II SAMUEL 1
1
Maipacaammo ken David ti maipapan iti gubat idiay Gilboa. Ti panagdungawna gapu cada Saul ken Jonatan.
1Ket naaramid idi calpasan ti ipapatay ni Saul, nga idinto ni David nagsubli a naggapu iti #1 Sam. 30:17, 26.panagpapatay cadagiti Amalecitas, ket ni David nagyan idi iti dua nga aldaw idiay Siclag;
2Naaramid iti maicatlo nga aldaw, nga, adtoy, ti maysa a lalaki immay a naggapu iti pacarso ni Saul, a #Gen. 44:13. 1 Sam. 4:12.napisang dagiti pagan-anayna, ket #Jos. 7:6.dagadaga ti rabaw ti olona: ket iti casta idi nga isu immay ken David, a nagpasag iti daga, ket nagrucbab.
3Ket ni David kinunana kencuana, Sadino ti naggapuam? Ket isu kinunana kencuana, Nagtalawac nanipud iti pacarso ti Israel.
4Ket ni David kinunana kencuana, Ania ti napasamac? agdawatac kenca, nga ibagam man caniac. Ket isu simmungbat, Dagiti tattao nagtalawda iti gubat, ket adu cadagiti tattao ti napasag met ket natayda; ket ni Saul ken ni Jonatan nga anacna natayda met.
5Ket ni David kinunana iti daydi agtutubo a lalaki a nangibaga kencuana, Casano ti pannacaammom a ni Saul ken ni Jonatan nga anacna natayda?
6Ket ti agtutubo a lalaki a nagsarita kencuana kinunana, Idi a siac naisar-ongac iti tapaw ti bantay Gilboa, adtoy, ni #1 Sam. 3:1-4.Saul adda idi a sisasadag iti rabaw ti gayangna; ket, adtoy, dagiti luglugan ken tattao a nagcacabayo simmurotda a siiinget kencuana.
7Ket idi nga isu tammalao iti licudna, nakitanac, ket inayabannac. Ket simmungbatac, Adtoyac.
8Ket isu kinunana caniac, Siasinoca? ket simmungbatac, kenkuana, siac maysaac nga Amalecita.
9Ket isu kinunana caniac, Agdawatac kenca agtacderca iti dennac, ket papatayennac; ta ti panagsennaay immapay caniac, ta ti biagco adda pay la amin caniac.
10Iti casta timmacderac iti dennana, ket isu pinatayco, ta ninamnamac nga isu dina mabalin ti agbiag iti calpasan ti pannacapasagna: ket innalac ti balangat nga adda iti olona, ket ti pulceras nga adda iti tackiagna, ket yegco ida ditoy ken apoc.
11Idin ni David kinapetna dagiti cawesna, ket rina-abna ida; ket casta met amin dagiti lallaki nga adda idi kencuana:
12Ket nagdung-awda, ket nagsangitda; ket nagayunarda agingga iti malem, a gapu Saul, ken Jonatan nga anacna, ken gapu iti ili ni Jehova, ken gapu iti balay ti Israel; agsipud ta isuda napasagda iti campilan.
13Ket ni David kinunana idi agtutubo a lalaki, a nangibaga kencuana, Taga anoca? Ket isu simmungbat, Siac anacnac ti maysa a gangannaet, nga Amalecita.
14Ket ni David kinunana kencuana, Casano ti #1 Sam. 31:4.dica panagbuteng a #1 Sam. 24:6; 26:9.nangyunnat ita imam a pinangpataymo iti #1 Sam. 12:3.pinulotan ni Jehova?
15Ket ni David nangayab iti maysa cadagiti agtutubo a lalaki, ket kinunana, Asitgam, ket isu duclosem. Ket isu kinabilna iti casta natay.
16Ket ni David kinunana kencuana, #Jos. 2:19. 1 Ar. 2:37.Ti daram adda coma iti rabaw ta olom; ta #Luc. 19:22.ti ngiwatmo nangsacsi iti maicaniwas kenca, a cunana, Siac pinatayco ti pinulotan ni Jehova.
17Ket ni David #2 Sam. 3:33. 2 Cron. 35:25.nagdung-aw iti daytoy a panagdung-aw ken Saul ken ni Jonatan nga anacna.
18(Ket isu imbagana cadacuada nga isuroda coma cadagiti annac ti Juda ti canta ti ba-i: #Jos. 10:13.Adtoy nga adda a naisurat iti libro ni Jasar):
19Ti dayagmo, O Israel, napapatay iti tapaw dagiti nangato a dissom! Amangan a pannacapasagda dagiti mamaingel!
20 #
1 Sam. 31:9. Mik. 1:10. Isu dica coma ibaga idiay Gat, dica coma iwarragawag cadagiti daldalan ti Ascalon; #1 Sam. 31:9. Mik. 1:10.amangan la ket ta dagiti annac a babbai dagiti Filisteos agragsacda, amangan la ket ta agballigi dagiti babbai nga annac dagiti #Ex. 15:20. Oc. 11:34. 1 Sam. 18:6.di nacugit.
21 #
1 Sam. 31:1. Dacayo banbantay ti Gilboa, awan coma cadacayo ti linnaaw uray tudo, ket saancayo met coma a taltalon a pagidatonan: ta sadiay ti calasag ti maingel naipalladaw a nacaal-alas, ti calasag ni Saul saan a #1 Sam. 10:1.nasapsapoan iti lana.
22Manipud iti dara ti napapatay, manipud iti taba ti maingel, ti #1 Sam. 18:4.ba-i ni Jonatan saan a nagsubli, ket ti campilan ni Saul saan a nagsubli nga ongngaong.
23Ni Saul ken ni Jonatan isuda idi ti naayat ken nacaay-ayo iti panagbiagda, ket iti ipapatayda saanda a nagsina: #Jer. 4:13. Hab. 1:8.isuda nasigsiglatda ngem cadagiti aguila, #Oc. 14:18.isuda napigpigsa idi ngem cadagiti leon.
24Dacayo annac a babbai ti Israel sangitanyo ni Saul, isu ti nangawes cadacayo idi iti escarlata a nalibnos, isu a nangicabil idi cadagiti arcos a balitoc iti rabaw dagiti pagan-anayyo.
25Amangan a pannacapasag ti maingel iti tengnga ti gubat! ni Jonatan napapatay iti tapaw dagiti nangato a dissom.
26Mapaladingitac a gapu kenca, cabsatco a Jonatan: macaay-ayoca unay idi caniac: ti ayatmo caniac idi #1 Sam. 18:1.nacascasdaaw, a ringbawan ti ayat dagiti babbai.
27Amangan a pannacapasag ti maingel, ken ti pannacapucaw dagiti igigam ti gubat!
Currently Selected:
II SAMUEL 1: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
