I SAMUEL 24
24
Ni David isakitna ti biag ni Saul idiay En-gaddi. Ni Saul itukenna ti panangcamatna ken David.
1Ket naaramid, idi a ni Saul nagsubli a naggapu iti panangsurotna cadagiti Filisteos, a naibaga kencuana, a nacuna, Adtoy, ni David adda idiay let-ang ti #Jos. 15:62.En-gaddi.
2Idin ni Saul nangala iti tallo a ribu a lallaki a napili iti amin nga Israel, ket napan a nangbiruc ken David ken cadagiti lallakina cadagiti batbato dagiti calding nga atap.
3Ket isu immay iti #Num. 32:16.pagyaponan iti carnero idi dalan, a yan idi ti maysa a gucayab; ket ni Saul #Oc. 3:24.simrec a mangabbong cadagiti sacana. Ngem ni #Sal. 57; 142.David ken dagiti lallakina addada nga agyan cadagiti caunegan a paset ti gucayab.
4 #
1 Sam. 26:8. Ket dagiti lallaki ni David kinunada kencuana, Adtoy ti aldaw a kinuna ni Jehova kenca, Adtoy yawatconto ita imam ti cabusormo, ket aramidemto kencuana ti cas pagarupemto a naimbag. Idin ni David timmacder, ket rinagasna a siiinayad unay daydi gayadan ti lambon ni Saul.
5Ket calpasanna naaramid, a ti #2 Sam. 24:10.puso ni David pinagladingitna met laeng, agsipud ta nangragas idi gayadan ti lambon ni Saul.
6Ket isu kinunana cadagiti lallakina, Ni Jehova iparitna nga aramidec coma daytoy iti apoc a #bil. 11. 1 Sam. 12:13.pinulotan ni Jehova, nga unnatec ti imac a maibusor kencuana, idinto nga isu ti pinulotan ni Jehova.
7Iti casta ni David inep-epna dagiti lallakina cadagitoy a saona, ket dina pinalubosan ida a tumacder a maibusor ken Saul. Ket ni Saul timmacder a rimmuar idi gucayab, ket napan iti dalanna.
8Calpasanna ni David timmacder met, ket rimmuar iti gucayab, ket pinuccawanna ni Saul, a kinunana, Apoc nga ari. Ket idi a ni Saul timmaliaw kencuana, ni David incul-obna ti rupana iti daga, ket nagrucbab.
9Ket ni David kinunana ken Saul, Apayapay nga impangagmo dagiti sao dagiti lallaki, a nagcuna, Adtoy, ni David sapulenna ti pagdacsam?
10Adtoy, itoy nga aldaw dagiti matam nakitada no casano ti panangyawat ni Jehova kenca ita nga aldaw iti imac idiay gucayab: ket #bil. 5.dadduma ti nagcuna caniac a papatayenca; ngem ti matac insakitnaca; ket kinunac, Diacto unnaten ti imac a maibusor ti apoc: ta isu pinulotan ni Jehova.
11Maysapay, amac, kitaem, wen kitaem ti gayadan ti lambonmo iti imac; ta iti dayta a panangragasco iti gayadan ti lambonmo, ket dica pinapatay, ammoem ket kitaem nga awan ti uray ania a dakes wenno panaglabsing itoy imac, ket diac nagbasol a naibusor kenca, nupay sica anupem ti biagco tapno alaem.
12 #
Gen. 16:5. Oc. 11:27. Job 5:8. Ni Jehova mangocom cadata, ket ni Jehova ibalsannac kenca; ngem ti imac dinto rumabaw kenca.
13Cas cuna ti proverbio dagiti lallacay, Aggapu iti nadangkes rumuar ti kinadangkes; ngem ti imac dinto rumabaw kenca.
14Asino ti sinurot ti ari a rimmuaranna? iti asino ti kinamatmo? iti maysa a natay nga aso, iti maysa a timel.
15Ni Jehova ngarud ti mangocom coma, ken mangted iti panangikeddeng cadata, ket kitaenna, ket salucubanna ti panggepco, ken isalacannac ita imam.
16Ket naaramid idi a ni David nagibusanna ti panangisaona cadagitoy a sao ken Saul, a ni Saul kinunana, #1 Sam. 26:17.Isu daytoy ti timecmo, anacco a David? Ket ni Saul inngatona ti timecna, ket nagsangit.
17Ket isu kinunana ken David, Sica nalinlintegca ngem siac; ta sinubadannac iti imbag, idinto a sinubadanca iti dakes.
18Ket sica impalawagmo ita nga aldaw no casano ti panangaramidmo caniac ti imbag, nupay no ni Jehova inyawatnac ita imam, sica dinac pinapatay.
19Ta no maysa a lalaki masaracanna ti cabusorna, isu bay-annanto a pumanaw? gapuna a ni Jehova supapacannaca coma iti imbag gapu iti daydiay nga inaramidmo caniac ita nga aldaw.
20Ket ita, adtoy, #1 Sam. 23:17.maammoac nga agaricanto a di bumorong, ken ti pagarian ti Israel mapasingkedanto ita imam.
21 #
Gen. 21:23. Ita agsapataca ngarud caniac gapu ken Jehova, a #2 Sam. 21:7.dicanto keltayen ti putotco iti calpasac, ket dicanto dadaelen ti naganco iti balay ni amac.
22Ket ni David nagsapata ken ni Saul. Ket ni Saul napan iti balayna; ngem ni David ken dagiti lallakina #1 Sam. 23:29.simmang-atda iti sarikedked.
Currently Selected:
I SAMUEL 24: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
