ESTER 6

Mapadayawan ni Mardokeo iti ari.

1Iti daydi a rabii ti ari saan a nacaturog; ket imbilinna a mayeg #Est. 2:23; 10:2.ti libro a nacaisuratan dagiti cronicas, ket nabasada iti sangoanan ti ari.

2Ket nasaracan idi a naisurat, a ni Mardokeo imbagana a maipapan cada #Est. 2:21.Bigtan ken Teres, a dua cadagiti agaywan iti ruangan ti ari, cadagiti nagbantay iti dapian, isuda a nagsapul ti panangimada ken ari Asuero.

3Ket ti ari kinunana, Ania a dayaw ken caicarian ti naited idi ken Mardokeo gapu itoy? Idin kinuna dagiti ad-adipen ti ari a nagannong kencuana, Awan ti naaramid a maipaay kencuana.

4Ket ti ari kinunana, Asino ti adda iti paraangan? Ket ni Aman dimtengen #Est. 4:11; 5:1.iti makinruar a paraangan ti balay ti ari, a #Est. 5:14.mangibaga iti ari a maibitay ni Mardokeo idiay pagbitayan a sinaganana a maipaay kencuana.

5Ket dagiti ad-adipen ti ari kinunada kencuana, Adtoy, ni Aman agtatacder idiay paraangan. Ket ti ari kinunana, Palubosanyo a sumrec.

6Iti casta ni Aman simrec. Ket ti ari kinunana kencuana, Ania ti maaramidto iti tao a pagrag-oan a dayawen ti ari? Ni Aman kinunana idi pusona, Asino ti pagrag-oan ti ari a pangaramidan iti dayaw a nangnangrona ngem siac met laeng?

7Ket ni Aman kinuinana iti ari, Iti asino a tao a pagrag-oan a dayawen ti ari,

8Mayeg coma ti naarian a pagan-anay nga aramaten ti ari a pagcawes ken #1 Ar. 1:33.ti cabayo a pagsacayan ti ari, ket iti olo daydiay maysa a naarian a balangat ti maisaad:

9Ket mayawat coma ti pagan-anay ken cabayo iti ima ti maysa cadagiti catacnengan unay a pangoloen, tapno cawesanda ti lalaki a pagrag-oan a dayawen ti ari, ket isu ti pasacayenda iti bucot ti cabayo nga ipagna iti lansangan ti ili, ket iwarragawagda iti sangoananna, Daytoy ti maaramidto iti lalaki a pagrag-oan a dayawen ti ari.

10Idin ti ari kinunana ken Aman, Agdarasca, ket alaem ti pagan-anay ken ti cabayo, cas ti kinunam, ket aramidem met laeng ti casta ken Mardokeo a Judio, nga agtugaw idiay ruangan ti ari: dica palubosan a macurangan ti amin a sinaom.

11Idin innala ni Aman ti pagan-anay ken ti cabayo, ken kinawesanna ni Mardokeo, ket pinasacayna nga impagna iti lansangan ti ili, ket inwarragawagna iti sangoananna, Castoy ti maaramidto iti lalaki a pagrag-oan a dayawen ti ari.

12Ket ni Mardokeo immay manen idiay ruangan ti ari. Ngem ni Aman nagdaras a napan iti balayna, nga agleddaang #2 Sam. 15:30.ken siaabbong ti olona.

13Ket ni Aman sinarita manen ken #Est. 5:10, 14.Zares nga asawana ken cadagiti amin a gagayyemna ti tunggal napasamac kencuana. Idin kinuna dagiti mamasirib a lallakina ken ni Zeres nga asawana kencuana, No ni Mardokeo, nga iti sangoananna nangrugican a maipababa, isu ti putot dagiti Judio, dicanto agballigi iti maibusor kencuana, no di ket pudno a maipababacanto iti sangoananna.

14Bayat ti caaddada pay laeng a makisasao kencuana, dimteng dagiti agaywan iti siled ti ari, ket nagdarasda a mangipan ken Aman #Est. 5:8.iti daya a sinagana ni Ester.

Currently Selected:

ESTER 6: TB1973

Highlight

Copy