II SAMUEL 19

Ni Job tubngarenna ni David gapu iti panagdung-awna. Ni David maisubli. Ti panangipudno ni Semei; isakit ni David. Dagiti palawag da Mifiboset ken Barzillai.

1Ket naibaga idi ken ni Joab, Adtoy, a ti ari agsangit ket agdung-aw a gapu ken Absalom.

2Ket ti panagballigi nagbalin iti daydi nga aldaw a dung-aw a maipaay iti isu-amin a tattao; ta dagiti tattao nangngegda, a nasao idi nga aldaw, Ti ari agladingit a gapu iti anacna.

3 # bil. 32. Ket dagiti tattao simrecda a sililimed unay iti uneg ti ili iti daydi nga aldaw, a casda la tattao a mabain, nga aglemmengda no agtalawda iti paggugubatan.

4Ket ti ari #2 Sam. 15:20.inabungotanna ti rupana, ket ti ari indung-awna iti natbag a timec, O anacco nga Absalom, O Absalom nga anacco, anacco!

5Ket ni Joab simrec iti balay ti ari, ket kinunana, Iti daytoy nga aldaw binabainmo iti rupanrupa dagiti isu-amin nga ad-adipenmo, a nangispal iti daytoy nga aldaw ita biagmo ken biag dagiti annacmo a lallaki, ken dagiti annacmo a babbai, ken ti biag dagiti assawam, ken ti biag dagiti camcamalalam;

6Cadagidiay pagayayatam isuda ti gimmura kenca, ket guraem dagiti agayat kenca. Ta iti daytoy nga aldaw imparangarangmo, a dagiti pangoloem ken dagiti ad-adipenmo nalaisda iti biangmo: ta siac maawatac iti daytoy nga aldaw, a no ni Absalom nagbiag coma, ket dacami amin nataycami itatta, no casta macaay-ayo coma kenca.

7Gapuna a tumacderca ita, ket rumuarca ket agsaoca iti macaliwliwa cadagiti ad-adipenmo; ta isapatac gapu ken Jehova, a no dica rumuar, uray la coma no maysa a lalaki awan ti matda kenca iti daytoy a rabii: ket dayta dacdakesto kenca ngem iti isu-amin a dakes a nagtinnag kenca nanipud idi kinaubingmo agingga itatta.

8Idin ti ari timmacder, ket nagtugaw iti ruangan. Ket imbagada cadagiti isu-amin a tattao, a kinunada, Adtoy, ti ari adda a situtugaw iti ruangan: ket isu-amin a tattao immayda iti sango ti ari. Iti casta ti Israel #1 Sam. 4:10. 2 Sam. 18:17.pimmanaw tunggal tao a napan iti toldana.

9Ket isu-amin a tattao maringgoranda dagiti isu-amin a caputotan ti Israel, a cuncunada, Ti ari inispalnatayo idi iti ima dagiti cabusortayo, ken isu ti nangisalacan cadatayo iti ima dagiti Filisteos; ket ita intalawanna ni Absalom iti daga.

10Ket ni Absalom a pinulotantayo idi cadatayo, natay iti pagbabacalan. Ita ngarud apayapay a dicayo mangisao iti sangcabalicas a panangisubli iti ari?

11Ket ni ari David nagbaon cada #2 Sam. 15:24-29.Sadoc ken Abiatar a papadi, a kinunana: Isaoyo cadagiti lallacay ti Juda, ket cunaenyo, Apayapay a dacayo ti caudian a mangisubli iti ari iti balayna? idinto a ti sao ti isu-amin nga Israel immay iti ari, a mangisubli iti ari iti balayna.

12Dacayo cacabsatcayo, dacayo ti #Gen. 29:14. 2 Sam. 5:1.tulangco ken lasagco: ania ngarud aya ti gapuna a dacayo ti maudi a mangisubli iti ari?

13 # 2 Sam. 17:25. Ket cunaenyonto ken ni Amasa, Saan a sica aya ti tulangco ken lasagco? #Rut. 1:17.Aramiden coma ti Dios caniac ti casta, ken adadda pay met coma, no dinto sica ti #2 Ar. 4:13.capitan ti buyot a cancanayon iti saclangco iti saad ni Joab.

