I AR-ARI 20
20
Ni Ben-adad makigubat a maibusor ken Achab. Dagiti Sirios maabacda. Mangabaroanan ti gubat; ni Ben-adad maabac ngem nacatalaw. Matubngar ni Achab gapu iti kinamanangaasina.
1Ket ni #2 Ar. 6:24; 8:7, 9. 1 Ar. 15:18.Ben-adad nga ari ti Siria inurnongna amin ti buyotna; ket adda tallopulo ket dua nga ar-ari kencuana, ken cabcabayo ken luglugan: ket isu simmang-at, ket linacubna ti #1 Ar. 16:24.Samaria, ket nakigubat a maibusor kencuana.
2Ket isu nagbaon cadagiti babaonen ken Acab nga ari ti Israel, iti uneg ti ili, ket kinunana kencuana, Castoy ti cuna ni Ben-adad,
3Ti piracmo ken ti balitocmo cucuac; castamet dagiti assawam ken dagiti annacmo, dagiti casayaatan, isuda dagiti cuac.
4Ket ti ari ti Israel simmungbat ket kinunana, Cas ti mayannurot iti panagcunam, apoc, O ari; siac cucuanac, ken amin nga adda caniac.
5Ket dagiti babaonen immayda manen, ket kinunada, Castoy ti sao ni Ben-adad, a cunana, Siac nagbaonac a pudno kenca, a kinunac, Sica yawatmonto caniac ti piracmo, ken ti balitocmo, ken dagiti assawam, ken dagiti annacmo;
6Ngem siac ibaonconto dagiti ad-adipenco kenca inton agsapa iti daytoy a tiempo, ket isuda sukimatendanto ti balaymo, ken dagiti balbalay dagiti ad-adipenmo; ket castoyto, nga uray ania a nasayaat cadagiti matam isu ti icabildanto iti imada, ket isu ti alaendanto.
7Idi a casta ti ari ti Israel inayabanna amin dagiti lallacay iti daga, ket kinunana, #2 Ar. 5:7.Agdawatac cadacayo, Usigenyo ket kitaenyo no casano a daytoy a lalaki sapulenna ti kinadakes: ta isu nagbaon caniac a gapu cadagiti assawac, ken gapu cadagiti annacco, ken gapu iti piracco, ken gapu iti balitocco; ket siac awan ti impaidamco kencuana.
8Ket amin dagiti lallacay ken ti amin dagiti tattao kinunada kencuana, Dica ipangag ken dica anamongan.
9Gapuna nga isu kinunana cadagiti babaonen ni Ben-adad, Ibagayo iti apoc nga ari, Amin a pinaibagam iti adipenmo iti immuna siac aramidecto; ngem daytoy a banag diac maaramid. Ket dagiti babaonen pimmanawda, ket impanda manen kencuana ti sao.
10Ket ni Ben-adad nagbaon kencuana, ket kinunana, Dagiti didios #Rut. 1:17.aramidenda ti casta caniac, ken adadda pay met, no ti #2 Sam. 17:12, 13.tapoc ti Samaria umdasto a rakemen ti amin dagiti tattao a sumurot caniac.
11Ket ti ari ti Israel simmungbat ket kinunana, Ibagam kencuana, Di agpalangguad coma ti mangibarikes iti igamna a cas ti mangucsob.
12Ket naaramid, idi a ni Ben-adad nangngegna daytoy a damag, idinto nga umininum, isu ken dagiti ar-ari, cadagiti toltolda, nga isu kinunana cadagiti ad-adipenna, Agurnongcayo a siuornos. Ket isuda nagurnongda a siuornos a maibusor iti ili.
13Ket, adtoy, maysa a mammadto immasideg ken Acab nga ari ti Israel, ket kinunana, Castoy ti cuna ni Jehova, Nakitam amin daytoy umariwecwec? adtoy, siac yawatconto ida ita imam ita nga aldaw; ket sica #1 Ar. 18:36.maammoamto a siac ni Jehova.
14Ket ni Acab kinunana, Iti pannacaaramat ti siasino? Ket isu kinunana, Castoy ti cuna ni Jehova, Iti pannacaaramat dagiti agtutubo a lallaki dagiti pangpangulo dagiti provincia. Idi casta isu kinunana, Siasino ti mangiruginto iti gubat? Ket isu simmungbat, Sica.
