II SAMUEL 18
18
Dagiti tattao ni David gubatenda ken parmekenda ni Absalom ken ti buyotna. Ni Joab papatayenna ni Absalom. Ti panagdung-aw ni David.
1Ket ni David binilangna dagiti tattao á naicuyog kencuana, ket nangisaad iti capitan ti rinibribu ken capitan ti ginasutgasut cadacuada.
2Ket ni David imbaonna dagiti tattao ti maysa nga apagcatlo iti babaen ti ima ni Joab #2 Sam. 15:19.ket ti maysa nga apagcatlo iti babaen ti ima ni Abisai nga anac ni Sarvia, a cabsat ni Joab, ket ti maysa nga apagcatlo iti babaen ti ima ni Ittai a Geteo. Ket ti ari kinunana cadagiti tattao, #2 Sam. 17:8-10.Siac met makipagruarac cadacayo.
3Ngem #2 Sam. 21:17.dagiti tattao kinunada, Saancanto a rumuar: ta no dacami agtalawcaminto, isuda didacamto ipatpateg: uray pay no ti caguduami matay coma, didacamto ipatpateg: ngem sica mapatganca iti sangapulo ribu cadacami; gapuna ita a nasay-sayaatto a sica coma ti sisasagana a mangtulong cadacami manipud iti ili.
4Ket ti ari kinunana cadacuada, Iti aniaman a pagarupenyo a naimbag unay aramidecto. Ket ti ari nagtacder iti denna ti ruangan, ket rimmuar amin dagiti tattao a ginasungasut ken rinibunribu.
5Ket ti ari imbilinna cada Joab, ken Abisai, ken Ittai, a kinuna, Agaramidcayo a sicacaasi a maipuon caniac ken agtutubo a lalaki, a ni Absalom met laeng. Ket isu-amin a tattao nangngegda a ti ari incumitna cadagiti isu-amin a capcapitan ti maipapan ken Absalom.
6Iti casta dagiti tattao rimmuarda iti away a maibusor iti Israel: ket ti bacal naaramid iti #Jos. 17:15, 18.bakir ti Efraim.
7Ket dagiti tattao ti Israel nacabilda sadiay iti sango dagiti ad-adipen ni David, ket adda idi idiay dackel a panagpapatay iti daydi nga aldaw cadagiti duapulo ribu a lallaki.
8Ta ti gubat naiwarnac idiay iti rabaw ti isu-amin a daga; ket ti bakir nangpucaw cadagiti ad-adu a tattao iti daydi nga aldaw ngem ti pinucaw ti campilan.
9Ket ni Absalom naisarac cadagiti adipen ni David. Ket ni Absalom sisasacay idi iti maysa a mulo ket ti mulo simrec iti nasamec a sangsanga ti dackel a lugo, ket ti olona naisalat iti lugo, ket nabissayot idi iti tangatang ti langit ken daga: ket daydi mulo nga adda idi babana naglayon.
10Ket idinto a ti maysa a lalaki isu nakitana, ket imbagana ken Joab, a kinuna, Adtoy, a nakitac ni Absalom a nabitin iti maysa a lugo.
11Ket ni Joab kinunana iti tao a nangibaga kencuana, Ket, adtoy, nga isu nakitam, apayapay nga isu dica kinabil idiay nga impadaga? ket iccanca coma iti sangapulo a capisi a pirac, ken maysa a #1 Sam. 18:4.barikes.
12Ket ti tao kinunana ken Joab, Nupay coma no iti imac umawatac iti sangaribu a capisi a pirac, uray casta siac diac yunnat coma ti imac a maibusor iti anac ti ari: #bil. 5.ta cadagiti pagdengngegtayo ti ari imbilinna kenca ken ni Abisai ken ni Ittai, a kinunana, Annadanyo nga awan coma ti asinoman a mangsagid ken agtutubo nga Absalom.
13Sabali pay a no siac nagaramidac coma a sililiput unay a maibusor iti biagna (ket awan panggep a nalmeng iti ari), no casta coma sica met laeng bimmusorca coma caniac.
14Idin ni Joab kinunana, Siac diac mabalin ti makipagtactac kenca iti castoy. Ket nangpetpet iti tallo a gayang, ket isuda ti insalputna iti puso ni Absalom, iti bayat nga isu adda pay laeng a sibibiag iti tengnga ti lugo.
15Ket dagiti sangapulo nga agtutubo a lallaki nga agawawit iti igam ni Joab limmicmutda ket kinabilda ni Absalom, ket isu pinatayda.
16Ket ni Joab pinagunina ti tangguyob, ket dagiti tattao nagsublida a naggapu iti panagcamat iti Israel, ta ni Joab inanawana dagiti tattao.
17Ket innalada ni Absalom, ket isu impurwacda iti dackel a bito idiay bakir, ket #Jos. 7:26.namatacderda iti rabawna iti maysa a dackel unay a gabsoon dagiti batbato: ket isu-amin nga Israel #1 Sam. 4:10. 2 Sam. 19:8; 20:22.nagtalawda tunggal maysa sa napan iti toldana.