14Ket isu pinagpacumbabana ti puso dagiti isu-amin a lallaki ti Juda, a #Oc. 20:1. cas iti puso ti maymaysa met laeng a lalalki; iti casta a nangibaonda iti ari, a cunada, Agsublica coma, ken isu-amin dagiti ad-adipenmo.

15Casta ti panagsubli ti ari, ket immay inggana iti Jordan. Ket ti Juda immay idiay #Jos. 5:9.Gilgal, nga sumabet iti ari, tapno iballasiwna ti ari iti Jordan.

16Ket ni #2 Sam. 16:5. 1 Ar. 2:8.Semei nga anac ni Gera, a Benjamita, a taga #2 Sam. 3:16.Behurim idi, nagdardaras ket nakipagsalog cadagiti lallaki ti Juda nga sumabet ken ari David.

17Ket naicuyog kencuana ti sangaribu a tattao ti Benjamin, ken ni #2 Sam. 9:2, 10; 16:1-4.Siba a tagabu ti balay ni Saul, ken dagiti sangapulo ket lima nga annacna a lallaki ken duapulo nga ad-adipenna a caduana, ket isuda a nagballasiwda iti Jordan iti saclang ti ari.

18Ket imaballasiwda ti bilog a pangiballasiw iti familia ti ari, ken mangaramid iti uray aniaman a mapanunotna a naimbag. Ket ni Semei nga anac ni Gera nagpasag iti saclang ti ari, idi nga isu nacaballasiw iti Jordan.

19Ket kinunana iti ari, Ti apoc saanna coma nga isaad ti kinadakes caniac, dina coma laglagipen daydi a ti adipenmo inaramidna a sibibiddut unay idi aldaw nga ti apoc nga ari rimmuar sadi Jerusalem, a ti ari #2 Sam. 13:33.ipapusona daydi.

20Ta toy adipenmo ammoenna a nacabasol: gapuna, adtoy nga immayac iti daytoy nga aldaw nga immun-una iti #1 Ar. 11:28. Amos 5:6.amin a balay ni Jose a sumalog a sumabet ken apoc nga ari.

21Ngem ni Abisai nga anac ni Sarvia simmungbat ket kinunana, Gapu iti daytoy, saanto a mapapatay ni Semei, gapu ta inlunodna ti #Ex. 22:28. 2 Sam. 16:7.pinulotan ni Jehova?

22Ket ni David kinunana, #2 Sam. 16:10.Ania ti bibiangco cadacayo, dacayo annac ni Sarvia, nga iti daytoy nga aldaw dacayo ti bomusor caniac? Iti daytoy nga aldaw #1 Sam. 11:13.matayto ti maysa iti Israel? ta diac ammo aya nga iti daytoy nga aldaw siac ti agari iti Israel?

23Ket ti ari #1 Ar. 2:8, 9, 37, 46.kinunana ken Semei, Dicanto matay. Ket ti ari insapatana kencuana.

24Ket ni #2 Sam. 9:3, 6.Mifiboset nga anac ni Saul simmalog nga sumabet iti ari; ket isu awan ti cawes dagiti sacsacana, saanna a pinukisan ti imingna, saanna a linabaan dagiti pagan-anayna, nanipud idi aldaw nga iruruar ti ari, inggana iti aldaw a panagawidna a sitatalna.

25Ket naaramid, idi nga isu immay iti Jerusalem a sumabet iti ari, a ti ari kinunana kencuana, Mifiboset, #2 Sam. 16:17.Ania ti gapuna a dica nakicuyog caniac idi?

26Ket isu simmungbat, Apoc, O ari, ti adipenco inallilawnac: ta ti adipenmo kinunana idi, Sillaacto ti maysa nga asno, tapno sumacayacto kencuana, ket innac cumuyog iti ari; agsipud ta ti adipenmo isu ti pilay.

27 # 2 Sam. 16:3. Ngem isu binallaibuna ti adipenmo iti saclang ti apoc nga ari; ngem ti ari nga apoc isu ti cas maysa nga angel ti Dios: gapuna nga #1 Sam. 29:9.aramidem ti aniaman a naimbag cadagita matam.

28Ta isu-amin a balay ni amac sisiac laeng ti lalaki a cas natay iti sangoanan ti apoc nga ari, #2 Sam. 9:10, 13.nupay casta sica insaadmo ti adipenmo cadagidiay a nangan iti lamesaanmo. Gapuna ania a calintegan ti adda caniac pay laeng tapno umasugac pay la iti ari?

