Popular Bible Verses from DANIEL 9

Share

Ket nagcararagac ken Jehova a Diosco, ket nagpudnoac, ket kinunac, O Apo, ti dackel ken pagbutngan a Dios, a mangsalimetmet iti tulag ken kinamanangngaasi cadagiti agayat kencuana ken mangtungpal cadagiti bilbilinna

O Diosco, yallingagmo ta lapayagmo, ket denggem; luctam dagiti matam, ket imatangam dagiti langalangmi, ken ti ili a managanan iti naganmo: ta dicami idatag dagiti pannakicaasimi iti sangom gapu iti kinalintegmi, no di ket gapu iti dackel a caasim. O Apo, denggem; O Apo, pacawanem; O Apo, ipangagmo ken aramidem; dica agtactac, gapu iti naganmo met laeng, O Diosco, ta ti ilim ken dagiti tattaom managananda iti naganmo.

Ket insangoc ti rupac iti Apo a Dios, tapno sapulec babaen ti cararag ken pannakicaasi, agraman panagayunar ken lupot a nakersang ken dapu.

Iti Apo a Diosmi paggubuayan dagiti caasi ken pammacawan; ta simmukircami a maibusor kencuana

Ket mangaramidto iti maysa a nalagda a tulag cadagiti adu iti maysa a lawasna: ket iti tengnga ti lawasna pasardengennanto ti sacrificio ken daton; ken iti payac dagiti kinarimon umayto ti maysa a mamagbalin a langalang; ket maibuyatto ti pungtot iti nalangalang agingga met laeng iti naananay a panungpalan ket dayta naikeddeng.