15Idi a casta isu inurnongna dagiti agtutubo a lallaki dagiti pangpangulo dagiti provincia, ket isuda duagasut ket tallopulo ket dua: ket iti calpasanda isu tiniponna amin dagiti tattao, amin met laeng dagiti annac ti Israel, a pito ribuda.
16Ket isuda rimmuarda iti matoon. Ngem ni Ben-adad agininum nga agbartec cadagiti toltolda, isu ken dagiti ar-ari, dagiti tallopulo ket dua nga ar-ari a timmulong kencuana.
17Ket dagiti agtutubo a lallaki dagiti pangpangulo dagiti provincia rimmuarda nga immun-una; ket ni Ben-adad nagbaon, ket isuda imbagada kencuana, a kinuna, Adda lallaki a rimmuar a naggapuda sadiay Samaria.
18Ket isu kinunana, No isuda rimmuarda a maipanggep iti cappia, tiliwenyo ida a sibibiag; wenno no isuda rimmuarda a maipanggep iti gubat, tiliwenyo ida a sibibiag.
19Iti casta dagitoy rimmuarda iti ili, dagiti agtutubo a lallaki dagiti pangpangulo dagiti provincia, ken ti buyot a simmurot cadacuada.
20Ket isuda pinatayda tunggal maysa ti lalakina; ket dagiti Sirios nagtarayda, ket kinamat ida ti Israel: ket ni Ben-adad nga ari ti Siria nagtalaw a nagsacay iti maysa a cabayo a cadua dagiti agcacabayo.
21Ket ti ari ti Israel rimmuar, ket kinabilna dagiti cabcabayo ken luglugan, ket pinatayna dagiti Sirios iti naindaclan a panagpapatay.
22Ket #bil. 13.ti mammadto immasideg iti ari ti Israel, ket kinunana kencuana, Inca, cumiredca, ket usigem, ket kitaem ti aramidem; #bil. 26. 2 Sam. 11:1.ta iti panagsucat ti tawen ti ari ti Siria sumang-atto a bumusor kenca.
23Ket dagiti ad-adipen ti ari ti Siria kinunada kencuana, Ti diosda isu ti maysa a dios dagiti turturod; gapuna nga isuda napigpigsada ngem datayo: ngem gubatentayo coma ida iti tanap, ket di bumurong a datayo napigpigsatayonto ngem isuda.
24Ket aramidem daytoy a banag: iccatem dagiti ar-ari, tumunggal maysa iti saadna, ket mangicabilca cadagiti capcapitan iti saadda;
25Ket mangibilangca ti maysa a buyot, a cas iti buyot a napucawmo, cabayo no cabayo, ket lugan no lugan; ket datayo gumubattayo a bumusor cadacuada iti tanap, ket di bumurong a datayo napigpigsatayonto ngem isuda. Ket isu impangagna ti timecda, ket inaramidna ti casta.
26Ket naaramid iti panagsucat ti tawen, a ni Ben-adad tiniponna dagiti Sirios, ket simmang-at sadi #bil. 30. Jos. 12:18; 13:4. 1 Sam. 29:1. 2 Ar. 13:17.Afec a gumubat a maibusor iti Israel.
27Ket dagiti annac ti Israel natiptiponda, ken naibalonanda, ket napanda a bumusor cadacuada: ket dagiti annac ti Israel nagpacarsoda iti sangoda a cas la dua a bassit a pangen dagiti ur-urbon dagiti calcalding; ngem dagiti Sirios pinunnoda ti daga.
28Ket maysa a lalaki ti Dios immasideg ket nagsao iti ari ti Israel, ket kinunana, Castoy ti cuna ni Jehova, Agsipud ta dagiti Sirios kinunada, Ni Jehova isu ti maysa a dios dagiti turturod, #bil. 23.ngem saan a maysa a dios dagiti tanap; gapuna a #bil. 13.siac yawatconto amin daytoy umariwecwec iti imam, ket dacayo maammoanyonto a siac ni Jehova.
29Ket isuda nagpacarsoda ti maysa iti sango ti sabali iti pito nga aldaw. Ket casta idi, nga iti maicapito nga aldaw ti gubat narugian; ket dagiti annac ti Israel nangpatayda cadagiti Sirios iti sangagasut a ribu a magmagna iti maysa nga aldaw.
