I AR-ARI 7
7
Ti balay ni Salomon met laeng. Dagiti aramid ni Hiram a taga Tiro iti templo: dagiti ad-adigi; ti sinocog a baybay; dagiti batbatay a gambang; dagiti bacbacca a gambang.
1Ket ni Salomon pinutarna ti balayna met laeng iti sangapulo ket tallo a tawen #1 Ar. 10:17, 21.sana nalpas ti amin a balayna.
2Ta isu pinutarna ti balay a nagtaud iti #1 Ar. 3:1; 9:10. 2 Cron. 8:1.bakir ti Libano; ti caatiddogna sangagasut a sico, ket ti caacabana limapulo a sico, ket ti catayagna tallopulo a sico, iti rabaw dagiti uppat a cabatog nga ad-adigi a cantingen, nga adda awawanan a cantingen iti rabaw dagiti adigi.
3Ket naatepan iti cantingen iti ngato iti rabaw dagiti uppat a pulo ket lima nga awawanan, nga addada iti rabaw dagiti ad-adigi; sangapulo ket lima iti tumunggal cabatog.
4Ket adda dagiti baotec iti nagcatlo a cabatog, ket ti tawa naibatog iti tawa iti nagcatlo a caunda.
5Ket amin dagiti rikep ken baotec naaramidda a cuadrado cadagiti cayo; ket ti tawa naibatog iti tawa iti nagcatlo a caunda.
6Ket isu nangaramid ti balcon cadagiti ad-adigi, ti caatiddogna limapulo a sico, ket ti caacabana tallopulo a sico; ken maysa a balcon iti sangoda; ken ad-adigi ken maysa a dapian iti sangoda.
7Ket isu nangaramid ti balcon ti trono nga isu ti yanna a mangocom isu ti balcon ti pangocoman: #1 Ar. 6:15, 16.ket inaccubanna ida iti cantingen manipud iti cadsaaran agingga iti cadsaaran,
8Ket ti balayna a pagnaedanna, ti sabali a paraangan, iti uneg ti balcon, capadana idi iti pannacaaramid. Isu nangaramid met iti maysa a balay a maipaay iti anac ni Faraon, (nga innala ni Salomon nga asawana), a #1 Ar. 3:1.capadpada daytoy a balcon.
9Amin dagitoy nanginada a batbato, dagiti met laeng bato a tinicapan, a mayannurot iti rucod, naragadida cadagiti ragadi, iti uneg ken iti ruar, ken manipud iti puon agingga iti toctoc, ken casta iti ruar agingga iti paraangan a dackel.
10Ket ti puon isu ti naaramid cadagiti napateg a batbato, dagiti met laeng dadackel a bato, batbato a sagsangapulo a sico, ken batbato a sagwawalo a sico.
11Ket iti rabaw adda batbato a napateg, dagiti met laeng bato a tinicapan, a mayannurot iti rucod, ken cayo a cantingen.
12Ket ti dackel a paraangan iti agliclicmut adda #1 Ar. 6:36.tallo cadasig a batbato a tinicapan, ken sangcadasig nga awawanan a cantingen; a cas iti adda iti paraangan nga akinuneg ti balay ni Jehova, ken ti balcon ti balay.
13Ket ni ari Salomon nagbaon ket pinaalana ni Hiram manipud #2 Cron. 4:11.Tiro.
14Isu ti anac #2 Cron. 2:14.ti maysa a babai a balo iti caputotan ni Neftali, ket ti amana #2 Cron. 4:16.maysa a lalaki a taga Tiro, maysa a mammanday iti gambang; #Ex. 31:3; 35:1.ket isu napno iti kinasirib ken pannacaawat ken kinalaing nga agaramid iti amin nga aramid iti gambang. Ket napan ken ari Salomon, ket inaramidna amin ti aramidna.
15Ta inaramidna dagiti #2 Ar. 25:17. 2 Cron. 3:15, 17. Jer. 52:21-23.dua nga adigi a gambang, a sangapulo ket walo a sico ti catayag ti tunggal maysa: ken maysa a tali a sangapulo ket dua a sico a naipulipol iti aglawlaw iti tunggal maysa cadacuada.
16Ket isu nangaramid cadagiti dua a paratoc a gambang a sinocog a maicabil iti toctoc dagiti adigi: ti catayag ti maysa a paratoc lima a sico, ket ti catayag ti sabali a paratoc lima a sico.
17Adda idi ic-iket nga inaramid a kinelleng, ken balangat a kinawar, a maipaay cadagiti paratoc nga adda cadagiti toctoc dagiti adigi; pito ti maipaay iti umuna a paratoc, ken pito ti maipaay iti sabali a paratoc.
