II SAMUEL 2

Ni David maaramid nga ari iti Juda, ket ni Isboset nga ari iti Israel. Ni Abner maabac ken Joab. Ni Asael camatenna ni Abner, ket papatayen ni Abner.

1Iti calpasan daytoy naaramid a ni David #Num. 27:21.immuman ken Jehova, a kinunana, Sumang-atacto iti uray ania cadagiti il-ili ti Juda? ket ni Jehova kinunana kencuana, Sumang-atca. Ket ni David kinunana, Sadino ti sang-atacto? Ket isu kinunana, Iti Hebron.

2Iti casta ni David simmang-at sadiay, ken agraman cadagiti #1 Sam. 25:43.dua nga assawana, da Ahinoam a Jezreelita, ken ni Abigail nga asawa idi ni Nabal a Carmelito.

3 # 1 Sam. 27:2, 3; 30:1. Ket dagiti lallakina nga adda idi kencuana incuyog ida ni David, ti tunggal lalaki agraman cabbalayna: ket isuda nagnaedda idi cadagiti il-ili ti Hebron.

4Ket dagiti lallaki ti Juda #2 Sam. 5:5.immayda, ket pinulotanda sadiay ni David nga ari iti balay ni Juda. Ket imbagada ken David, a cunana #1 Sam. 31:13.Dagiti lallaki a taga Jabes-galaad isuda dagiti nangitabon ken Saul.

5Ket ni David nagbaon cadagiti babaonen cadagiti lallaki a taga Jabes-galaad, ket kinunana cadacuada, #Rut. 2:20.Benditocayo coma ken ni Jehova, nga imparangyo daytoy a kinaimbag ken apoyo, a ni met laeng Saul, ket isu intabonyo.

6 # 2 Tim. 1:16, 18. Ket ita ni Jehova iparangna ti naayat a kinaimbag ken kinapudno cadacayo: ket siac met supapacacto cadacayo daytoy a kinaimbag, agsipud ta inaramidyo daytoy a banag.

7Gapuna ita pumigsada coma dagita im-imayo, ken umingelcayo; ta ni Saul nga apoyo natay, ken castamet ti balay ni Juda pinulotannac nga ari cadacuada.

8 # 1 Sam. 14:50; 17:55. 2 Sam. 3:6. Ket ni Abner, nga anac ni Ner, a capitan ti buyot ni Saul, innalana ni #2 Sam. 4:4. 1 Cron. 8:33; 9:39.Isboset nga anac a lalaki ni Saul, ket isu inyegna iti Mahanaim;

9Ket isu ti pinagbalinna nga ari iti Galaad, ken iti Gessuri, ken iti Jezreel, ken iti Efraim, ken iti Benjamin, ken iti amin nga Israel.

10Ni Isboset, nga anac ni Saul, agtawen idi iti uppat a pulo a tawen idi nangrugi nga agari iti Israel, ket nagari iti dua a tawen. Ngem ti balay ni Juda simmurot idi ken David.

11Ket iti bayat ti panagari ni David idiay Hebron iti balay ni Juda pito a tawen ket innem a bulan.

12Ket ni Abner nga anac ni Ner, ken dagiti ad-adipen ni Isboset nga anac ni Saul, rimmuarda a naggapu iti Mahanain #Jos. 9:3.agingga iti Gabaon.

13Ket ni Joab nga anac ni Sarvia, ken dagiti adipen ni David, rimmuarda, ket nasaracanda ida iti denna ti tanke idiay #Jer. 41:12.Gabaon; ket isuda nagtutugawda, ti maysa iti maysa a bangir ti tanke, ket ti sabali iti sabali a bangir ti tanke.

14Ket ni Abner kinunana ken Joab, Agdawatac kenca, a dagiti agtutubo a lallaki tumacderda ket agay-ayamda coma iti saclangtayo. Ket ni Joab kinunana, Tumacderda coma.

15Idin timmacderda ket nagnada a binilang: sangapulo ket dua cadagiti Benjamitas ken biang ni Isboset nga anac ni Saul, ket sangapulo ket dua cadagiti adipen ni David.