18Ket ni Absalom idi tiempo ti panagbiagna nangala idi ken namatacder a maipaay kencuana iti maysa a #Gen. 28:18.monmon, nga adda idiay #Gen. 14:17.gitub ti ari; ta kinunana, Siac #2 Sam. 14:27.awananac iti anac a lalaki a mangtaginayon coma iti pacalaglagipan ti naganco: ket impanaganna idi iti daydi a monmon ti naganna met laeng; ket isu ti nanaganan iti monmon ni Absalom, inggana iti daytoy nga aldaw.
19Idin ni #2 Sam. 15:27.Aimaas nga anac ni Sadoc kinunana, Tumarayacto coma itatta, ket ipanco dagiti damdamag iti ari, no casano ti panangibales kencuana ni Jehova cadagiti cabcabusorna.
20Ket ni Joab kinunana kencuana, Saan a sica ti mangipan cadagiti damdamag iti daytoy nga aldaw, ngem iti sabali nga aldaw sica ti mangipanto cadagiti damdamag; ngem iti daytoy nga aldaw dicanto mangipan cadagiti damdamag, agsipud ta ti anac ti ari natay.
21Sa ni Joab kinunana ken Cusita, Inca ala, ibagam iti ari ti aniaman a nakitam. Ket ni Cusita nagrucnoy ken Joab, ket timmaray.
22Idin ni Aimaas nga anac ni Sadoc kinunana manen ken ni Joab, Ngem uray no ania ti umay, agdawatac kenca palubosannac, a tumaray a sumaganad ken Cusita. Ket ni Joab kinunana, Anacco, apay aya a tumaraycanto, idinto a dicanto macasarac iti gunguna a gapu cadagiti damdamag?
23Ngem uray no ania ti umay, kinunana, Cayatco ti tumaray. Ket isu kinunana kencuana, Tumarayca. Idin ni Aimaas timmaray #Deut. 34:3.iti dalan ti Tanap, ket inunaanna ni Cusita.
24Ket ni David adda idi a situtugaw iti nagbaetan dagiti dua a ruangan: #2 Sam. 13:34. 2 Ar. 9:17.ket ti wanawan immuli iti rabaw ti pangatepan ti ruangan agingga iti bacud, ket idi nga intannawagna ti matana, ket kimmita, adtoy, ti maysa a lalaki a tumartaray a maymaysa.
25Ket ti agwanawan nagpucaw, ket imbagana iti ari. Ket ti ari kinunana, No isu maymaysa, adda damdamag iti ngiwatna. Ket isu sumungad idi, ket umasideg.
26Ket ti agwanawan nakitana ti sabali a tao a tumartaray idi; ket ti agwanawan inayabanna ti agbantay iti ruangan, ket kinunana, Adtoy, ti sabali a tao nga agtartaray a maymaysa. Ket ti ari kinunana, Isu mangyeg met cadagiti damdamag.
27Ket ti agwanawan kinunana, Pagarupec a ti panagtaray ti immuna #2 Ar. 9:20.cas la iti panagtaray ni Aimaas nga anac ni Sadoc. Ket ti ari kinunana, Isu naimbag a #1 Ar. 1:42.lalaki, ket umay agraman cadagiti naimbag a damdamag.
28Ket ni Aimaas pimmuccaw, ket kinunana iti ari, Naimbag amin. Ket incul-obna ti rupana iti daga iti sango ti ari, ket kinunana, Bendito ni Jehova a Diosmo, a #1 Sam. 17:46.nangyawat cadagiti tattao, a nangitag-ay cadagiti im-imada a maibusor iti apoc nga ari.
29Ket ti ari kinunana, Adda imbag ken agtutubo nga Absalom? Ket ni Aimaas simmungbat, Idi a ni Joab imbaonna ti adipenmo iti ari, a siac met laeng nga adipenmo, nakitac, ti maysa a dackel a riribuc, ngem diac ammo no ania idi.
30Ket ti ari kinunana, Dumagasca, ket agyanca ditoy. Ket isu dimmagas ket nagtacder a siuulimec.
31Ket, adtoy, ni Cusita immay; ket ni Cusita kinunana, Damdamag nga agpaay ken apoc nga ari; ta ni Jehova imbalesannaca iti daytoy nga aldaw cadagiti isu-amin a timmacder a maibusor kenca.
32Ket ti ari kinunana ken Cusita, Adda imbag ken agtutubo nga Absalom? Ket ni Cusita simmungbat, Dagiti #1 Sam. 25:6.cabusor ti apoc nga ari, ken isu-amin a tumacder a maibusor kenca a mangaramidda kenca iti ranggas, agbalinda coma a cas iti daydiay nga agtutubo a lalaki.
33Ket ti ari nagpucloc, ket immuli iti siled iti rabaw ti ruangan, ket nagsangit: ket idi nga umululi, castoy ti kinunana, #2 Sam. 19:4.O anacco, nga Absalom! Anacco, anaco nga Absalom! natayac laengen coma a gapu kenca, O Absalom nga anacco, anacco!
Currently Selected:
II SAMUEL 18: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
