EXODO 23

Nadumaduma a linlinteg. Dagiti panaginana, fiesta, ken umuna a bungbunga. Naicari ti iseserrec sadi Canaan.

1Dica anamungan ti naulbod a damag: dica icabil ti imam a bumuyog iti nadamca nga agbalinca a #Sal. 35:11.naulbud a sacsi.

2Dica sumurot iti adu nga agaramid iti dakes; dica met agpalawag iti maysa a panggep a sumiasica a sumurot iti adu a manglabsing iti kinalinteg:

3Dica met canunongan ti #Lev. 19:15.napanglaw a tao iti ringgorna.

4 # Mat. 5:44. Rom. 12:20. 1 Tes. 5:15. No nasaracam ti vaca ti cagurguram, wenno ti asnona nga agtawtawataw, isublimto manen kencuana a di bumurong.

5No makitam a naitublac a siaawit iti asno ti gumurgura kenca dicanto panpanaoan sicanto ti caduana a di bumurong a mangluc-atto kencuana.

6 # Job 31:13. Ecle. 5:8. Isa. 10:1. Dica caniwasen ti calintegan ti napanglawmo iti ringgorna.

7Adayoam iti naulbod a panggep; ket dagiti awan basolna ken nalinteg dica patayen: ta diacto ibilang a nalinteg ti nadamsac.

8 # Deut. 16:19. 1 Sam. 8:3. Eze. 22:12. Ket dica umawat iti sucsuc: ta ti sucsuc bulsekenna dagiti macakita, ket ballicugenna dagiti sasao ti nalinteg.

9Ket #Ex. 22:21.dica parigaten ti maysa a gangannaet: ta dacayo ammoyo ti puso ti gangannaet, yantangay dacayo naggangannaetcayo iti daga nga Egipto.

10 # Lev. 25:3, 4. Ket innem a tawen a mulaamto ti dagam, ket agummongcanto iti apitna.

11Ngem iti maicapito a tawen pag-inanaemto ket bay-amto nga aglaeg; tapno dagiti napanglaw iti ilim manganda: ket ti mateddada canento ti animal ti away. Castoy ti aramidem iti cauvasam, ken iti caolivaam.

12 # Ex. 20:8, 9. Deut. 5:13. Luc. 13:14. Innem nga aldaw agtrabajocanto, ket iti maicapito nga aldaw aginanacanto; tapno ti vacam ken ti asnom aginanada, ket ti anac a lalaki ti adipenmo a babai, ken ti gangannaet mabang-aranda.

13Ket dagiti amin nga sinaoc cadacayo imdenganyo: #Jos. 23:7. Os. 2:17.ket dica icampit ti nagan dagiti sabali a didios, uray panangipangngeg ti agaway iti ngiwatmo.

14 # Ex. 34:23. Mamitlo iti macatawen agfiestacanto a maipaay caniac.

15 # Ex. 12:15. Ti fiesta ti tinapay nga awan levadurana ngilinemto: cadagiti pito nga al-aldaw canemto ti tinapay a di nalevaduraan, cas imbilinco kenca, iti natudingan nga aldaw ti bulan nga Abib (ta isu idi ti ipapanawmo sadi Egipto); #Deut. 16:16.ket awanto ti dumatag nga ima-ima iti sangoc.

16 # Lev. 23:10. Ket ti fiesta ti apit, dagiti umuna a bungbunga ti banbannogmo, dagidiay nga imulam iti talon #Deut. 16:19. 1 Sam. 8:3. Eze. 22:12.ken ti fiesta ti panagummong, iti gibus ti tawen, no agummongca cadagiti nagbannogam iti talon.

17Mamitlo iti macatawen amin a tattaom a lallaki dumatagdanto iti saclang ni Apo Jehova.

