I AR-ARI 6

Ti panangbangon ti templo. Ti tulag ni Jehova. Ti oraculo ken dagiti querquerubinna. Ti pannacaarcos dagiti diddiding ken ruruangan.

1Ket #2 Cron. 3:1, 2.naaramid iti maicapat a gasut ket walopulo a tawen iti calpasan ti ipapanaw dagiti annac ti Israel iti daga nga Egipto, iti maicapat a tawen iti panagari ni Salomon iti Israel, iti #Num. 1:1.bulan a Zif, nga isu ti maicadua a bulan, nga isu inrugina a pinutar ti balay ni Jehova.

2 # 2 Cron. 3:3, 4. Eze. 40–42. Ket ti balay, a pinutar ni ari Salomon a maipaay ken Jehova, ti caatiddogna innem a pulo a sico, ket ti caacabana duapulo a sico, ket ti catayagna tallopulo a sico.

3Ket ti balcon iti sango ti templo ti balay, duapulo a sico ti caatiddogna a cas iti caacaba ti balay; ket sangapulo a sico ti caacabana iti sango ti balay.

4Ket inyaramidanna ti balay cadagiti tawtawa a #1 Ar. 7:4-5. Eze. 40:16; 41:16, 26.rinejasan.

5Ket iti sidiran ti diding ti balay isu namutar cadagiti tinagtagunda a cadsaaran iti agliclicmut, iti sidiran ti diding ti balay iti agliclicmut, iti templo ken iti #1 Ar. 7:49; 8:6, 8.oraculo nga agpadpada; ket isu nagaramid cadagiti sagumbi nga #Eze. 41:6.agliclicmut.

6Ti cadsaaran nga akinbaba lima a sico ti caacaba, ket ti nagtengnga innem a sico ti caacaba, ket ti maicatlo pito a sico ti caacaba; ta iti akinruar isu nagaramid cadagiti tucad iti diding ti balay iti agliclicmut, tapno dagiti delleg saanda a maicongcong cadagiti diding ti balay.

7Ket ti balay, idi a maputputar, naputar cadagiti batbato a naisaganada idiay pagalaan, #Deut. 27:5, 6. 1 Ar. 5:18.ket awan ti uray martillo uray wasay uray ania nga aruaten a landoc a nangngeg iti balay, iti bayat #1 Ar. 2:4; 9:4.ti pannacaputputarna.

8Ti ruangan a maipaay cadagiti sagumbi a nagtengnga adda iti macanawan a sikigan ti balay: ket isuda umulida idi iti agdan a nagcusicos agingga iti nagtengnga a cadsaaran, ket manipud iti nagtengnga agingga iti maicatlo.

9Iti casta pinutarna ti balay, ket lineppasna; ket inatepanna ti balay cadagiti bosoran ken tabtabla a cantingen.

10Ket isu namutar cadagiti cadsaaran a naisidiran iti amin a balay, a tumunggal maysa lima a sico ti catayagna; ket isuda naicamangda iti balay iti pannacaaramat dagiti bosoran a cantingen.

11Ket ti sao ni Jehova immay ken Salomon, a kinunana,

12Maipanggep itoy a balay a bangbangonem, no magnacanto cadagiti ipaalagadco, ket aramidem dagiti linlintegco, ket salimetmetam amin dagiti bilbilinco a magnaca cadacuada; iti casta pasingkedacto ti saoc kenca, isu a sinaoc ken #2 Sam. 7:13. 1 Cron. 22:10.David nga amam.

13Ket agnaedacto #Ex. 25:8.cadagiti annac #Deut. 31:6, 8. Jos. 1:5.ti Israel, ket diacto baybay-an ti ilic nga Israel.

14Iti casta ni Salomon pinutarna ti balay, ken #bil. 38.lineppasna.

15Ket isu pinutarna dagiti diding iti uneg ti balay cadagiti tabla a cantingen: manipud iti cadsaaran ti balay agingga cadagiti diding iti pagatepan, isu inaccubanna ida iti cayo iti bangirda nga akinuneg; ken isu inaccubanna ti cadsaaran ti balay cadagiti tabla a parwa.

16Ket isu pinutarna ti duapulo a sico iti akinlaem a paset ti balay cadagiti tabla a cantingen manipud cadsaaran agingga cadagiti diding iti pagatepan: isu pinutarna ida iti bangir nga akinuneg, a maipaay iti maysa nga oraculo, a iti met laeng #Ex. 26:33. 1 Ar. 7:50; 8:6. 2 Cron. 3:8, 10. Eze. 45:3. Heb. 9:3.casantoan a disso.

17Ket ti balay, nga isu, ti templo iti sango ti oraculo, uppat a pulo a sico ti caatiddog.

