I AR-ARI 8
8
Ti lacasa maiserrec iti templo. Ti bitla ni Salomon cadagiti tattao; ti cararagna a mangisibbo; ti panamendicionna. Dagiti datdaton a maipaay iti pannacaisibbo.
1Idin ni Salomon tiniponna dagiti lallacay ti Israel, #2 Cron. 5:2-10.ken amin dagiti pangpangolo dagiti capcaputotan, dagiti #Num. 1:16.pangpangoloen cadagiti balbalay dagiti amma dagiti annac ti Israel, ken ni ari Salomon sadi Jerusalem, tapno isang-atda ti lacasa ti #2 Sam. 6:17.tulag ni Jehova manipud iti ili ni David #2 Sam. 5:7, 9; 6:2, 16.nga isu ti Sion.
2Ket amin dagiti lallaki ti Israel nakiragupda ken ari Salomon #Lev. 23:34. 2 Cron. 7:8-10.iti fiesta, iti bulan ti Etamin, nga isu ti maicapito a bulan.
3Ket amin dagiti lallacay ti Israel napanda, ket dagiti papadi #Num. 4:15. Jos. 3:3, 6. 2 Cron. 5:4, 5.inawitda ti lacasa.
4Ket isuda insang-atda ti lacasa ni Jehova, ken ti tolda ti gimong, ken amin dagiti nasantoan nga ar-aruaten nga adda iti uneg ti Tabernaculo: dagitoy insang-at dagiti papadi ken dagiti Levitas.
5Ket ni ari Salomon ken amin a gimong ti Israel a nakiragup kencuana, caduana ida iti sango ti lacasa, a nagidatdatonda cadagiti carcarnero ken vacvaca, a #2 Sam. 6:13.saan a nabilang ken napocpoc gapu iti kinaruayda.
6Ket dagiti papadi inserrecda ti lacasa ti tulag ni Jehova iti #Ex. 26:33, 34. 1 Ar. 6:19.saadna, iti #1 Ar. 6:5.uneg ti oraculo ti balay, iti casantoan a disso, iti baba dagiti #1 Ar. 6:27.payac dagiti querubin.
7Ta dagiti querubin inyucradda dagiti payacda iti ngato ti saad ti lacasa, ket dagiti querubin lininonganda ti ngato ti lacasa ken dagiti pagassiwanna.
8Ket dagiti assiw atiddugda unay a #Ex. 25:14, 15. Num. 4:6.dagiti murdong dagiti assiw makita manipud iti nasantoan a #2 Cron. 5:9.disso iti sango ti oraculo; ngem saan a makita ida manipud iti ruar: ket addada idiay inggana ita nga aldaw.
9 #
Ex. 25:21; 40:20. Heb. 9:4. Awan ti adda iti uneg ti lacasa malacsid dagiti dua a tapi a bato nga incabil idiay ni Moises sadi Horeb, idi ni Jehova inaramidna ti tulag cadagiti annac ti Israel #Ex. 34:27. Deut. 4:13.idi rimmuarda iti daga ti Egipto.
10Ket naaramid idi a dagiti papadi rimmuarda iti nasantoan a disso, a ti ulep #Ex. 40:34, 35. 2 Cron. 5:11-14.pinunnona ti balay ni Jehova,
11Iti casta a dagiti papadi dida nabalin ti agtacder nga agannong a gapu iti ulep; ta ti dayag ni Jehova pinunnona ti balay ni Jehova.
12 # Aginga bil. 50. 2 Cron. 6:1-39. Idin nagsao ni Salomon, Ni Jehova kinunana nga isu agnaed coma iti napuscol a #Sal. 97:2.sipnget.
13Siac pudno unay nga imputaranca iti maysa a #2 Sam. 7:13.balay #Ex. 15:17.a pagnaedan, maysa a disso tapno pagnaedam iti agnanayon.
