II SAMUEL 17
17
Dagiti patigmaan da Ahitofel ken Cusai. Ni Absalom surotenna ti patigmaan ni Cusai. Ni David ballasiwenna ti Jordan. Ni Ahitofel agbeckel.
1Casta met a ni Ahitofel kinunana ken ni Absalom, Palubosannac ita a mangpili iti sangapulo ket dua a ribu a tattao, ket tumacderacto ket camatecto ni David iti daytoy a rabii.
2Ket isu rubbuutecto iti bayat ti caaddana a nabannog ken nacapsut iti imana, ket isu mapabutengto ket isu-amin a tattao a naicuyog kencuana agtalawdanto; ket cabilecto laeng ti ari;
3Ket isublicto amin a tattao kenca: ti lalaki nga sapulem isu laeng no cas isuda amin nagsublidan: isu-amin a tattao addadanto iti talna.
4Ket daytoy a nasao pinaayatna a naimbag ni Absalom ken isu-amin dagiti lallacay ti Israel.
5Idin kinunana ni Absalom, Maayaban met ita ni #2 Sam. 16:18, 19.Cusai nga Araquita, ket timudentayo met coma no ania ti cunaenna.
6Ket idi a ni Cusai immay ken ni Absalom, ni Absalom nagsao kencuana, a kinunana, Ni Ahitofel sinaona daytoy a wagas: aramidentayonto daytoy a saona? no saan, agsaoca coma.
7Ket ni Cusai kinunana ken ni Absalom, Ti patigmaan nga inted ni Ahitofel iti daytoy a daras saan a naimbag.
8Ket ni Cusai kinunana pay, Sica ammom a ni amam ken dagiti lallaki na, nga isuda dagiti lallaki a mamaingel, ket isuda #Oc. 18:25.silulucsaw dagiti panunotda, a #Prov. 17:12. Os. 13:8.cas ti oso a caba-ian a natacaw kencuana dagiti urbonna idiay away; ket ni amam maysa a lalaki ti gubat, ket dinto makipagturog cadagiti tattao.
9Adtoy, isu adda ita a silelemmeng iti maysa a bito, wenno iti sabali a disso: ket maaramidto, a dagiti dadduma cadagidiay mapasagdanto iti damo, nga uray asinoman a macangngeg kencuana cunaennanto, Adda dackel a panagpapatay cadagiti tattao a sumurot ken Absalom.
10Ket daydiay met laeng a maingel, a ti pusona cas la puso ti leon, #Jos. 2:11.lumucneng to unay; ta isu-amin nga Israel ammona a ni amam maingel a lalaki, ket dagiti naicuyog kencuana maingelda a lallaki.
11Ngem siac ipatigmaanco nga isu-amin nga Israel agornong coma kenca, manipud #2 Sam. 3:10.Dan agingga iti Beerseba met laeng, a #Gen. 22:17. 1 Ar. 4:20.cas iti darat nga adda iti baybay iti kinaadu; ket sica met laeng incanto iti gubat.
12Iti casta isu camacamentayonto iti sadinoman a pacasaracanto kencuana, ket agtinnagtayto kencuana, a cas ti linnaaw agtinnag iti daga; ket isu ken dagiti lallaki a naicuyog kencuana ditayto manglabas iti uray no maysa.
13Casta met, a no isu macastrecto iti maysa nga ili, isu-amin nga Israel mangyegdanto cadagiti taltali a dadackel iti daydiay nga ili, ket guyodenminto inggana iti carayan, agingga iti awan ti bassit a bato a masaracan coma sadiay.
14Ket ni Absalom ken isu-amin dagiti lallaki ti Israel kinunada, Ti patigmaan ni Cusai nga Araquita isu ti nasaysayaat ngem ti patigmaan ni Ahitofel. #2 Sam. 15:34.Ta ni Jehova inkeddengna ti mangdadael iti naimbag a patigmaan ni Ahitofel, iti panggep a ni Jehova mayegna ti dakes ken ni Absalom.
15Idin ni Cusai kinunana cada #2 Sam. 15:5, 36.Sadoc ken Abiatar a papadi, Castoy ken castoy ti impatigmaan ni Ahitofel ken ni Absalom, ken cadagiti lallacay ti Israel, ket siac impatigmaanco ti castoy ken castoy.
