DANIEL 9
9
Ni Daniel icararagna dagiti cacailianna. Ti sungbat nga impan ni Gabriel.
1 #
Dan. 11:1. Iti immuna a tawen #Dan. 5:31.ni Dario nga anac ni Asuero, a capuonan dagiti Medos, isu a naaramid nga ari iti pagarian dagiti Caldeos,
2Iti immuna a tawen ti panagarina, siac, ni Daniel, naawatac gapu cadagiti libro ti bilang dagiti tawen a nanipudan ti sao ni Jehova a dimteng ken Jeremias a #Jer. 25:12.mammadto, maipaay iti pannacalpas ti pannacalangalang ti Jerusalem, isuda met laeng pitupulo a tawen.
3Ket insangoc ti rupac #Neh. 1:4.iti Apo a Dios, tapno sapulec babaen ti cararag ken pannakicaasi, agraman panagayunar ken lupot a nakersang ken dapu.
4 #
Esd. 10:1. Neh. 1:6. Ket nagcararagac ken Jehova a Diosco, ket nagpudnoac, ket kinunac, O Apo, ti dackel ken pagbutngan a Dios, a mangsalimetmet iti tulag ken kinamanangngaasi cadagiti agayat kencuana ken mangtungpal cadagiti bilbilinna,
5Nacabasolcami, ken nagaramidcami a siuulpit, ken nagaramidcami a sidadangkes, ken simmukircami a simmiasicami met laeng cadagiti bilinmo ken pagalagadam;
6Dicami met impangag #2 Cron. 36:15, 16.dagiti adipenmo a mammadto, a nagsao iti naganmo cadagiti arimi, cadagiti principemi, ken cadagiti ammami, ken cadagiti amin a tattao ti daga.
7O Apo, ti kinalinteg maitutup kenca, ngem cadacami pannacariribuc ti rupa a cas iti daytoy nga aldaw; cadagiti lallaki ti Juda, ken cadagiti agnaed iti Jerusalem, ken amin nga Israel, #Est. 9:20.nga addada iti asideg, ken addada iti adayu, cadagiti amin a dagdaga a nangiturongam cadacuada a gapu iti salungasingda a kimmaniwasda kenca.
8O Apo, cadacami agpaay ti pannacariribuc ti rupa, cadagiti arimi, cadagiti principemi, ken cadagiti ammami, gapu ta nagbasolcami iti maibusor kenca.
9Iti Apo a Diosmi #Neh. 9:17. Sal. 130:4.paggubuayan dagiti caasi ken pammacawan; ta simmukircami a maibusor kencuana;
10Ket dicami met nagtulnog iti timec ni Jehova a Diosmi, tapno magna cadagiti linlintegna, isuda nga incabilna iti sangoananmi babaen cadagiti adipenna a mammadto.
11 #
Isa. 1:4-6. Jer. 8:5, 10. Wen, amin nga Israel sinalungasingna ti lintegmo, a simmiasida met laeng, tapno dida coma tungpalen ti timecmo: gapu itoy naibucbuc cadacami ti panangilunod, ken ti sapata a naisurat #Lev. 26:14. Deut. 27:15; 28:15; 29:20, 27.iti linteg ni Moises nga #1 Cron. 6:49. 2 Cron. 24:9. Neh. 10:29.adipen ti Dios; gapu ta nagbasolcami a maicaniwas kencuana.
12Ket isu pinasingkedanna dagiti saona nga imbalicasna a maibusor cadacami, ken maibusor cadagiti #2 Ar. 23:22.ococommi a nangocom cadacami, #Jer. 39:16.iti panangyegna cadacami iti dackel a kinadakes; ta iti baba ti amin a langit saan a naaramid ti cas iti naaramid iti Jerusalem.
13Cas adda a naisurat iti linteg ni Moises, amin daytoy a kinadakes immay cadacami: ngem dicami pay nagdawat iti parabur ni Jehova a Diosmi, tapno agbabawicami coma cadagitikinadangkesmi, ken adda coma cadacami ti pannacaamiris iti kinapudnom.
14 #
Jer. 31:28; 44:27. Gapuna a ni Jehova binantayanna ti kinadakes, ket inyegna cadacami; agsipud ta ni Jehova a Diosmi nalinteg cadagiti amin nga aramidna nga aramidenna, ket dicami tinungpal ti timecna.
15Ita ngarud, O Apo a Diosmi, nga inaonmo ti ilim iti daga nga Egipto babaen ti mannacabalin nga imam, ket nacagun-odca iti dayaw, a cas itoy nga aldaw; nagbasolcami, nangaramidcami a sidadangkes.