14Ket ti ari intaliawna ti rupana ket #2 Sam. 6:18.binendicionanna ti amin a gimong ti Israel: ket ti amin a gimong ti Israel timmacder.
15Ket isu kinunana, Madaydayaw ni Jehova, #Luc. 1:68.ti Dios ti Israel, isu a nagsao iti ngiwatna ken David nga amac, ket isu tinungpalna iti imana, a #2 Sam. 7:5, 6, 25.kinunana,
16Nanipud iti aldaw a panangaonco iti ilic nga Israel sadi Egipto, diac nagpili ti ili cadagiti caputotan ti Israel a mamutar ti maysa a balay, a pagyanan ti naganco; #bil. 29. Deut. 12:5, 11.ngem pinilic ni David tapno isu ti ngatoen iti #1 Sam. 16:1. 2 Sam. 7:8.ilic nga Israel.
17Ket adda idi iti #2 Sam. 7:3.puso ni David nga amac ti panamutar iti maysa a balay a maipaay iti nagan ni Jehova, ti Dios ti Israel.
18Ngem ni Jehova kinunana ken David nga amac, Agsipud ta adda iti pusom ti panamutar iti maysa a balay a maipaay iti naganco, sica naimbag ti inaramidmo nga isu ti adda iti pusom:
19Nupay casta sica saanmonto a putaren ti balay; ngem ti anacmo agtaudto cadagiti lomon, #2 Sam. 7:5, 12, 13. 1 Ar. 5:3, 5.isu putarennanto ti balay a maipaay iti naganco.
20Ket ni Jehova pinasingkedanna ti saona a sinaona; ta siac binangonnac iti saad ni David nga amac, ket nagtugawac iti trono ti Israel, a cas incari ni Jehova, ket pinutarco ti balay a maipaay iti nagan ni Jehova, ti Dios ti Israel.
21Ket idiay dinutocac ti maysa a saad a maipaay iti lacasa, a yan ti tulag ni Jehova, #bil. 9. Deut. 31:26.nga isu inaramidna cadagiti ammatayo, idi isu inaonna ida iti daga ti Egipto.
22 # bil. 54. 2 Cron. 6:12, 13. Ket ni Salomon nagtacder iti sango ti altar ni Jehova iti sangoanan ti amin a gimong ti Israel, ket inyunnatna dagiti #Ex. 9:33. Esd. 9:5. Isa. 1:15.imana sadi langit;
23Ket kinunana, O Jehova, a Dios ti Israel, awan ti Dios a cas kenca, uray #Ex. 15:11. Deut. 4:39. 2 Sam. 7:22.iti langit iti ngato, uray iti daga iti baba; a salimetmetanna ti tulag ken ti naayat a kinaimbag cadagiti ad-adipenmo, #Deut. 7:9.a magna iti sangom iti amin a pusoda;
24A sinalimetmetam ken adipenmo a ni David nga amac ti incarim kencuana: wen, sica insaom iti ngiwatmo, ken isu tinungpalmo iti imam, a cas itoy nga aldaw.
25Ita ngarud, O Jehova, a Dios ti Israel, salimetmetam ken adipenmo a David nga amac ti incarim kencuana, a kinunam, #2 Sam. 7:12, 16. 1 Ar. 6:12.Saanto nga agcurang kenca ti maysa a lalaki iti imatangco nga agtugaw iti trono ti Israel, no la ket ta dagiti annacmo aluadanda ti dalanda, a magnada iti sangoc a cas pannagnam iti sangoc.
26Ita ngarud, O Dios ti Israel, dawatec kenca, ipalubosmo a ti saom, mapasingkedan coma, isu nga insaom ken adipenmo a David nga amac.
27Ngem, agpayso aya a ti Dios agnaedto iti daga? #2 Cron. 2:6. Isa. 66:1. Jer. 23:24. D. Ara. 7:49; 17:24.Adtoy, ti langit ken ti langit dagiti langlangit #Deut. 10:14. 2 Cor. 12:2.saandaca a malaon; dinto ngarud adadda daytoy a balay a pinutarco!
