I SAMUEL 23
23
Ni David ispalenna ti Keila. Camaten ni Saul, ket ni David pumanaw iti Keila. Da David ken Jonatan pangabaroanenda ti tulagda. Ni Saul camatenna ni David.
1Ket imbagada ken David, a kinunada, Adtoy, dagiti Filisteos gubgubatenda ti #Jos. 15:44. Neh. 3:17, 18.Keila, ken agagawenda dagiti pagtaltagan.
2Gapuna a ni #bil. 4, 6, 9. Num. 27:21.David immuman ken Jehova, a kinunana, Innacto, ken cabilecto dagitoy Filisteos? Ket ni Jehova kinunana ken David, Inca, ket cabilem dagiti Filisteos, ket isalacanmo ti Keila.
3Ket dagiti tattao ni David kinunada kencuana, Adtoy, a sibubutengtayo ditoy Juda: dinto ad-adda ngarud no intayo idiay Keila a maibusor iti buyot dagiti Filisteos?
4Idin ni David immuman pay manen ken Jehova. Ket ni Jehova simmungbat kencuana, ket kinunana, Tumacderca, sumalogca agingga iti Keila; ta #bil. 14. Oc. 7:7; 20:28.yawatconto dagiti Filisteos ita imam.
5Ket ni David ken dagiti tattaona napanda iti Keila, ket nakigubatda cadagiti Filisteos, ket innalada dagiti an-animalda, ket pinatayda ida iti naindaclan a panangpapatay. Iti casta ni David insalacanna dagiti agnaed iti Keila.
6Ket naaramid, idi a ni Abiatar nga anac ni Ahimelec #1 Sam. 22:20.nagtaray agingga ken David idiay Keila, nga isu simmalog agraman iti maysa nga efod iti imana.
7Ket naibaga ken Saul a ni David immay iti Keila. Ket ni Saul kinunana, Ti Dios isu inyawatna iti imac; ta isu napupoc, gapu iti iseserrecna iti maysa nga ili nga addaan cadagiti ruruangan ken balbalunet.
8Ket ni Saul pinatucnadna amin a tattao iti gubat, tapno sumalogda agingga iti Keila, tapno lacubenda ni David ken dagiti tattaona.
9Ket ni David naammoanna a ni Saul nangbalabala iti dakes a maibusor kencuana; ket #bil. 2. 1 Sam. 30:7.kinunana ken Abiatar a padi, Yegmo ditoy ti efod.
10Idin kinuna ni David, O Jehova, a Dios ti Israel, pudno a ti adipenmo nangngegna a ni Saul tarigagayanna ti umay iti Keila, tapno #1 Sam. 22:19.rebbekenna ti ili a gapu caniac.
11Yawatdacto dagiti tattao ti Keila iti imana? sumalogto ni Saul, a cas iti nangngeg ti adipenmo? O Jehova, a Dios ti Israel gumawawaac kenca, ibagam iti adipenmo. Ket ni Jehova kinunana, Isu sumalogto.
12Idin ni David kinunana, Dagiti lallaki ti Keila yawatdacto ken dagiti lallakic iti ima ni Saul? Ket ni Jehova kinunana, Isuda yawatdacanto.
13 #
1 Sam. 22:2; 25:13; 27:2. Idin ni David ken dagiti lallakina, nga aginnem a gasutda idi, timmacderda ket pimmanawda idiay Keila, ket napanda iti nabalinda a napanan. Ket naibaga idi ken Saul a ni David nagtalaw idiay Keila; ket isu nagmadin a rimmuar.
14Ket ni David nagtaeng idiay let-ang cadagiti sarikedked, ket nagyan iti caturodan idiay let-ang ti #Jos. 15:24.Zif. Ket isu binirbiruc ni Saul iti tunggal aldaw, ngem isu saan nga inyawat ni Jehova iti imana.
15Ket ni David nakitana a ni Saul rimmuar a mangbiruc idi biagna: ket ni David nagyan iti let-ang ti Zif idiay cabakiran.
16 #
1 Sam. 20:41, 42. Ket ni Jonatan, nga anac ni Saul timmacder ket napan ken David iti cabakiran, ket pinapigsana ti imana iti Dios.
17Ket isu kinunana kencuana, Dica agbuteng; ta ti ima ni Saul nga amac dinacanto masaracan; ket sicanto ti agari iti Israel, ket siacto ti caasitgan kenca, ket #1 Sam. 20:30, 31; 24:20.ni Saul nga amac ammona met dayta.
18 #
1 Sam. 20:8. Ket isuda a dua nagaramidda iti maysa a tulag iti #2 Sam. 5:3.sango ni Jehova: ket ni David nagnaed iti cabakiran, ket ni Jonatan napan iti balayna.
19 #
1 Sam. 26:1. Sal. 54. Idin simmang-at dagiti Zifeos ken Saul idiay Gabaa, a kinunada, Saan aya a makipaglemmeng cadacami ni David cadagiti sarikedked idiay cabakiran, idiay #1 Sam. 26:1, 3.turod ti Haquila, nga adda iti abagatan ti let-ang?
20Gapuna ita, O ari, a sumalogca, a cas mayannurot iti amin a calicaguman ta cararuam nga isasalog; ket ti biangmi isunto ti panangyawatmi kencuana iti ima ti ari.
21Ket ni Saul kinunana, #Rut. 2:20.Mabendicionancayo coma ken Jehova: ta addaancayo iti pannakipagsagaba caniac.
22Agdawatac cadacayo, incayo ket aramidenyo pay ti ad-adda a panangpanecnec, ket ammoenyo ken kitaenyo ti lugar a pagyananna, ken no asino ti kimmita kencuana idiay; ta naibaga caniac nga isu agaramid a sisisicap unay.
23Kitaenyo ngarud, ken ammoenyo dagiti amin a gingginget a paglemmenganna, ket umaycayo manen caniac agraman pannacapanecnec, ket cumuyogacto cadacayo a mapan: ket maaramidto, no adda iti daga, nga isu birukecto cadagiti amin a rinibribu ti Juda.
24Ket isuda timmacderda, ket napanda idiay Zif iti una ni Saul: ngem ni David ken dagiti lallakina addada idi idiay #Jos. 15:55.let-ang ti Maon, idiay Araba iti abagatan ti let-ang.
25Ket ni Saul ken dagiti lallakina napanda a nangbiruc kencuana. Ket imbagada ken David: gapuna a simmalog agingga iti bato, ket nagtaeng idiay let-ang ti Maon. Ket idi nangngeg ni Saul dayta, isu kimmamat ken David idiay let-ang ti Maon.
26Ket ni Saul napan itoy a bangir ti bantay, ket ni #Sal. 31:22.David ken dagiti lallakina iti dayta a bangir ti bantay: Ket ni David nagpardas a pumanaw a gapu iti panagbuteng ken Saul; ta ni Saul ken dagiti lallakina inalicubcubda a linicmut ni David ken dagiti lallakina tapno alaenda ida.
27 #
2 Ar. 19:9. Ngem immay ti maysa a babaonen ken Saul, a cunana, Agdarasca, ket umayca; ta dagiti Filisteos nangaramidda iti maysa a panangsillong iti daga.
28Iti casta ni Saul nagsubli iti panagcamatna ken David, ket napan a maibusor cadagiti Filisteos: gapuna a ninaganda daydiay a lugar iti #Sila-hammalecot: cayatna a saoen, Ti bato ti pangtalaw.Sela-hammalecot.
29Ket ni David simmang-at nanipud idiay, ket nagtaeng cadagiti sarikedked ti En-gaddi.
Currently Selected:
I SAMUEL 23: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
