I SAMUEL 22

Ni David aglemmeng idiay Adullam ken Maspa. Ni Doeg papatayenna dagiti papadi a taga Nob. Ni Abiatar tumipon ken David.

1Gapuna a ni David pimmanaw nanipud idiay, ket #Sal. 57.nagtalaw agingga iti #Jos. 12:15; 15:35.gucayab ti Adullam: ket idi a dagiti cacabsatna ken ti balay ni amana nangngegda daydi, simmalogda idiay kencuana.

2Ket tunggal maysa a nariribuc, ken tunggal maysa a nacautang, ken tunggal maysa a masicsicuran, naguurnongda kencuana; ket isu nagbalin a capitan cadacuada: ket adda idi kencuana ti #1 Sam. 23:13; 25:13.aguppat a gasut a lallaki.

3Ket ni David napan nanipud idiay agingga iti Mizpa ti #Rut. 1:4; 4:21, 22.Moab: ket kinunana iti ari ti Moab, Agdawatac kenca ipalubosmo coma, nga umayda da amac ken inac, ken makipagyanda coma cadacayo, agingga ti maammoac no ania ti aramidento ti Dios caniac.

4Ket isu inyegna ida iti sango ti ari ti Moab: ket nakipagnaedda kencuana iti bayat ti panagyan ni David idi sarikedked.

5 # 2 Sam. 24:11, 18, 19. Ket ni mammadto a Gad kinunana ken David, Dica agtaeng iti sarikedked; pumanawca, ket inca iti daga ti Juda. Idin ni David pimmanaw ket immay iti cabakiran ti Haret.

6Ket ni Saul nangngegna a ni David limgac, ken dagiti tattao nga adda idi kencuana: ket ni Saul agtugtugaw idi idiay #Jos. 18:28.Gabaa, iti siroc ti cayo a salamagi idiay #Jos. 18:25.Rama, agraman ti gayang iti imana, ket amin dagiti adipenna agtatacderda iti aglicmut kencuana.

7Ket ni Saul kinunana cadagiti adipenna a nagtacder iti aglicmut kencuana, Denggenyo ita, dacayo Benjamitas; ti anac ni Isai iccannanto ti tunggal maysa cadacayo cadagiti taltalon ken cauvuvasan, ket aramidennacayto amin a capcapitan ti rinibu ken capcapitan ti ginasut,

8Tapno dacayo umalsacayo a bumusor caniac, ket awan ti uray asino a mangipalgac caniac no ti anacco a lalaki nakikinnari iti maysa a #1 Sam. 18:3; 20:30.singgalut iti anac ni Isai, ket awan ti uray maysa cadacayo nga agladingit gapu caniac, wenno mangipalgac caniac a ti anacco ginutugutna ti adipenco a bumusor caniac, tapno agsaneb, a cas ita nga aldaw?

9Idin simmungbat ni #1 Sam. 21:7. Sal. 52.Doeg nga Edomita, a pangulo idi dagiti adipen ni Saul, ket kinunana, Naimatangac ti anac ni Isai nga immay idiay Nob, ken #1 Sam. 21:1.Ahimelec, nga anac a lalaki ni Ahitob.

10 # Num. 27:21. Ket isu immuman ken Jehova gapu kencuana, ket isu #1 Sam. 21:6, 9.iniccanna cadagiti balbalon, ken intedna kencuana ti campilan ni Goliat a Filisteo.

11Idin nagbaon ti ari ti nangayab ken Ahimelec a padi, nga anac ni Ahitob, ken amin nga balay ni amana, nga isuda idi dagiti papadi idiay Nob: ket isuda amin immayda iti ari.

12Ket ni Saul kinunana, Denggem ita, sica anac ni Ahitob. Ket isu simmungbat, Adtoyac, apoc.

13Ket ni Saul kinunana kencuana, Apayapay nga immalsacayo a bumusor caniac, sica ken ti anac ni Isai, iti daydiay a panangtedmo kencuana iti tinapay ken maysa a campilan, ket immumanca iti Dios gapu kencuana, tapno isu tumacder coma a bumusor caniac, a mangsaneb, a cas ita nga aldaw?

14Idin ni Ahimelec simmungbat iti ari, ket kinunana, Ket asino cadagiti isu-amin nga adipenmo ti casta a mapagtalcan a cas ken David, a manugang ti ari, ken maala iti consejom, ken natan-oc iti balaymo?

15Inrugicon aya ita nga aldaw ti immuman iti Dios gapu kencuana? adayu coma caniac: di coma ipabiddut ti ari ti uray aniaman iti adipenna, wenno iti amin a balay ni amac; ta ti adipenmo awan ti ammona iti amin daytoy, bassit man wenno adu.

16Ket ti ari kinunana, Mataycanto a di bumurong, Ahimelec, sica, ken ti amin a balay ni amam.

17Ket ti ari kinunana cadagiti #1 Ar. 10:25; 11:4, 6.agbantay nga agtatacder idi iti aglicmut kencuana, Agsublicayo, ket papatayenyo dagiti papadi ni Jehova; agsipud ta ti imada met adda ken David, ken agsipud ta ammoda nga isu nagtaray, ket dida impalgac caniac. Ngem dagiti adipen ti ari dida kinayat nga inunnat ti imada a pangcabil cadagiti papadi ni Jehova.

18Ket ti ari kinunana ken Doeg, Agsublica, ket cabilem dagiti papadi. Ket ni Doeg nga Edomita nagsubli, ket kinabilna dagiti papadi, ket isu pinapatayna idi nga aldaw ti walopulo ket lima, a tattao a #1 Sam. 2:28.nagcawesda idi iti efod a lienzo.

19 # bil. 9, 11. Ket ti Nob, nga ili dagiti papadi, kinabilna iti tadem ti campilan, lallaki ken babbai nga agpadpada, ubbing ken dagiti agsussuso, ken dagiti vacvaca ken as-asno, ken carcarnero, iti tadem ti campilan.

20 # 1 Sam. 23:6, 9. Ket maysa cadagiti annac a lallaki ni Ahimelec, nga annac ni Ahitob, a managan idi iti Abiatar, nagtalaw, ket timmaray a simmurot ken David.

21Ket ni Abiatar imbagana ken David a ni Saul pinatayna dagiti papadi ni Jehova.

22Ket ni David kinunana ken Abiatar, Naammoac idi nga aldaw, idi a ni Doeg nga Edomita adda idi idiay, a di-bumurong nga ibagana ken Saul: siac ti nacaigapuanan ti ipapatay dagiti amin a tattao ti balay ni amam.

23Makipagtaengca caniac ditoy, dica agbuteng; #1 Ar. 2:26.ta daydiay a mangsapul iti biagco sapulenna met ta biagmo: ta caniac addaancanto iti pannacasaluad.

Currently Selected:

I SAMUEL 22: TB1973

Highlight

Copy