28Nupay casta sica patgam coma ti cararag ti adipenmo, ken ti kiddawna, O Jehova a Diosco, nga ipangagmo ti asug ken ti cararag a ti adipenmo icararagna iti sangom ita nga aldaw,
29A dagiti matam silulucatda coma a sumango itoy a balay iti rabii ken iti aldaw, a sumango met laeng iti disso nga isu ti nagcunaam, Ti naganco addanto sadiay, #bil. 16. Deut. 12:11.a mangipangag iti cararag a ti adipenmo icararagnanto a sumango iti daytoy a #Dan. 6:10.disso.
30Ken ipangagmo ti araraw ti adipenmo, ken ti ilim nga Israel, no isuda agcararagda a sumango ditoy a disso: wen, sica denggem sadi langit a pagnaedam; ket intono mangngegmo, pacawanem.
31No maysa a tao agbasol iti maicaniwas iti padana a tao, ket maysa a sapata ti maisaad kencuana a pamagsapata kencuana, #Ex. 22:11. Deut. 29:12. Neh. 10:29.ket isu umay ket agsapata iti sango ti altarmo ditoy a balay;
32Iti casta sica denggem sadi langit, ket aramidem, ket ocomem dagiti ad-adipenmo, a dusaem ti nadangkes, ken #Deut. 25:1.yegmo ti dalanna iti olona met laeng, ken palintegem ti nasingpet, nga isu gungunaam a cas iti kinalintegna.
33No ti ilim nga Israel macabil iti sango ti cabusor, #Lev. 26:17. Deut. 28:25.ta isuda nagbasolda iti maicaniwas kenca, no isuda agsublida kenca, ket ipudnoda ti naganmo, #Lev. 26:40.ket cumararagda ken umararawda kenca ditoy a balay:
34Sica denggem ngarud sadi langit, ket pacawanem ti basol ti ilim nga Israel, ket ipanmo manen ida iti daga a sica intedmo cadagiti ammada.
35No ti langit mapunitan, ket awan ti tudo, #Lev. 26:19. Deut. 11:17; 28:23.gapu ta isuda nagbasolda iti maicaniwas kenca; no isuda agcararagda a sumango ditoy a disso, ket ipudnoda ti naganmo, ket pagpanawanda iti basolda, intono parigatem ida:
36Sica denggem ngarud sadi langit ket pacawanem ti basol dagiti ad-adipenmo, ken ti ilim nga Israel, intono sica isurom cadacuada #Sal. 27:11; 86:11.ti naimbag a dalan a rebbengda a pagnaan; ket agbaonca ti tudo iti daga, isu nga intedmo iti ilim a pannacatawidna.
37No addanto bisin iti daga, no addanto angol, no addanto eppes, wenno buot, dudon, wenno arabas; no dagiti cabusorda linacubda ida iti daga dagiti il-ilida; #Lev. 26:16, 25, 26. Deut. 28:21, 22, 27, 38, 42. 2 Cron. 20:9.aniaman a pannaplit, aniaman a sakit nga adda;
38Uray ania a cararag ken aniaman a panagkiddaw nga aramiden ti siasinoman a tao, wenno ti amin nga ilim nga Israel, no ammoento ti tunggal tao ti pannaplit ti pusona met laeng, ket yunnatna dagiti imana a sumango iti daytoy a balay:
39Sica denggem ngarud sadi langit a pagnaedam, ket mamacawanca, ket aramidem, ken isupapacmo iti tumunggal tao ti mayanatup iti amin a dalanna, a ti pusona sica pagaammom; (ta sica, sica laeng, ti macaammo cadagiti puso #Sal. 11:4.ti amin nga annac ti tao;)
40Tapno isuda agamangada kenca cadagiti #Deut. 12:1.amin nga al-aldaw a panagbiagda iti daga isu nga intedmo cadagiti ammami.
