DANIEL 10

Ti sirmata ni Daniel iti maysa a tao. Isu mapabuteng, ket isu ti liwliwaen ti tao.

1Iti maicatlo a tawen ni Ciro nga ari ti Persia maysa a banag ti naipaltiing ken Daniel, a ti naganna nanaganan idi iti #Dan. 1:7.Baltasar; ket daydi a banag pudno, a maysa met laeng a dackel a gubat; ket isu naawatanna ti panggep, ket adda idi pannacaawatna iti sirmata.

2Cadagita nga al-aldaw siac, ni Daniel, nagpanesac bayat ti tallo a lawasna.

3Saanac a nangan iti naimas a tinapay, ket awan met ti simrec a lasag wenno arac iti ngiwatco, #Amos 6:6. Mat. 6:17.ket diac met sinapsapoan a pulos ti bagic met laeng, agingga iti naturpus amin a tallo a lawasna.

4Ket iti maicaduapulo ket uppat nga aldaw ti umuna a bulan, idi nga addaac iti igid ti dackel a carayan, a #Gen. 2:14.Hiddekel.

5Intangadco dagiti matac, ket kimmitaac, ket adtoy, ti maysa a tao a #Eze. 9:2.nagcawes iti lienzo, a dagiti lomona nabaricsanda iti pulos a #Apoc. 1:13, 15; 15:6.balitoc ti Ufaz:

6Ti bagina met #Eze. 1:16.mayasping iti berilo, ket ti rupana #Eze. 1:14. Apoc. 1:16.cas iti langa ti kimat, ket dagiti matana casda gumilgil-ayab nga aluten, ket dagiti tackiagna ken sacana casda napasileng a gambang, #Apoc. 19:6.ket ti timec dagiti sasaona cas la timec ti umariwecwec a tattao.

7Ket siac, ni Daniel, siac laeng ti nacakita ti sirmata; ta dagiti tattao a cadduac saanda a nakita ti sirmata; ngem maysa a dackel a panagkintayeg napasamac cadacuada, ket isuda nagtalawda a naglemmeng.

8Gapuna a nagbatiac a maymaysa, ket nakitac daytoy dackel a sirmata, ket awan ti nabati a pigsa caniac; ket ti kinataerco nagbalin caniac a panagrupsa, ket awan ti nabati caniac a pigsa.

9Nupay casta nangngegco ti aweng dagiti saona #Dan. 8:18.ket idi a nangngegco ti aweng dagiti saona, napasagacon iti nargaan a turog a sipapaclebac, a ti rupac nagdisso iti daga.

10Ket adtoy, maysa nga ima sinagidnac, ket insimpanac cadagiti tumengco ken cadagiti daculap dagiti imac.

11Ket kinunana caniac, O Daniel, sica tao a madongngo unay, awatem dagiti sasao nga imbagac kenca, ket tumacderca nga agtindec; ta kenca naibaonac ita. Ket idi a naibagana daytoy a sao caniac, timmacderac a sipipigerger.

12Idin kinunana caniac, #bil. 19. Apoc. 1:17.Dica agbuteng, Daniel, ta nanipud idi damo nga aldaw a panangipapusom nga umawat ken agpacumbaba iti sangoanan ti Diosmo, dagiti saom #Dan. 9:3, 4, 22, 23.naipangagda: ket umayac gapu cadagiti saom.

13Ngem ti principe ti pagarian ti Persia bimmusor caniac bayat ti duapulo ket maysa nga aldaw, ngem adtoy, ni #bil. 21. Dan. 12:1. Jud. 9. Apoc. 12:7.Miguel a maysa cadagiti pangulo dagiti principe, immaynac tinulongan; ket siac nagbatiac idiay cadagiti ar-ari ti Persia.

14Ita umayac a mangipaawat kenca no ania ti mapasamacto iti ilim cadagiti adlaw a maud-udi; #Dan. 2:28.ta ti sirmata maipaay pay laeng cadagiti adu nga aldaw.

15Ket idi a naibagana caniac ti mayannurot cadagitoy a sasao, indumogco ti rupac iti daga ket nagumelac.

16Ket adtoy ti maysa nga #Dan. 8:15.umasping cadagiti annac dagiti tattao #Isa. 6:7.sinagidna dagiti bibigco: idin rinugiac ti nagsao, a kinunac iti daydi nagtacder idi sangoanac, O apoc, gapu iti sirmata dagiti ladingitco nagsublida caniac, ket awan ti nabati caniac a pigsa.

17Ta casano ti pannakisao ti adipen daytoy apoc itoy apoc? ta no maipapan caniac, nadagdagus nga awan caniac ti nabati a pigsa, ket awan met ti anges a natda caniac.

18Idin kinalbitnac manen ti maysa nga umasping iti tao, ket isu pinapigsanac.

19Ket kinunana, #bil. 11.O tao a madongngo unay, dica abuteng: adda coma kenca ti talna, #Deut. 31:7, 23.bumilegca, wen, bumilegca. Ket idi a nagsao caniac napapigsaac, ket kinunac, Agsao coma ti apoc; agsipud ta pinapigsanac.

20Idin kinunana, Dica ammo aya no ania ti gapuna nga umayac kenca? ket ita agsubliac a manggubat iti #bil. 13.principe ti Persia: ket intono mapanac, adtoy, ti principe ti #Dan. 8:21.Grecia umayto.

21Ngem ibagacto kenca dayta nailanad iti surat ti #Dan. 11:2.pudno: ket awan ti timmulong caniac a maibusor cadagitoy, no di la ni #bil. 13.Miguel a principeyo.

Currently Selected:

DANIEL 10: TB1973

Highlight

Copy