18 # Ex. 12:18; 34:25. Lev. 2:11. Dica mangipaay iti dara ti datonco agraman tinapay a nalevaduraan; dinto met mabaybay-an ti taba ti fiestac iti agpatnag agingga iti bigat.

19 # Ex. 34:26. Lev. 2:12. Dagiti umuna cadagiti umuna a bungbunga ti dagam yegmonto iti balay ni Jehova a Diosmo. #Deut. 14:21.Dica lutoen ti urbon a calding iti gatas ti inana.

20 # Ex. 14:19; 33:2, 14. Adtoy, baonec iti sangom ti maysa nga angel, a mangaluad kenca iti dalan, ken mangipan kenca iti disso a sinaganac.

21Agannadcayo iti sangona, ket ipangagyo ti timecna; #Sal. 78:40, 56.dicayo pagpungtoten; ta dinanto pacawanen ti salungasingyo: ta ti naganco adda kencuana.

22Ngem no ipangagmonto nga ipasnec ti timecna, ken aramidem amin nga ibagac; #Gen. 12:3. Deut. 30:7.siacto ngarud ti maysa a cabusor dagiti cabusormo, ken maysa a caringgor dagiti caringgormo.

23Ta ti angelco mapanto iti sangoanam, #Ex. 13:5.ket iserrecnacanto iti Amoreo, ken iti Heteo, ken iti Pherezeo, ken iti Cananneo, ken iti Heveo, ken iti Jebuseo: ket ipusayconto ida.

24 # Ex. 20:5. Dica agrucnoy cadagiti didiosda, wenno pagservian ida, wenno tuladen dagiti ar-aramidda; #Ex. 34:13. Deut. 7:5, 25; 12:3.ngem tuangemto ida a maminpinsan, ket bungtolem dagiti #2 Ar. 18:4; 23:14.tedteddecda.

25Ket agservicayto ken Jehova a Diosyo, #Deut. 7:13; 28:5, 8.ket isu bendicionannanto ti taraonmo ken ti danummo; #Ex. 15:26.ket siac iccatecto ti sakit iti tengngam.

26Awanto ti maalisan a babai wenno lupes iti dagam: #Ex. 20:12. Deut. 5:16. Sal. 55:23.ti bilang dagiti aldawmo tungpalecto.

27 # Ex. 15:14, 16. Jos. 2:9, 11. Ibaonconto ti pangkigtotco iti sangoanam, ket #Deut. 7:23.abakecto amin dagiti tattao a papanamto, ket aramidecto a dagiti amin a cabusormo tumallicodda kenca.

28 # Deut. 7:20. Jos. 24:12. Ket ibaonconto ti alimbubuyog iti sangom a mamapanaw iti imatangmo iti Heveo, ken iti Cananeo, ken iti Heteo.

29 # Deut. 7:22. Diacto pagtalawen ida iti imatangmo iti maymaysa a tawen, di la ket ta agbalin ti daga nga ungaong ket dagiti an-animal ti away umaduda a bumusor kenca.

30Main-inut a pagtalawecto ida iti sangom, agingga dica umadu, ken agtawid iti daga.

31 # Gen. 15:18. Jos. 1:4. 1 Ar. 4:21, 24. Ket icabilconto a beddengmo manipud ti Baybay a Nalabaga inggana iti taaw dagiti Filisteos, ken manipud iti let-ang agingga iti Carayan: #Jos. 21:44.ta yawatconto iti imam dagiti agnaed iti daga; ket pagtalawemto ida iti sangoanam.

32 # Ex. 34:12, 15. Deut. 7:2. Dica makicapponto cadacuada, wenno cadagiti didiosda.

33Didanto agnaed iti dagam, di la ket ta pagbasolendaca iti maicaniwas caniac; #Jos. 23:13. Oc. 2:3. Sal. 106:36.ta no agservica cadagiti didiosda, dayta ti maysa a pacaitibculam a di bumurong.

Currently Selected:

EXODO 23: TB1973

Highlight

Copy