16O Apo, cas #1 Sam. 12:7. Sal. 31:1; 71:2.mayannurot iti amin a kinalintegmo, ti unget ken pungtotmo dawatec kenca a maibawingda coma manipud iti ilim a Jerusalem #bil. 20. Zac. 8:5.ti nasantoan a bantaymo; ta gapu cadagiti basbasolmi, ken gapu iti kinadangkes dagiti ammami, ti #D. Un. 2:15, 16.Jerusalem ken ti ilim nagbalinda a pacabainan cadagiti amin nga adda nga aglicmut cadacami.
17Ita ngarud, O Diosmi, ipangagmo ti cararag ti adipenmo, ken dagiti pannakicaasina, #Num. 6:25.ket paraniagem ta rupam iti santuariom a nalangalang, gapu iti nagan ti Apo.
18O Diosco, yallingagmo ta lapayagmo, ket denggem; luctam dagiti matam, ket imatangam dagiti langalangmi, ken ti ili a managanan iti naganmo: ta dicami idatag dagiti pannakicaasimi iti sangom gapu iti kinalintegmi, no di ket gapu iti dackel a caasim.
19O Apo, denggem; O Apo, pacawanem; O Apo, ipangagmo ken aramidem; #Sal. 40:17; 70:5.dica agtactac, #Sal. 79:9, 10; 102:15, 16.gapu iti naganmo met laeng, O Diosco, ta ti ilim ken dagiti tattaom managananda iti naganmo.
20Ket idi addaac pay laeng nga agsasao, ken agcarcararag, ken agipudpudno iti basolco ken iti basol ti ilic nga Israel, ket intuyangco ti pannakicaasic iti sango ni Jehova a Diosco gapu iti nasantoan a bantay ti Diosco;
21Wen, idi agsasaoac pay laeng nga agcarcararag, ti lalaki a ni #Dan. 8:16.Gabriel, isu a nakitac iti sirmata iti punganay, idinto a napatayab a sipapardas, #Dan. 8:18.kinalbitnac #1 Ar. 18:36.idi cas la horas ti daton iti rumabii.
22Ket insurunac, ket nagsao caniac a kinunana, O Daniel, ita rimuarac, tapno iccanca iti sirib ken pannacaawat.
23Iti panangrugi dagiti pannakicaasim ti bilin rimmuar, ket siac umayac a mangibaga kenca, #Luc. 1:28.ta sica madongngoca unay: gapuna nga otobem ti panggep, ket awatem ti sirmata.
24 #
Lev. 25:8. Dan. 10:2, 3. Pitopulo a lawas naikeddengda cadagiti tattaom ken iti nasantoan nga ilim a pangleppas iti salungasing, ken panangaramid iti panungpalan dagiti basbasol, #Isa. 53:11.ken panangaramid iti panagcacappia gapu iti kinadakes, ken mangyeg iti agnanayon a kinalinteg, ken pangselloan iti sirmata ken padto, ken mangpulot iti #Mar. 1:24.casantoan.
25Ammoem ngarud, ket amirisem, a manipud iti iruruar ti bilin a mangpabaro ken mangbangon iti Jerusalem agingga #bil. 26. Juan 1:41; 4:25.iti napulotan, ti principe, addanto pito a lawasna, ken innem a pulo ket dua a lawasna: mabangonto manen nga adda lansanganna ken canal, uray pay #Neh. 4:8, 16, 18; 6:15.cadagiti nariribuc a pannawen.
26Ket calpasan dagiti innem a pulo ket dua a lawasna #Mar. 9:12. Luc. 24:26, 46.madadaelto ti napulotan, #1 Ped. 2:21; 3:18.ket awanto ti mabati kencuana: ket ti ili ti principe nga umayto racrakennanto ti ciudad ken ti santuario; ket ti panungpalanna maaramidto agraman ti maysa a layus, ket agingga iti canibusanan maaramidto ti gubat; maikeddeng dagiti pannacalangalang.
27Ket mangaramidto iti maysa a nalagda a tulag cadagiti adu iti maysa a lawasna: ket iti tengnga ti lawasna pasardengennanto ti sacrificio ken daton; ken iti payac dagiti kinarimon umayto #Mat. 24:15. Mar. 13:14.ti maysa a mamagbalin a langalang; ket maibuyatto #Isa. 10:23; 28:22. Luc. 21:24.ti pungtot iti nalangalang agingga met laeng iti naananay a panungpalan ket dayta naikeddeng.
Currently Selected:
DANIEL 9: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