41Casta met iti maipanggep iti gangannaet, a saan a taga ilim nga Israel, no umayto manipud iti daga nga adayu a gapu iti naganmo,
42(Ta isuda mangngegdanto ti maipapan iti naindaclan a naganmo, ken ti mannacabalin nga imam, #Deut. 3:24.ken ti tackiagmo a siuunnat), no umayto ket agcararag a sumango ditoy a balay;
43Denggem sadi langit a pagnaedam, ket aramidem ti mayannurot iti amin a dawaten kenca ti gangannaet; tapno amin dagiti il-ili iti daga #Jos. 4:24.maammoanda ti naganmo, tapno agamangada kenca, #Sal. 102:15, 16.a cas ti ilim nga Israel; ken tapno isuda maammoanda a daytoy a balay a pinutarco isu ti magaladan iti naganmo.
44No ti ilim rumuar iti paggugubatan a maibusor cadagiti cabusorda, iti uray sadino a pangibaonam cadacuada, ket isuda cumararagda ken Jehova, a sumango iti ili a pinilim, ken sumango iti balay a pinutarco a maipaay iti naganmo;
45Sica denggem ngarud sadi langit ti cararagda ken ti dawatda, ket saranayem ti calinteganda.
46No isuda agbasolda iti maicaniwas kenca (#1 Juan 1:8, 10.ta awan ti tao a di macabasol), ket sica aglucsawca cadacuada, ket yawatmo ida iti cabusor, ket iti casta itugotda ida a kinayawan #Lev. 26:34, 44. Deut. 28:36, 64.iti daga ti cabusor, adayu man wenno asideg;
47Nupay casta no isuda met laeng panunotenda idiay daga a pacaipananda a kinayawan, ket agsublida, ket umararawda #Lev. 26:40.kenca idiay daga dagiti nangayaw cadacuada, a #Neh. 1:6. Sal. 106:6.cunada, Dacami nagbasolcami, ket nagaramidcami a sidadangkes, dacami nagaramidcami ti kinadakes;
48No isuda agsublida kenca iti amin a pusoda #Jer. 20:12, 14.ken iti amin a cararuada idiay daga dagiti cabcabusorda, a nangala cadacuada a nangayaw, ket cumararagda kenca a sumangoda iti dagada, #Dan. 6:10.isu nga intedmo cadagiti ammada, ti ili a sica pinilim, ken ti balay a pinutarco a maipaay iti naganmo:
49Sica denggem ngarud ti cararagda ken ti ararawda sadi langit a pagnaedam, ket saranayem ti calinteganda;
50Ket pacawanem ti ilim isu a nagbasol iti maicaniwas kenca, ken amin dagiti salungasingda a panangsalungasingda iti maicaniwas kenca; ket iccam ida iti caasi iti sango #Sal. 106:46.dagiti nangitugot cadacuada a nangayaw, tapno caasianda ida.
51(Ta isuda ti ilim ken ti tawidmo #Deut. 9:29.nga inaonmo sadi Egipto #Deut. 4:20.iti tengnga ti horno a landoc);
52 # 2 Cron. 6:49. Tapno dagiti matam silulucatda iti araraw ti adipenmo, ken ti araraw ti ilim nga Israel, nga ipangagmo ida iti uray caano a yaasugda kenca.
53 #
Ex. 19:5, 6; 33:16. Deut. 9:26, 29; 14:2. Ta sica insinam ida iti tengnga ti amin nga il-ili iti daga, tapno isuda dagiti tawidmo, a cas sinaom iti pannacaaramat ni Moises nga adipenmo, idi inaonmo dagiti ammami sadi Egipto, O Apo Jehova.
54Ket casta idi, nga, idi a ni Salomon nalpasna nga incararag amin daytoy a cararag ken araraw ken Jehova, isu timmacder manipud iti sango ti altar ni Jehova, #2 Cron. 6:13.iti panangiparintumengna cadagiti tumengna a nacaunnat dagiti imana sadi langit.
