Popular Bible Verses from EXODO 23

Share

Ket agservicayto ken Jehova a Diosyo, ket isu bendicionannanto ti taraonmo ken ti danummo; ket siac iccatecto ti sakit iti tengngam. Awanto ti maalisan a babai wenno lupes iti dagam: ti bilang dagiti aldawmo tungpalecto.

Adtoy, baonec iti sangom ti maysa nga angel, a mangaluad kenca iti dalan, ken mangipan kenca iti disso a sinaganac.

Ngem no ipangagmonto nga ipasnec ti timecna, ken aramidem amin nga ibagac; siacto ngarud ti maysa a cabusor dagiti cabusormo, ken maysa a caringgor dagiti caringgormo.

Dica sumurot iti adu nga agaramid iti dakes; dica met agpalawag iti maysa a panggep a sumiasica a sumurot iti adu a manglabsing iti kinalinteg: Dica met canunongan ti napanglaw a tao iti ringgorna.

Dica anamungan ti naulbod a damag: dica icabil ti imam a bumuyog iti nadamca nga agbalinca a naulbud a sacsi.