 11:10, 12.ket mabigbigyonto a siac ni Jehova.

8Nupay casta #Jer. 44:28. Eze. 12:16; 14:22.mangitiddaacto ti mabati, ta addanto dadduma cadacayo a macatalaw iti campilan, cadagiti nasnacion, intono maiwarascayo cadagiti dagdaga.

9Ket dagiti nagtalaw cadacayo malagipdacto iti nagtengngaan dagiti nasnacion isu a pacaipanandanto a nacayawan, no casano ti pannacadunorco iti nagaramugam a pusoda, a simmina caniac, ken cadagiti #Eze. 20:7, 24.matada, #Eze. 23:30.a nagbalangcantis cadagiti didiosen: ket guraendanto ti bagida iti imatangda met laeng maipuon iti dakes nga inaramidda cadagiti amin a kinarimonda.

10Ket mabigbigdanto a siac ni Jehova: saan a barengbareng ti insaoc cadacuada nga aramidecto cadacuada daytoy a dakes.

11Castoy ti kinuna ni Apo Jehova: Idanugmo #Isa. 21:14.ti imam ket #Eze. 25:6.ibaddecmo ti sacam, ket cunam; Asida pay! gapu cadagiti amin a dakes a kinarimon iti balay ti Israel; ta matuangdanto babaen ti campilan, iti bisin ken iti angol.

12Iti adda iti adayu matayto iti angol; ket ti asideg mapasagto iti campilan; ket daydiay matda ken malacub matayto iti bisin: iti castoy tungpalecto ti pungtotco cadacuada.

13Ket mabigbigyonto nga siac ni Jehova, #bil. 4-5.intono dagiti pinapatayda addada cadagiti didiosen iti aglicmut cadagiti al-altarda, cadagiti tunggal turod a #Jer. 2:20.nangato, ken #Os. 4:13.amin a toctoc ti bantay, ken siroc ti tunggal cayo a narucbos ken siroc ti tunggal #Isa. 57:5.lugo a narucbos, dagiti disso a nagidataganda ti nabanglo a sayamusom cadagiti amin a didiosenda.

14Ket yunnatconto ti imac cadacuada, ken pagbalinecto ti daga a langalang ken nadadael, manipud iti let-ang nga agpa-#Num. 33:46.Diblat, inggana cadagiti amin a pagtaenganda; ket mabigbigdanto a siac ni Jehova.

Currently Selected:

EZEQUIEL 6: TB1973

Highlight

Copy