16Gapuna ita dagusenyo ti agbaon, ket ibagayo ken David, a cunayo, Dica umyan iti daytoy a rabii cadagiti #2 Sam. 15:28.pagballasiwan ti let-ang, no di ket ballasiwem a di agcurang, ta saan ti ari maalun-un, ken isu-amin a tattao a naicuyog kencuana.
17Ket ni Jonatan ken Ahimaas nagyanda idi idiay #Jos. 15:7.En-rogel; ket maysa a tagabu a babai cadawyanna ti mapmapan sadiay ket imbagana cadacuada; ket isuda napanda ket imbagada ken ari David: ta isuda saanda a mabalin ti agparang idi iti ili.
18Ngem maysa nga agtutubo a lallaki nakitana ida, ket imbagana ken Absalom: ket dagidi dua napanda a sidadaras, ket immayda iti balay ti maysa a tao idiay #2 Sam. 3:16; 16:5.Benjurim, nga addaan idi iti maysa a bubon iti paraangan ti balayna, ket bimmabada sadiay.
19Ket ti babai #Jos. 2:6.innalana ket inyucradna ti calub iti ngarab ti bubon, ket inwarana kencuana ti #Prov. 27:22.bukel a tinumec; ket awan a pulos ti nacaammo.
20Ket dagiti adipen ni Absalom immayda iti babai iti balay, a kinunada, Sadino ti yanda da Ahimaas ken Jonatan? #Jos. 2:4, 5.Ket ti babai kinunana cadacuada, Naballasiwdan ti waig ti danum. Ket idinto nga isuda binirucda ida ket dida nasaracan ida, nagsublida sadi Jerusalem.
21Ket naaramid, iti calpasan ti ipapanawda, nga isuda rimmuarda idi bubon, ket napanda ken imbagada ken ari David; ket kinunada ken David, Tumacdercayo, ket dagusenyo ti bumallasiw iti danum; ta ni Ahitofel castoy ti impatigmaanna a maibusor cadacayo.
22Idin ni David timmacder, ken isu-amin dagiti tattao a naicuyog kencuana, ket bimmaliwda iti Jordan: agingga iti aglawag ti bigat, awan ti uray maysa a nabati cadacuada a di nacaballasiw iti Jordan.
23Ket idi a ni Ahitofel nakitana a saan a nasurot ti patigmaanna, sinillaanna ti asnona, ket timmacder, ket napan iti balayna, #2 Sam. 15:12.idiay ilina, ket inornosna ti balayna, #Mat. 27:5.ket nagbeckel; ket natay, ket isu naitabon idiay tanem ni amana.
24Idin ni David immay iti #Gen. 32:2. Jos. 13:26. 2 Sam. 2:8; 19:32. 1 Ar. 2:8; 4:14.Mahanaim. Ket ni Absalom bimmallasiw iti Jordan, isu ken isu-amin a lallaki ti Israel a caduana.
25Ket ni Absalom insaadna ni Amasa iti buyot iti saad ni Joab, ket ni Amasa anac ti maysa a lalaki, a ti naganna Itra nga Israelita, a simrec idi ken ni #1 Cron. 2:16, 17.Abigal nga anac a babai ni #1 Cron. 2:13-16.Naas, a cabsat a babai ni Sarvia, nga ina ni Joab.
26Ket ti Israel ken ni Absalom nagpacarsoda iti daga ti Galaad.
27Ket naaramid, idi a ni David immay iti Mahanim, a ni #2 Sam. 10:2.Sobi nga anac a lalaki ni Naas a taga Rabba cadagiti annac ni Ammon, ken ni #2 Sam. 9:4.Maquir nga anac ni Ammiel a taga Lodebar, ken ni #2 Sam. 19:31, 32. 1 Ar. 2:7. Esd. 2:61.Barzellai a Galaadita a taga Rogelim,
28Nangyegda cadagiti pagiddaan, ken malmallocong, ken al-alicamen a damili, trigo, ken cebada, ken bellaay, ken mais a kinirog, ken patani, ken bucbukel a kinirog,
29Ken diro, ken mantequilla, ken carcarnero, ken quesqueso ti arban, a maipaay ken David, ken cadagiti tattao nga adda kencuana, tapno canenda: ta kinunada, Dagiti tattao mabisinda, ken nabannuganda, #2 Sam. 16:2.ken mawawda, #2 Sam. 15:23.idiay let-ang.
Currently Selected:
II SAMUEL 17: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
