Popular Bible Verses from ESTER 6

Share

Iti daydi a rabii ti ari saan a nacaturog; ket imbilinna a mayeg ti libro a nacaisuratan dagiti cronicas, ket nabasada iti sangoanan ti ari. Ket nasaracan idi a naisurat, a ni Mardokeo imbagana a maipapan cada Bigtan ken Teres, a dua cadagiti agaywan iti ruangan ti ari, cadagiti nagbantay iti dapian, isuda a nagsapul ti panangimada ken ari Asuero.

Iti casta ni Aman simrec. Ket ti ari kinunana kencuana, Ania ti maaramidto iti tao a pagrag-oan a dayawen ti ari? Ni Aman kinunana idi pusona, Asino ti pagrag-oan ti ari a pangaramidan iti dayaw a nangnangrona ngem siac met laeng?

Idin ti ari kinunana ken Aman, Agdarasca, ket alaem ti pagan-anay ken ti cabayo, cas ti kinunam, ket aramidem met laeng ti casta ken Mardokeo a Judio, nga agtugaw idiay ruangan ti ari: dica palubosan a macurangan ti amin a sinaom.