29Ket ti ari kinunana kencuana, Apayapay nga agsaoca pay laeng cadagita panggepmo? siac cunac, Sica ken ni Siba pagbinglayanyo, ti daga.

30Ket ni Mifiboset kinunana iti ari, Wen, palubosam nga isu alaenna amin, yantangay ni apoc nga ari nagsubli a sitatalna iti balayna met laeng.

31Ket ni #1 Ar. 2:7.Barzellai a Galaadita simmalog idi a naggapu iti Rogelim; ket makipagballasiw iti ari, idiay Jordan nga isu itulodna iti sabali a bangir ti Jordan.

32Ket ni Barzellai lacay unay idi, nga agtawen iti walopulo a tawen: isu a nangted ti #2 Sam. 17:27.taraon iti ari idi nagyan idiay Mahanaim; ta isu idi ti tao a nabacnang unay.

33Ket ti ari kinunana ken Barzillai, Makipagballasiwca caniac, ket makipagtaraoncanto caniac idiay Jerusalem.

34Ket ni Barzillai kinunana iti ari, Manoda aya dagiti al-aldaw dagiti tawtawen ti biagco, tapno makipagsang-atac coma iti ari agingga iti Jerusalem?

35Siac agtawenac ita nga aldaw iti walopulo a tawen: mapaglasinco aya ti naimbag ken ti dakes? Ti adipenmo mabalinna aya a nanamen iti aniaman a canec wenno iti aniaman nga inumec? Mabalinco pay aya a denggen ti timec dagiti lallaki ken babbai nga agcancanta? ania ti gapuna ngarud a ti adipenmo isunto pay la nga awit ken apoc nga ari?

36Ti adipenmo makipagballasiw laeng iti ari iti Jordan: ket apay aya a it ari isupapacna caniac iti casta a gunguna?

37Agdawatac kenca, a palubosam coma nga agsubli manen ti adipenmo, tapno matayac coma iti ilic, iti tanem ni amac ken ni inac. Ngem, adtoy, ni adipenmo a #1 Ar. 2:7. Jer. 41:17.Chimham; palubosam coma a makipagballasiw iti apoc nga ari; ket aramidem kencuana ti aniaman a pagarupem a naimbag.

38Ket ti ari simmungbat, Makipagballasiwto caniac ni Camaam, ket aramidecto kencuana ti pagarupem a naimbag: ket isu-amin a dawatemto caniac, isu ti aramidecto kenca.

39Ket isu-amin a tattao bimmallasiwda iti Jordan, ket ti ari bimmallasiw: ket ti ari #2 Sam. 14:33.inagcanna ni Barzillai, ket binendicionanna; ket isu simmubli iti lugarna met laeng.

40Iti casta ti ari immallatiw iti Gilgal ket ni Camaam nakipagallatiw kencuana: ket isu-amin a tattao ti Juda kinuyogda ti ari, ken casta met ti cagudua ti umili ti Israel.

41Ket, adtoy, isu-amin a lallaki ti Israel immayda iti ari, ket kinunada iti ari, Apayapay a dagiti lallaki ti Juda, a cacabsattayo, nga #bil. 15.innaladaca, ket imballasiwda ti ari, ken ti familiana, iti Jordan, ken isu-amin a lallaki ni David a caduana?

42Ket isu-amin a lallaki ti Juda insungbatda cadagiti lallaki ti Israel, Agsipud ta ti ari asideg a #bil. 12.cabagianmi: ania ti gapuna a mapaungetcayo iti daytoy a panggep? Nangancami aya uray bassit iti panaggasto ti ari? wenno nangted aya cadacami iti maysa a sagut?

43Ket dagiti lallaki ti Israel simmungbatda cadagiti lallaki ti Juda, ket kinunada, Dacami adda sangapulo a biangmi iti ari, ket addaancami met iti ad-adda a calintegan ken David ngem dacayo; apayapay ngarud a laisendacami, a ti patigmaanmi saan coma nga immuna nga addaan iti panangpasubli iti aritayo? #Oc. 8:1; 12:1. Isa. 9:21; 11:13.Ket ti sao dagiti lallaki ti Juda narungrungsot idi ngem dagiti sasao dagiti lallaki ti Israel.

Currently Selected:

II SAMUEL 19: TB1973

Highlight

Copy