18Casta ti panangaramidna cadagiti adigi; ket adda dua a cadasig iti aglawlaw iti rabaw ti maysa nga iket nga inaramid a panangabbong cadagiti paratoc nga adda iti toctoc dagiti adigi: ket casta met ti inaramidna iti sabali a paratoc.
19Ket dagiti parparatoc nga #1 Ar. 6:3.adda iti toctoc dagiti ad-adigi iti balcon isuda ti lirio nga inaramid, nga uppat a sico.
20Ket adda parparatoc iti rabaw met dagiti dua nga adigi, nga asideg iti pannaca-tian nga adda iti denna ti iniket: ket dagiti granada dua gasut, a binnatog iti agliclicmut iti sabali a paratoc.
21Ket isu pinatacderna dagiti ad-adigi iti balcon ti templo: ket isu pinatacderna ti akincanawan nga adigi, ket ginaladanna iti nagan a Jaquin; ket isu pinatacderna ti akincatigid nga adigi ket ginaladanna iti nagan a Boaz.
22Ket iti rabaw ti toctoc dagiti ad-adigi adda lirio nga inaramid: casta ti pannacalpas ti pannacaaramid dagiti dua nga adigi.
23Ket isu nangaramid iti maysa a #2 Ar. 16:17; 25:13. 2 Cron. 4:2, 5.sinocog a baybay a sangapulo a sico iti ngarab ken ngarab, a nagbucbukel ti panaglicmutna, ket ti catayagna lima a sico; ken maysa a tali a tallopulo a sico ti nailawlaw iti agliclicmut.
24Ket iti baba ti ngarabna iti agliclicmut #1 Ar. 6:18. 2 Cron. 4:3.adda bocboco isuda a nanglicmut kencuana, a sangapulo iti tunggal sico, a nailicmut iti baybay iti aglawlaw: dagiti bocboco dua a cabatog a #2 Cron. 4:3.nasucog idi a nasucogda.
25Isu nagbatay iti #Jer. 52:20.sangapulo ket dua a sinan-vaca, ti tallo simmango iti amianan, ket ti tallo simmango iti laud, ket ti tallo simmango iti abagatan, ket ti tallo simmango iti daya; ket ti baybay naisaad iti rabawda, ket amin a pasetda a camaudi addada iti uneg.
26Ket sangadangan iti capuscolna; ket ti ngarabna naaramid a cas iti ngarab ti maysa a tagayan, a cas sabong ti maysa a lirio: isu launenna ti #2 Cron. 4:5.duaribo a #Bat: maysa a sucatan a capada ti lima a litro.bat.
27Ket isu nangaramid ti #2 Ar. 25:13. 2 Cron. 4:14. Jer. 52:17.sangapulo a batay a gambang; uppat a sico ti caatiddug ti tunggal batay, ket uppat a sico ti caacabana, ket tallo a sico ti catayagna.
28Ket ti pannacaaramid dagiti batbatay castoy: adda limlimbangda; ket dagiti limbang addada iti nagbaetan dagiti ngarab;
29Ket cadagiti limbang nga adda iti baet dagiti ngarab, adda sinanleon, vacvaca, ken querquerubin; ket iti rabaw dagiti ngarab adda maysa a pagibatayan iti ngato; ket iti baba dagiti leon ken dagiti vaca adda aramid nga inayubo a naibitin.
30Ket tunggal batay adda uppat a pilidna a gambang, ken burayongan a gambang; ket dagiti uppat a sacada adda pasawasawda: iti baba ti bacca adda paspasawasaw a sinocog agraman inayayubo iti bacrang ti tunggal maysa.
31Ket ti ngiwatna iti uneg ti paratoc ken iti cangatona isu ti maysa a sico: ket ti ngiwatna nagbukel a cas pannacaaramid iti maysa a pagibatayan, a maysa a sico ket gudua; ket iti rabaw ti ngiwatna adda met kitkitikit, ket dagiti limbangda cuadradoda, saanda a nagbukel,
32Ket dagiti uppat a pilid addada iti baba dagiti limbang; ket dagiti burayongan dagiti pilid addada idi iti batay: ket ti catayag ti maysa a pilid maysa a sico ket gudua.
33Ket ti pannacaaramid dagiti pilid cas iti pannacaaramid ti pilid ti maysa a lugan: dagiti burayonganda, ken dagiti antasda, ken dagiti rayosda, ken dagiti cuboda, nasucogda amin.
34Ket adda idi uppat a pasawasaw cadagiti uppat a suli ti tunggal batay: ket dagiti pasawasawda agcacanayonda iti batay met laeng.