55Ket isu timmacder, ket binendicionanna ti #bil. 14.amin a gimong ti Israel iti timec a natbag, a kinunana,
56Madaydayaw ni Jehova a nangted ti inana iti ilina nga Israel, a mayannurot iti amin nga incarina: #Jos. 21:45; 23:14.awan nagcurang a maysa a sao iti amin a naimbag a carina, isu nga incarina iti pannacaaramat ni Moises nga adipenna.
57Ni Jehova a Diostayo adda coma cadatayo, a cas adda idi cadagiti ammatayo: dinatayo coma panawan, ken dinatayo coma idian;
58Tapno pagrucnoyenna dagiti pusotayo kencuana, #Sal. 119:36.tapno magnatayo cadagiti amin a daldalanna, ken tapno salimetmetantayo dagiti bilbilinna, ken dagiti ipapaalagadna ken dagiti linlintegna, nga imbilinna cadagiti ammatayo.
59Ket dagitoy a sasaoc, isuda, a panagdawatco iti sango ni Jehova, asidegda coma ken Jehova a Diostayo iti aldaw ken rabii, tapno isu saranayenna ti calintegan ti adipenna, ken ti calintegan ti ilina nga Israel, a cas masapul nga inaldawaldaw:
60Tapno dagiti amin a tattao iti daga maammoanda #Jos. 4:24. 1 Sam. 17:46.a ni Jehova isu ti Dios, nga #Deut. 4:35, 39.awan sabali.
61Ti #1 Ar. 11:4; 15:3, 14. 2 Ar. 20:3.pusoyo napalongdo coma ken Jehova a Diostayo, a magnacayo cadagiti linlintegna, ken salimetmetanyo dagiti bilbilinna, a cas ita nga aldaw.
62Ket ti ari, #2 Cron. 7:4-10.ken amin nga Israel a caduana, nangidatagda cadagiti daton iti sango ni Jehova.
63Ket ni Salomon nangidatag ti maipaay iti sacrificio dagiti daton ti cappia, nga indatonna ken Jehova, duapulo ket dua a ribu a vacvaca, ken sangagasut ket duapulo a ribu a carcarnero. Castoy ti panangisibbo ti ari ken amin nga annac ti Israel ti balay ni Jehova.
64Iti daydi met laeng nga aldaw ti ari sinantificarna ti tengnga ti paraangan nga adda idi iti sango ti balay ni Jehova; ta sadiay nidatagda ti daton a mapuuran, ken daton a macan, ken ti taba dagiti daton ti cappia, ta ti gambang nga altar #2 Cron. 4:1; 7:7.nga adda iti sango ni Jehova bassit unay a manglaon cadagiti daton a mapuuran, ken ti daton a macan, ken ti taba dagiti daton ti cappia.
65Iti casta ni Salomon rinambacanna ti fiesta idi a tiempo, #bil. 2. Lev. 23:34.ket amin nga Israel caduana, maysa a dackel a gimong a naggapu iti pagsercan ti Hamat #Num. 34:8. Jos. 13:5. Oc. 3:3. 2 Ar. 14:25.inggana iti waig ti Egipto, #2 Ar. 24:7.iti sango ni Jehova a Diostayo, iti pito nga aldaw #2 Cron. 7:8, 9, 10.ken pito nga aldaw, a sangapulo ket uppat nga aldaw met laeng.
66Iti maicawalo nga aldaw isu pinagawidna ti umili; ket isuda binenditoda #2 Sam. 14:22.ti ari, ket napanda cadagiti #2 Sam. 18:17.toltolda a siraragsac ken sirarag-o iti puso gapu cadagiti amin a kinaimbag a ni Jehova impakitana ken David nga adipenna, ken iti Israel nga ilina.
Currently Selected:
I AR-ARI 8: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
