EXODO 22

Supapac maipoon iti salungasing, nadumaduma a linlinteg.

1No ti maysa a tao agtacaw iti maysa a vaca wenno carnero, ket patayenna wenno ilacona; bayadannanto iti lima a vaca ti maysa a vaca, ken #2 Sam. 12:6. Luc. 19:8.uppat a carnero ti maysa a carnero.

2 # Mat. 24:43. No ti mannanacaw matumpungan nga agar-aramid iti sercanna, ket masugat nga isu ti pacatayanna, #Num. 35:27.awanto ti pannacabasol iti dara a maipuon kencuana.

3No malgacan ti init, addanto pannacabasol ti dara a maipuon kencuana; isublinanto ti supapac: no awanan iti uray ania, isu #Ex. 21:2.mailaconto ngarud a maisupapac iti tinacawna.

4No ti tinacaw matumpungan a sibibiag iti imana, vaca man, wenno asno, wenno carnero; #bil. 1, 7.bayadannanto iti mamindua.

5No maysa a tao agpaarab ti talon wenno cauvasan, ket ibabatannanto ti animalna, ket agarab iti talon ti sabali a tao; iti casasayaatan nga adda iti cucuana met laeng a talon, ken ti casasayaatan iti cauvasanna met laeng ti pagbayadnanto.

6No tumbuac ti apuy, ket macacayamcam cadagiti samsamec, gapuna nga dagiti binunbunton a mula, wenno ti di pay naanian a mula, wenno ti talon mauramda; ti nangsilmut iti apuy bayadannanto a di bumurong.

7No maysa a tao yawatna iti padana a tao ti pirac wenno alicamen tapno idulinna, ket matacaw iti balay daytoy a tao: #bil. 4.no matumpungan ti bircug, bayadannanto iti mamindua.

8No ti bircug di matumpungan, ti pangoloen ti balay dumatagto ngarud iti #bil. 28. Ex. 21:6.Dios a pangkitaan no saanna nga incabil iti imana cadagiti cucua ti padana a tao.

9Maipangep iti amin nga aramid a salungasing, uray maipapan iti vaca, wenno asno, wenno carnero, wenno pagan-anay, wenno maipapan iti uray ania a nacapucawan ti cucua, isu a pagcunaan ti maysa, Isu daytoy, ti ringgor dagiti dua dumanonto iti saclang ti Dios; ti dusaento ti Dios isu ti agbayadto iti padana a tao iti mamindua.

10No maysa a tao yawatna iti padana a tao ti maysa nga asno, wenno vaca, wenno carnero, wenno uray ania nga animal tapno aywananna; ket matay, wenno masugat, wenno mapatalaw, nga awan tao a macakita:

11 # Heb. 6:16. Ti sapata ni Jehova maibaetto cadacuada a dua, no dina incabil ti imana iti cucua ti padana a tao; ket ti akincua anamongannanto, ket isu agtaraken dinanto bayadan.

12Ngem #Gen. 31:39.no matacaw kencuana, supapacannanto ngarud iti akincua.

13No narangrangcay, isu ti yegna coma a pammanecnec; dinanto bayadan ti narangrangcay.

14Ket no maysa a tao bumulod iti uray ania iti padana a tao, ket masugat ti binuludna, wenno matay, nga saan a sisasango ti makincua, bayadannanto a di bumurong.

15No ti akincucua adda a siimatang, saananto a bayadan: no pagpapaabang, bayadannanto iti abangna.

16Ket no ti maysa a lalaki #Deut. 22:28, 29.sulisogenna ti maysa a balasang a dina kinacasar, ket caiddaenna, bayadannanto a di bumurong ti panabongna kencuana tapno agbalin nga asawana.

17No ti amana pulos a dina cayat nga ited ti balasang kencuana, isu #Gen. 34:12.bayadannanto iti pirac cas mayannurot iti panab-ong cadagiti babbalasang.

18 # Deut. 18:10, 11. 1 Sam. 28:3, 9. Dicanto ipalubos nga agbiag ti managanito a babai.

19 # Lev. 18:23. Siasinoman a makicaidda iti animal mapapatayto a di bumurong.

20 # Num. 25:2, 7, 8. Deut. 13:1, 2, 5, 6, 9, 13. Ti agdaton iti uray ania a dios, no di laeng ken Jehova, matalipupusto a madadael.

21 # Ex. 23:9. Lev. 19:33. Deut. 10:19. Mal. 3:5. Ket dica ranggasan, wenno parparigaten ti maysa a gangannaet: gapu ta naggangannaetcayo iti daga nga Egipto.

22 # Deut. 24:17; 27:19. Sal. 34:6. Isa. 1:17, 23. Dicayo parparigaten ti uray siasino a balo a babai uray ti ulila iti ama.

23No sica parparigatem la ida, #Luc. 18:7.ket #Sal. 145:19. Sant. 5:4.umasugda caniac, dinto bumurong nga ipangagconto ti unnoyda;

24Ket ti pungtotco bumaranto, ket patayencayto iti campilan; ket #Sal. 109:9.dagiti asawayo a babai mabalodanto, ket dagiti annacyo mauliladanto iti ama.

25 # Lev. 25:35, 36, 37. No pautangam iti pirac ti siasinoman cadagiti tattaoc a napanglaw, sa-ancanto a cas maysa a managpautang kencuana saanyonto met a singiren kencuana ti tubo.

26 # Deut. 24:6, 10, 13, 17. No mangalaca iti uray caanoman ti pagan-anay ti padam a tao a pangicarian, isublimto kencuana no dipay lumnec ti init:

27Ta daydiay is-isu laeng ti abbongna, isu ti cawes ti cudilna: ania ti pagturognanto? ket mapasamacto a no umasug caniac denggecto; ta #Ex. 34:6.siac manangasiac.

28 # 2 Sam. 19:21. D. Ara. 23:5. Dica pagbassawangan ti Dios wenno ilunud ti maysa nga agturay cadagiti cailiam.

29Dica agtactac a #Ex. 13:2.mangidaton iti nayon ti apitmo, ken iti agayus cadagiti pagpespesam. Ti inauna cadagiti anacmo a lalaki itedmonto caniac.

30Castoy met ti #Deut. 15:19.aramidem cadagiti vacvacam ken carcarnerom: cadagiti #Lev. 22:27.pito nga aldaw agyanto iti inana; iti maicawalo nga aldaw itdemto caniac.

31Ket dacayo #Ex. 19:6.sasantocayto caniac: #Lev. 22:8.isu ti gapuna a dicayto canen ti uray ania a lasag a rinangcay dagiti an-animal a naranggas iti away; ibellengyonto cadagiti asaso.

Currently Selected:

EXODO 22: TB1973

Highlight

Copy