35Ket iti ngato ti batay adda maysa a nagbukel nga aglicmut a cagudua ti sico ti catayagna; ket iti ngato ti batay dagiti ngarabna ken dagiti limbangna sangsangcanayonda met laeng.
36Ket cadagiti dalumpinas dagiti ngarabna, ken cadagiti limbangna, naikitikit dagiti querubin, leon ken palma, a mayannurot iti calawa ti tunggal maysa, agraman cadagiti inayubo iti aglawlaw.
37Cas itoy nga wagas isu inaramidna dagiti sangapulo a batay: isuda amin sangsangcapada iti pannacasocog, ken sangsangcarucodda, ken sangsangcakitada.
38Ket isu nangaramid iti sangapulo a bacca a #2 Cron. 4:6.gambang: maysa a bacca launenna idi ti uppat a pulo a bat; ket tunggal bacca uppat a sico; ket iti rabaw ti tunggal maysa cadagiti sangapulo a batay maysa a bacca.
39Ket isu incabilna dagiti batay, lima iti akincanawan a bangir ti balay #2 Cron. 4:10.ket lima iti akincatigid a bangir ti balay: ket incabilna ti baybay iti akincanawan a bangir ti balay, iti bangirna ti daya, a sumango iti abagatan.
40 # Aginga bil. 52. 2 Cron. 4:11–5:1. Ket ni Hiram inaramidna dagiti bacca, #Ex. 27:3; 38:3.ken dagiti soplad, ken dagiti malocong. Casta ti panangleppas ni Hiram iti amin nga aramid nga inaramidna a maipaay ken ari Salomon iti balay ni Jehova:
41Dagiti dua nga adigi, ken dagiti dua a #2 Cron. 4:12, 13.malocong dagiti paratoc nga adda iti toctoc dagiti adigi; ken dagiti #bil. 17, 18.dua nga iket nga inaramid a nayabbong cadagiti dua a malocong dagiti paratoc nga adda cadagiti toctoc dagiti adigi;
42Ken dagiti uppat a gasut a granada a maipaay cadagiti dua nga iket nga inaramid; dua cabatog a granada maipaay iti tunggal iket nga inaramid, a pangabbong cadagiti dua a malocong dagiti paratoc nga adda idi iti rabaw dagiti adigi;
43Ken dagiti sangapulo a batay, ken dagiti sangapulo a bacca iti rabaw dagiti batay;
44Ken ti #bil. 23, 25.maysa a baybay, ken ti sangapulo ket dua a vaca iti baba ti baybay;
45Ken dagiti banga, ken dagiti soplad, ken dagiti malocong: dagup amin dagitoy nga ar-aruaten, nga inaramid ni Hiram a maipaay ken ari Salomon, iti balay ni Jehova, isuda dagiti pinasileng a gambang.
46Iti tanap ti Jordan ti nagpasocogan cadacuada ti ari, iti daga a pila iti nagbaetan ti Soccot ken Sartan.
47Ket ni Salomon binay-anna amin dagiti ar-aruaten a saanna a tinimbeng, gapu iti kinaruayda: ti dagsen ti gambang saan a nasukimat.
48Ket ni Salomon inaramidna amin dagiti ar-aruaten nga adda iti balay ni Jehova; ti balitoc nga altar, #Ex. 37:25, 28.ken ti lamesaan a #Ex. 37:10.balitoc a #Ex. 25:30.yan ti tinapay ti pamarang;
49Ken dagiti candelero a pulos a balitoc, lima iti macanawan, ken lima iti macatigid, iti sango ti oraculo: #Ex. 25:31, 37, 38.ken dagiti sabong, ken dagiti pagsilawan, ken dagiti sipit, a balitoc;
50Ken dagiti #2 Ar. 12:13.tagayan, ken dagiti pangarsang, ken dagiti malocong, ken dagiti cuchara, ken dagiti #Ex. 27:3.pagiccan iti apuy a pulos a balitoc: ken dagiti bisagra a balitoc, a maipaay cadagiti rikep iti akinuneg a balay, iti #1 Ar. 6:19.disso a casantoan, ken maipaay cadagiti rikep ti balay, cayatna a saoen, ti templo.
51Castoy ti pannacalpas ti amin nga aramid a ni ari Salomon inaramidna iti balay ni Jehova. Ket ni Salomon inserrecna dagiti banbanag nga inconsagrar ni David nga amana, a #2 Sam. 8:11.ti met laeng, pirac, ken ti balitoc, ken dagiti al-alicamen, ket incabilna ida cadagiti paggamengan iti balay ni Jehova.
Currently Selected:
I AR-ARI 7: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
