ESTER 3
3
Idian ni Mardokeo ti agraem ken Aman. Pakinacmen ni Aman a dadaelen dagiti Judios.
1Calpasan dagitoy a banbanag inngato ni ari Asuero ni Aman nga anac a lalaki ni Amadata nga #Num. 24:7. 1 Sam. 15:8.Agageo, ket isu ti intan-ocna, ket insaadna ti tugawna iti ngato dagiti amin a pangpangoloen nga adda idi kencuana.
2Ket amin dagiti ad-adipen ti ari, a #Est. 2:10.nagyan idi iti ruangan ti ari, nagrucnoyda, ket nagraemda ken Aman: ta ti ari imbilinna ti casta a maipapan kencuana. Ngem saan a nagrucnoy ni Mardokeo, wenno nagraem kencuana.
3Idin dagiti ad-adipen ti ari, a nagyan idi iti ruangan ti ari, kinunada ken Mardokeo, Apayapay a labsingem ti #bil. 2.bilin ti ari?
4Naaramid idi a sinaoda kencuana nga inaldaw-aldaw, ket dina impangag ida, nga imbagada ken Aman, a kitaenda coma no ti panggep ni Mardokeo mataginayon: ta imbagana cadacuada nga isu maysa a Judio.
5Ket idi a ni Aman nakitana a di nagrucnoy ni Mardokeo, wenno nagraem kencuana, idin ni Aman napno iti pungtot.
6Ngem pinanunotna a pacauyawan ti panangaramat iti ima ken Mardokeo a maymaysa; ta impacaammoda kencuana ti ili ni Mardokeo: gapuna a ni Aman nagsapul ti pangdadaelna cadagiti amin a Judios nga adda idi iti amin a pagarian ni Asuero, a ti met laeng ili ni Mardokeo.
7Idi umuna a bulan nga isu ti bulan a #Neh. 2:1.Nisan, idi maicasangapulo ket dua a tawen ni Ari Asuero #Est. 9:24, 26.inaramidda ti Pur, a cayat a saoen a naggiginnasangasatda iti sangoanan ni Aman iti inaldawaldaw, ken iti binulanbulan, agingga iti maicasangapulo ket dua a bulan, nga isu ti bulan nga #Esd. 6:15.Adar.
8Ket kinuna ni Aman ken ari Asuero, Adda maysa nga ili a naiwara ken naiwaras iti tengnga dagiti il-ili cadagiti amin a provincia ti panapagariam; ket #Esd. 4:12, 13.dagiti linlintegda maisupadi cadagidiay iti tunggal umili; uray dagiti linlinteg ti ari dida salimetmetan: gapuna a saan a maipaay a paggungunaan ti ari ti panagibtur cadacuada.
9No isu ti macaay-ayo iti ari, maisurat coma tapno madadaelda: ket agbayadacto iti sangapulo ribu a talento a pirac cadagiti, im-ima dagiti mangaluad ti aramid ti ari, tapno isu ti ipisocda cadagiti paggamengan ti ari.
10Ket #Gen. 41:42. Est. 8:2.sinucto ti ari di singsingna idi ramayna, ket intedna ken Aman nga anac a lalaki ni Amadata nga Agageo, a #Est. 8:1; 9:10, 24.cabusor dagiti Judios.
11Ket ti ari kinunana ken Aman, Ti pirac maited kenca, ti umili casta met, tapno aramidem cadacuada ti cas ipagarupmo a naimbag.
12 #
Est. 8:9. Idin naayaban dagiti escribas ti ari idi #bil. 7.umuna a bulan, idi maicasangapulo ket tallo nga aldawna; ket naisurat idi cas mayalubog iti amin a ni Aman imbilinna cadagiti #Esd. 8:36.satrapas ken gobernador ti ari a pangoloen idi ti tunggal provincia, ken cadagiti pangpangoloen ti tunggal ili, iti tunggal provincia a mayalubog iti panagsuratna, ken iti tunggal umili a mayannurot iti pagsasaoda; #Est. 8:8, 10.iti nagan ni ari Asuero nasuratan, ket nadeppelan iti singsing ti ari.
13Ket #2 Cron. 30:6. Est. 8:10.naipacorreo dagiti sursurat cadagiti amin a provincia ti ari, tapno mangdadael, mangpatay, ken mangpapucaw, cadagiti amin a Judio, agtutubo man ken lallacay agpadpada, ubbing a babassit ken babbai, #Est. 8:12; 9:1.iti maymaysa nga aldaw, iti met laeng maicasangapulo ket tallo nga aldaw ti maicasangapulo ket dua a bulan, nga isu ti bulan nga #Esd. 6:15.Adar, ken #Est. 8:11.alaenda ti samsam cadacuada a maipaay a maysa a tinucmaan.
14 #
Est. 8:13, 14. Ti catucad ti surat, tapno ti pangngeddeng maited iti tunggal provincia, naiwarnac agingga cadagiti amin nga il-ili, tapno sisasaganada iti daydi nga aldaw.
15Dagiti correo rimmuarda a napardas gapu iti bilin ti ari, ket ti pangngeddeng naited idiay Susan a palacio. Ket ti ari ken ni Aman nagtugawda nga aginum; ngem #Est. 8:15.ti ili a Susan agpangpangngadua.
Currently Selected:
ESTER 3: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
