ESTER 5

Ti ari ken ni Aman makifiesta ken Ester. Ni Aman mangaramid iti maysa a pagbitayan a maipaay ken Mardokeo.

1Naaramid #Est. 4:16.iti maicatlo nga aldaw, a ni Ester nagkawes ti naarian a pagan-anay, ket nagtacder idiay #Est. 4:11; 6:4.naununeg a paraangan ti balay ti ari, iti sangoanan ti balay ti ari: ket nagtugaw ti ari iti tronona a naarian idiay balay a naarian, iti sangoanan ti pagsercan ti balay.

2Ket idi a casta, idi a ti ari nakitana ni reina Ester nga agtatacder iti paraangan, a ni Ester #Est. 2:9.nacagun-od iti parabur iti imatangna; ket #Est. 4:11; 8:4.ti ari inyunnatna ken Ester di cetro a balitoc nga adda idi iti imana. Iti casta immadani ni Ester, ket sinagidna ti toctoc ti cetro.

3Idin ti ari kinunana kencuana Ania ti cayatmo, reina Ester? ken ania ti kiddawem? isu ti maitedto kenca #bil. 6. Est. 7:2. Mar. 6:23.uray iti caguddua ti pagarian.

4Ket ni Ester kinunana, No maipagarup a naimbag iti ari, umay coma ti ari ken ni Aman itoy nga aldaw iti daya a sinaganac a maipaay kencuana.

5Idin ti ari kinunana, Pagdarasenyo ni Aman, tapno maaramid ti cas kinuna ni Ester. Iti casta ti ari ken ni Aman immayda iti daya a sinagana ni Ester.

6 # Est. 7:2. Ket ti ari kinunana ken Ester idi daya nga arac, #bil. 3. Est. 7:2; 9:12.Ania ti dawatmo? ket isu ti maitedto kenca: ket ania ti kiddawmo? uray iti caguddua ti pagarian maannugutto.

7Idin simmungbat ni Ester, ket kinunana, Ti dawatco ken kiddawco isu:

8No nacasaracac iti parabur iti imatang ti ari, ken no macaay-ayo iti ari ti panangtedna iti dawatco, ken ti panangtungpalna iti kiddawco, umay coma ti ari ken ni Aman iti daya a sinaganac a maipaay cadacuada, ket aramidecto no bigat ti cas kinuna ti ari.

9Idin rimmuar ni Aman iti daydi nga aldaw a sirarag-o ken siraragsac ti pusona: ngem idi nakitana ni Mardokeo idiay ruangan ti ari, #Est. 3:5. a di timmacder wenno naggaraw gapu kencuana, isu napno iti pungtot a maibusor ken Mardokeo.

10Nupay casta ni Aman minedmedanna ti bagina met laeng, ket napan idiay pagtaenganna; ket nagbaon ken pinaalana dagiti gagayyemna ken ni #bil. 1. Est. 6:13.Zeres nga asawana a babai.

11Ket ni Aman sinaritana manen cadacuada ti dayag dagiti kinabacnangna, ken #Est. 9:7-10.ti caadu dagiti annacna, ken amin dagiti banbanag a #Est. 3:1.nangingatoan ti ari kencuana, ken no casano ti panangitan-ocna kencuana iti ngato dagiti pangoloen ken ad-adipen ti ari.

12Maysa pay kinuna ni Aman, Wen, ni Ester a reina dina pinalubosan ti asinoman a tao a makiserrec iti ari agingga iti daya a sinaganana no di laeng sisiac; ket castamet intono bigat ti reina inawisnac a maicadua iti ari.

13Nupay casta amin daytoy awan ti gungonana caniac bayat ti pannacakitac ken Mardokeo a Judio nga agtugtugaw idiay ruangan ti ari.

14Idin kinuna ni Zeres nga asawana ken amin dagiti gagayyemna kencuana, Maaramid coma ti maysa a pagbitayan a limapulo a casico ti catayagna, ken intono bigat agsaoca iti ari a ni Mardokeo maibitay coma idiay: iti casta makiserreccanto a siraragsac iti ari agingga iti daya. Ket ti banag inay-ayona ni Aman; ket pinaaramidna ti pagbitayan.

Currently Selected:

ESTER 5: TB1973

Highlight

Copy