II SAMUEL 3
3
Ti familia ni David. Ni Abner gapu iti panangtubngar ni Isboset napan ken David. Ni Joab agatap ken Abner ket papatayenna. Ni David agdung-aw gapu ken Abner.
1Ket adda idi napaut a gubat iti balay ni Saul ken iti balay ni David: ket ni David pumigsa idi a pumigsa, ket ti balay ni Saul cumapuy a cumapuy.
2Ket nayanacda idi ken David dagiti #1 Cron. 3:1-4.annac a lallaki idiay Hebron: ket ni Amnon isu ti inauna nga anacna ken ni #1 Sam. 25:43.Ahinoam a Jezraelita;
3Ti maicadua, isu ni Queleab anacna ken ni Abigail nga asawa idi ni Nabal a Carmelito; ket ti maicatlo, ni Absalom nga anac ni Maaca, nga anac a babai ni Tolmai nga ari ti #Deut. 3:14. 2 Sam. 14:23, 32; 15:8.Gessur;
4Ket ti maicapat, ni #1 Ar. 1:5.Adonia nga anac ni Haggit; ket ti maicalima, ni Safatias nga anac ni Abital;
5Ket ti maicanem, ni Jetraam nga inyanac ni Egla nga asawa ni David. Dagitoy nayanacda ken David idiay Hebron.
6Ket naaramid idi, iti bayat ti caadda ti gubat iti balay ni Saul ken iti balay ni David, a ni Abner pimmigsa iti balay ni Saul.
7Ket ni Saul adda idi maysa a camalalana a ti naganna #2 Sam. 21:8, 10.Resfa, nga anac ni Aja: ket ni Isboset kinunana ken ni Abner, Apayapay a #2 Sam. 16:21.simrecca iti camalala ni amac?
8Idin ni Abner naglucsaw unay a gapu cadagiti sasao ni Isboset ket kinunana, #Deut. 23:18. 1 Sam. 17:43; 24:14. 2 Sam. 9:8; 16:9. 2 Ar. 8:13.Siac aya ti olo ti aso a maipaay iti Juda? Iti daytoy nga aldaw aramidec ti caasi iti balay ni Saul nga amam, cadagiti cacabsatna, ken cadagiti gagayyemna, ket siac saanca nga inyawat iti im-ima ni David; ket nupay casta ipabiddutmo caniac iti daytoy nga aldaw ti basol a maipapan iti daytoy a babai.
9 # bil. 35. Rut. 1:17. Ti Dios agaramid coma iti castoy ken Abner, ken ad-adda pay coma, no iti #1 Sam. 15:28.cas ti panangisapata ni Jehova ken David, idiac aramiden met laeng kencuana;
10Iti panangyallatiwna iti pagarian nanipud iti balay ni Saul, ken iti panangibangonna iti trono ni David iti rabaw ti Israel, ken iti rabaw ti Juda, #Oc. 20:1. 1 Sam. 3:20. 1 Ar. 4:25.manipud Dan agingga iti Beerseba.
11Ket isu dina nabalin ti simmungbat iti uray aniaman a sabali a balicas ken Abner, ta nagbuteng kencuana.
12Ket ni Abner nangibaon ti pannacabagina cadagiti babaonen ken David a kinunana, Asino ti akincucua iti daga? ket kinunana pay met, Makisinninggalutca caniac, ket, adtoy, ti imac addanto kenca, a mangyeg kenca iti amin nga Israel.
13Ket isu kinunana, Naimbag: siac makisinggalutacto kenca; ngem maysa a banag ti sapulec kenca: nga isu, a sica dicanto cumita iti rupac, malacsid no sica yegmo nga umuna ni #1 Sam. 14:49.Micol nga anac a babai ni Saul, intono umaymo kitaen ti rupac.
14Ket ni David nangibaon cadagiti babaonen ken Isboset, nga anac ni Saul, a kinunana, Yawatmo caniac ni asawac a Micol, isu nga inasawac a gapu iti #1 Sam. 18:25, 27.sangagasut nga akinsango a cudil dagiti Filisteos.
15Ket ni Isboset nagbaon, ket isu ti innalana ken asawana a #1 Sam. 25:44.Falatiel, nga anac ni Lais.
16Ket ni asawana napan kimmuyog kencuana, a nagsangsangit a nagnagna ket simmurot kencuana inggana iti #2 Sam. 16:5; 17:18.Bajurim. Idin ni Abner kinunana kencuana, Incan agsublica: ket isu nagsubli.
17Ket ni Abner adda pinaibagana cadagiti lallacay ti Israel, a kinunana, Iti nalabes a tiempo binirucyo ni David nga agari cadacayo:
18Ita ngarud isu ti aramidenyo; ta ni Jehova nagsao idi iti maipapan ken David, a kinunana, Gapu iti ima ni David nga adipenco isalacanconto ti ilic nga Israel iti ima dagiti Filisteos, ken iti ima dagiti amin a cabusorna.
19Ket ni Abner insaona met cadagiti lapayag ti #1 Cron. 12:29.Benjamin: ken casta met a ni Abner napanna insao cadagiti lapayag ni David idiay Hebron ti isu-amin a maipagarup a naimbag iti Israel, ken iti amin a balay ni Benjamin.
20Iti casta immay ni Abner ken David idiay Hebron, ket caduana dagiti duapulo a lallaki. Ket ni David nagaramid iti rambac a maipaay ken Abner ken cadagiti lallaki a naicuyog idi kencuana.
