ESTER 4
4
Ni Mardokeo ud-udanna ni Ester a mangibabaet.
1Idi naammoan ni Mardokeo amin a naaramid, ni Mardokeo #Gen. 44:13.rinay-abna dagiti pagan-anayna, ket #1 Ar. 20:31, 38, 41. Job 2:8. Jer. 6:26. Dan. 9:3.nagcawes iti lupot a nakersang a sidadapo, ken napan iti tengnga ti ili, ket imkis iti maysa a natbag ken napait nga ickis;
2Ket immay met laeng iti sangoanan ti ruangan it ari: ta awan ti macabalin a sumrec iti uneg ti ruangan ti ari a nagcawes iti lupot a nakersang.
3Ket iti tunggal provincia iti sadinoman a dimtengan ti bilin ti ari ken ti pangngeddengna, adda idi dackel a #bil. 16. Est. 9:31.panagleddaang iti nagtengngaan dagiti Judios, ken panagayunar, ken panagsangit, ken dung-aw; ket adu ti nagidda iti lupot a nakersang ken dapdapo.
4Ket dagiti babbalasang ni Ester ken dagiti #Est. 1:10.agaywan iti siledna immayda, ket isu ti imbagada kencuana; ket ti reina napaladingit iti napalalo: ket nagpaipan iti pagananay a pangcawas ken Mardokeo, ken maiccat iti lupot a nakersang kencuana; ngem ni Mardokeo dina inawat.
5Idin pinaayaban ni Ester ni Atac, a maysa cadagiti agaywan iti siled ti ari, a natudingan nga agservi kencuana, ket isu ti kinumitanna a mapan ken Mardokeo, tapno ammoenna no ania daytoy idi ken ti gapuna.
6Iti casta rimmuar ni Atac ken Mardokeo agingga iti nalawa a disso ti ili, nga adda idi iti sangoanan ti ruangan ti ari.
7Ket ni Mardokeo imbagana kencuana ti amin a napasamac kencuana #Est. 3:9.ken ti apagisu a dagup ti pirac nga ni Aman incari a pagbayad cadagiti paggamengan ti ari a gapu cadagiti Judios, a pangdadaelna cadacuada.
8Intedna met kencuana #Est. 3:14; 8:13.ti catucad ti surat a pangngeddeng a naiwarnac idiay Susan a pangdadael cadacuada, tapno isu ti iparangna ken Ester, ken isu ti ipalawagna kencuana, ken cumitanna ni Ester tapno sumrec iti ari, tapno agpacaasi kencuana, ken agkiddaw iti sangoananna, a gapu iti ilina.
9Ket ni Atac immay ket imbagana ken Ester dagiti sasao ni Mardokeo.
10Idin ni Ester sinaona ken Atac, ket intedna kencuana ti maysa a damag ken Mardokeo, a kinunana:
11Amin dagiti ad-adipen ti ari, ken ti tattao dagiti provincia ti ari, ammoda, nga uray siasinoman, a lalaki wenno babai, a sumrecto agingga iti ari, #Est. 5:1.idiay naununeg a paraangan, a di maayaban, adda #Dan. 2:9.maysa a linteg a maipaay kencuana, tapno mapapatay, malacsid #Est. 5:2; 8:4.dagiti pangyunnatanto ti ari iti cetro a balitoc, agbiagda: ngem diac naayaban a sumrec agingga iti ari cadagitoy tallopulo nga aldaw.
12Ket imbagada ken Mardokeo dagiti sasao ni Ester.
13Idin ni Mardokeo nagdawat cadacuada nga isublida ti sungbat ken Ester, Dica panunoten kenca met laeng a macalisica iti balay ti ari, a nangnangrona ngem cadagiti amin a Judios.
14Ta no agtalnaca a maminpinsan itoy a tiempo, no casta ti bang-ar ken ti pannacaispal bumangonto cadagiti Judios manipud iti sabali a disso, ngem sica ken ti balay ni amam mapucawcayto: ket asino ti macaammo a sica dica mayeg iti pagarian a maipaay iti casta a tiempo a cas itoy?
15Idin ni Ester nagdawat cadacuada nga isublida ti sungbat ken Mardokeo,
16Inca urnongem amin dagiti Judios nga addada a madama iti Susan, ket agayunarcayo a maipaay caniac, ket dicayo mangan wenno uminum bayat iti #Est. 5:1.tallo nga aldaw, rabii wenno aldaw: siac met ken dagiti babbalasangco agayunarcamto met iti casta a wagas; ket iti casta sumrecacto agingga iti ari, nga uray saan a mayalubog iti linteg; ket no mapucawac, mapucawac.
17Iti casta ni Mardokeo napan iti dalanna, ket inaramidna ti mayannurot iti amin nga imbilin kencuana ni Ester.
Currently Selected:
ESTER 4: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