18Ket adda cantingen iti uneg ti balay, a nakitikitan cadagiti bocboco ken nagucrad a sinan-sabong: isuda amin cantingen; awan nakita a bato.

19Ket isu nangisagana iti maysa nga oraculo iti tengnga ti uneg ti balay, tapno maisaad sadiay ti lacasa ti tulag ni Jehova.

20Ket iti uneg ti oraculo adda lengngaw a duapolo a sico ti caatiddogna, ken duapolo a sico ti caacabana, ken duapulo a sico ti cangatona; ket isu ti kinalupcupanna iti pulpulos a #1 Ar. 7:49, 50; 10:21.balitoc: ken isu inaccubanna ti altar iti cantingen.

21Iti casta ni Salomon kinalupcupanna ti uneg ti balay iti pulpulos a balitoc: ken isu imbantengna ti tanicala a balitoc iti sango ti oraculo: ken isu ti kinalupcupanna met iti balitoc.

22Ket ti sibubukel a balay isu kinalupcupanna iti balitoc, agingga iti nalpas ti amin a balay: castamet ti amin nga altar #Ex. 30:1, 3, 6.a maipaay iti oraculo kinalupcupanna iti balitoc.

23Ket iti oraculo isu nangaramid ti dua a querubin #Ex. 37:7, 9. 2 Cron. 3:10-13.iti cayo nga olivo, a ti tumunggal maysa sangapulo a sico ti catayagna.

24Ket lima a sico ti maysa a payac ti querubin, ket lima a sico ti bangir a payac ti querubin: manipud iti akinmurdong a paset ti maysa a payac agingga iti akinmurdong a paset ti sabali adda sangapulo a sico.

25Ket ti sabali a querubin sangapulo a sico: isuda a dua a querubin sangsangcasucog ken sangsangcakitada.

26Ti catayag ti maysa a querubin sangapulo a sico, ket casta met ti sabali a querubin.

27Ket isu incabilna dagiti querubin iti uneg ti akinuneg a paset ti balay; ket dagiti paypayac dagiti querubin nacaucradda, #Ex. 25:20; 37:9. 1 Ar. 8:7. 2 Cron. 5:8.iti casta a ti payac ti maysa sinagidna iti maysa a diding, ket ti payac ti maysa a querubin sinagidna iti sabali a diding; ket dagiti paypayacda nagsinnagidda iti tengnga ti balay.

28Ket isu kinalupcupanna dagiti querubin iti balitoc.

29Ket kinitikitanna dagiti amin a diding ti balay nga agliclicmut cadagiti ladawan dagiti querubin a naikitikit ken dagiti palma, ken #bil. 18.nagucrad a sabsabong, iti uneg ken iti ruar.

30Ket ti cadsaaran ti balay isu kinalupcupanna iti balitoc, iti uneg ken iti ruar.

31Ket maipaay iti sesercan iti oraculo isu nangaramid cadagiti rikrikep iti cayo ti olivo: ti dapian ken dagiti baotec dagiti ruangan apagcalima a paset ida ti diding.

32Iti casta isu nangaramid cadagiti dua a rikep iti cayo nga olivo; ket isu inkitikitna cadacuada dagiti naikitikit a querubin ken dagiti palpalma ken nagucrad a sabsabong, ket kinalupcupanna ida iti balitoc; ket isu inyucradna ti balitoc cadagiti querquerubin, ken cadagiti palpalma.

33Casta met a nangaramid ti maipaay iti sesercan iti templo cadagiti baotec a cayo ti olivo, iti apagcapat a paset ti diding.

34Ken dua a rikep a cayo a parwa: dagiti dua a bulong ti maysa a rikep #Eze. 41:23, 25. agcupinda idi, ket dagiti dua a bulong ti sabali a rikep agcupinda idi.

35Ket nangikitikit cadacuada cadagiti querquerubin ken palpalma ken nagucrad a sabsabong; ket isu kinalupcupanna ida iti balitoc a naipagisu cadagiti aramid a naikitikit.

36Ket isu pinutarna ti paraangan nga akinuneg #1 Ar. 7:12.iti tallo cadasig a tinicapan a bato, ken sangcadasig a patapaya a cantingen.

37Iti maicapat a tawen isu ti pannacaicabil ti pamuon ti balay ni Jehova, #bil. 1.iti bulan a Zif.

38Ket iti maicasangapulo ket maysa a tawen, iti bulan a Bul, nga isu ti maicawalo a bulan, isu ti pannacaleppas ti balay iti amin a pasetna, ken mayannurot iti amin a pannacayuritna. Iti casta pito a tawen ti panangputarna.

Currently Selected:

I AR-ARI 6: TB1973

Highlight

Copy