16Ket isuda nagiinniggemda ti tunggal maysa iti olo ti caduana, ket imbagcongna ti campilanna iti bacrang ti caduana: iti casta napasagda a padapada: gapuna a daydi a disso nanaganan iti #Heleath-assurim: cayatna a saoen, Ti talon dagiti natadem a buneng.Helcath-assurim, nga adda sadi Gabaon.

17Ket ti gubat idi nacaro unay iti daydi nga aldaw; ket ni Abner naabac, ken dagiti lallaki ti Israel, iti sango dagiti adipen ni David.

18Ket dagiti #1 Sam. 26:6.tallo nga annac a lallaki ni Sarvia addada idi sadiay, da Joab, Abisai, ken Asael: ket ni Asael #1 Cron. 12:8.nasiglat unay idi dagiti sacsacana a cas la maysa nga ugsa nga atap.

19Ket ni Asael kinamatna ni Abner; ket napan a di simmiasi iti canawan uray iti catigid a simmurot ken Abner.

20Idin ni Abner timmaliaw iti licudanna, ket kinunana, Sica ni Asael? Ket isu simmungbat, Siac.

21Ket ni Abner kinunana kencuana, Sumiasica iti macanawanmo wenno iti macatigidmo, ket tumiliwca iti maysa cadagiti agtutubo a lallaki, ket alaem ti #Oc. 14:19.cabalna. Ngem ni Asael dina kinayat ti simmiasi iti panangsurot kencuana.

22Ket ni Abner kinunana manen ken Asael, Sumiasica iti panangsurot caniac; apayapay siac ipasagca coma iti daga? casanonto ngarud ti panangingatoc iti rupac ken ni cabsatmo a Joab?

23Nupay casta isu saanna a kinayat ti simmiasi, gapuna a ni Abner iti mordong ti picana ti pinangsugatna kencuana iti bagina, iti casta nga ti pica rimmuar iti #2 Sam. 3:27; 4:6; 20:10.licudanna; ket napasag idiay, ket natay met laeng idiay a lugar: ket naaramid, nga isu-amin nga immay iti lugar a ni Asael nacapasaganna ken nacatayanna nagsardengda.

24Ngem da Joab ken Abisai kinamatda ni Abner: ket ti init limnec idi nga isuda macagtengda iti turod ti Amma, nga adda iti sango ti Gia iti denna ti dalan ti let-ang sadi Gabaon.

25Ket dagiti annac ni Benjamin naguornongda a simmurot ken Abner, ket nagbalinda a maysa a cabuyotan, ket nagtacderda iti tapaw ti maysa a turod.

26Idin ni Abner pinuccawanna ni Joab, ket kinunana, Mangpucawto iti agnanayon ti campilan? dica ammo aya a kinapaitto ti maududi a tungpal? casano ti capautna ngarud aya, iti cabayagmo a mangibilin cadagiti tattao iti isisiasi da iti panangsurot cadagiti cacabsatda?

27Ket ni Joab kinunana, #bil. 14.Cas ti Dios sibibiag, no dica coma nagsao, pudno ngarud nga iti bigat dagiti tattao pimmanawda, saanda a sinurot ti tunggal maysa ni cabsatna.

28Iti casta ni Joab pinagunina ti tangguyobna, ket amin dagiti tattao nagsardengda, ket dida kinamaten ti Israel, dida nakibacalen.

29Ket ni Abner ken dagiti lallaki na napanda amin iti daydi a rabii iti tengnga ti Araba; ket bimmaliwda iti Jordan, ket napanda iti tengnga ti amin a Bethorom, ket immayda iti #2 Sam. 17:24.Mahanaim.

30Ket ni Joab nagsubli iti panangsurot ken Abner: ket idi a naurnong dagiti amin a tattao, cadagiti ad-adipen ni David nagcurangda iti sangapulo ket siam a tattao ken ni Asael.

31Ngem dagiti ad-adipen ni David impasagda cadagiti taga-Benjamin, ken cadagiti lallaki ni Abner, iti dayta iti tallo gasut ket innem a pulo a tattao ti natay idi.

32Ket innalada ni Asael, ket intabonda idi tanem ni amana, nga adda idi idiay Belen. Ket ni Joab ken dagiti lallakina nagnada a nagpatnag, ket ti aldaw limmawag cadacuada idiay Hebron.

Currently Selected:

II SAMUEL 2: TB1973

Highlight

Copy