21Ket ni Abner kinunana ken David, Tumacderacto ket innacto, ket ummongecto ken apoc nga ari ti isu-amin nga Israel, #bil. 12, 13.tapno makitulagda coma kenca, ket sica agarica coma iti isu-amin a pagayatan ta cararuam. Ket ni David pinalubosanna ni Abner; ket isu napan a sitatalna.
22Ket, adtoy, dagiti ad-adipen ni David agraman ken ni Joab naggapuda iti maysa a panangraut, ket nangicuyogda cadacuada ti dackel a sinamsam: ngem ni Abner awanen idi ken David idiay Hebron; ta isu pinalubosanna, ket isu napan a sitatalna.
23Ket idi a simmangpet ni Joab ken amin ti buyot nga adda idi kencuana, imbagada ken Joab, a nacuna, Ni Abner nga anac ni Ner immay iti ari, ket isu pinalubosanna, ket isu napan a sitatalna.
24Idin ni Joab immay iti ari, ket kinunana, Ania ti inaramidmo? adtoy, immay ni Abner kenca; apayapay nga isu pinagawidmo, ket isu napan a sitatalna?
25Ammoem a ni Abner nga anac ni Ner, nga immay a mangallilaw kenca, ken mangammo iti #1 Sam. 29:6.ruaram ken sercam, ken mangammo iti isu-amin nga ar-aramidem.
26Ket idi a ni Joab rimmuar a naggapu ken David, nangibaon cadagiti babaonen ken ni Abner, ket isuda ti nangisubli kencuana nanipud iti bubon ti Sira: ngem ni David saanna a naammoan.
27Ket idi a ni Abner nagsubli iti Hebron, ni Joab isu ipacnina aginggana iti tengnga ti ruangan tapno makisao kencuana a sililimed, ket isu sinugatna sadiay iti bagina, iti casta natay, a maipuon iti dara ni #2 Sam. 2:23.Asael a cabsatna.
28Ket iti calpasanna, idi a ni David nangngegna, kinunana, Siac ken ti pagariac awanancami iti basol iti saclang ni Jehova iti agnanayon a maipanggep iti dara ni Abner nga anac ni Ner:
29 #
1 Ar. 2:32, 33. Agtinnag coma iti rabaw ti olo ni Joab, ken iti amin a balay ni amana; ket saan coma nga agcurang iti balay ni Joab #Lev. 15:2.ti tao nga aglac-am iti panagtotot, wenno #Lev. 14:2.agcucutel, wenno magmagna coma a sisasarucod, wenno mapasag coma iti campilan, wenno macurcurangan iti taraon.
30Casta ti panangpapatay da Joab ken Abisai a cabsatna ken ni Abner, agsipud ta isu pinapatayna idi ni #2 Sam. 2:23. 1 Cron. 27:7.Asael a cabsatda idi gubat sadi Gabaon.
31Idin ni David kinunana ken Joab, ken iti amin a tattao nga adda idi kencuana, #2 Sam. 1:2.Ray-abenyo dagita pagan-anayyo, ket #1 Ar. 20:31.agbarikescayo cadagiti nakersang a lupot, ket agdung-awcayo iti una ni Abner. Ket ni ari David simmurot iti lungon.
32Ket intabonda ni Abner idiay Hebron: ket ti ari inngatona ti timecna, ket nagsangit iti tanem ni Abner; ket isu-amin dagiti tattao nagsangitda.
33Ket ti ari #2 Sam. 1:17.nagdung-aw gapu ken Abner, ket kinunana, matay coma ni Abner a #2 Sam. 13:12, 13.cas la iti ipapatay ti maysa a maag?
34Dagiti im-imam saanda a naparautan, uray dagiti sacsacam saanda a nacawaran: cas la lalaki a napasag iti saclang dagiti annac ti kinadangkes, casta ti pannacapasagmo. Ket isu-amin dagiti tattao nagsangitda manen a maipapan kencuana.
35Ket isu-amin dagiti tattao immayda a #2 Sam. 12:17.mangpacan ken David iti tinapay idi nga aldaw pay laeng; ngem ni David insapatana, a kinunana, Casta coma ti aramiden caniac ti Dios, ken ad-adda pay met coma, no siac ramanac ti tinapay, wenno iti sabali, #2 Sam. 1:12.agingga iti ilelennec ti init.
36Ket isu-amin dagiti tattao nadlawda, ket nacaay-ayo cadacuada; ta isu-amin nga inaramid ti ari inay-ayona amin dagiti tattao.
37Iti casta amin dagiti tattao ken amin pay nga Israel naammoanda idi nga aldaw, a saan a naggapu iti ari ti pannacapapatay ni Abner nga anac ni Ner.
38Ket ti ari kinunana cadagiti adipenna, Dicayo ammo aya nga iti daytoy nga aldaw napasag iti Israel ti maysa a pangolo ken natan-oc a lalaki?
39Ket iti daytoy nga aldaw nacapuyac, nupay ariac a napulotan; ket dagitoy a lallaki nga annac ni #1 Sam. 26:6.Sarvia, #2 Sam. 19:7.natangkenda unay caniac: ni Jehova #Sal. 28:4; 62:12. 2 Tim. 4:14.supapacanna coma iti managaramid iti dakes iti mainugot iti kinadakesna.
Currently Selected:
II SAMUEL 3: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