30Ngem ti natda nagtarayda sadi Afec, iti uneg ti ili; ket ti bacud natuang iti rabaw dagiti duapulo ket pito ribu a lallaki cadagiti natda. Ket ni Ben-adad nagtaray, ket napan iti uneg ti ili, iti uneg ti maysa a nauneg a siled.
31Ket dagiti ad-adipenna kinunada kencuana, Adtoy ita, nangngeganmi a dagiti ar-ari ti balay ti Israel isuda manangngaasida nga ar-ari: Agdawatcami kenca, ipalubosmo a mangicabilcami ti #Gen. 37:34. 2 Sam. 3:31. 1 Ar. 21:27. 2 Ar. 6:30. Sal. 35:13; 69:11. Isa. 37:1, 2. Joel 1:13.nakersang a lupot cadagiti lomomi, ken taltali cadagiti olomi, ket incami iti ari ti Israel: bareng no isu ispalennanto ti biagmo.
32Iti casta isuda nagbarikesda iti nakersang a lupot cadagiti lomoda, ken nangicabilda cadagiti taltali cadagiti oloda, ket napanda iti ari ti Israel, ket kinunada, Ti adipenmo a ni Ben-adad cunana, Siac agdawatac kenca, a palubosannac nga agbiag. Ket isu kinunana, Isu sibibiag pay? isu ti cabsatco.
33Ket dagiti lallaki pinaliiwda a sigaganetget, ket nadarasda a tiniliw no ania ti panunotna; ket isuda kinunada, Ni cabsatmo a Ben-adad. Iti casta isu kinunana, Incayo, isu yegyo. Idi a casta ni Ben-adad rimmuar a napan kencuana: ket isu ti pinaulina iti uneg ti luganna.
34Ket ni Ben-adad kinunana kencuana, #1 Ar. 15:20.Dagiti il-ili nga innala ni amac ken amam isublicto; ket mangaramidcanto iti daldalan a maipaay kenca sadi #1 Ar. 11:24.Damasco, a cas inaramid ni amac sadi Samaria. Ket siac, kinuna ni Acab, palubosancanto a mapan babaen iti daytoy a tulag. Iti casta isu nangaramid ti maysa a tulag kencuana, ket isu pinalubosanna a napan.
35Ket maysa a lalaki #2 Ar. 2:3.cadagiti annac dagiti mammadto kinunana iti caduana #1 Ar. 13:17.gapu iti sao ni Jehova, Agdawatac kenca a cabilennac. Ket ti lalaki nagmadi a mangcabil kencuana.
36Iti casta kinunana kencuana, Agsipud ta dica tinuloc ti timec ni Jehova, adtoy, apaman a macapanawca caniac, maysa a leon patayennacanto. Ket apaman nga isu nacapanaw kencuana, maysa a leon #1 Ar. 13:24.simmabat ken nangpatay kencuana.
37Idi a casta nacasarac iti sabali a lalaki, ket kinunana, Agdawatac kenca, cabilennac. Ket isu kinabil ti lalaki, a kinabil ken sinugatna.
38Iti casta ti mammadto pimmanaw, ket inurayna ti ari iti dalan, ket nanglimlimo a nabedbedan ti olona iti rabaw ti matana.
39Ket idi a limmabas ti ari, isu nagpuccaw iti ari; ket kinunana, Ti adipenmo rimmuar iti tengnga ti paggugubatan; ket, adtoy, maysa a lalaki simmina, ket nangyeg ti maysa a lalaki caniac, ket kinunana, Aywanam daytoy a lalaki: no ti aniaman a pamuspusan isu macatalaw, ti biagmo ti maipaayto iti biagna, wenno #Ex. 22:27.agbayadcanto ti maysa a talento a pirac.
40Ket idinto a ti adipenmo naringgoran ditoy ken sadiay, isu nacapanaw. Ket ti ari ti Israel kinunana kencuana, Casta ti maipatayto kenca; sica met laeng ti nangikeddeng.
41Ket isu nagtaray, ket iniccatna ti bedbed cadagiti matana; ket ti ari ti Israel nabigbigna nga isu maysa cadagiti mammadto.
42Ket isu kinunana kencuana, Castoy ti kinuna ni Jehova, Agsipud ta binay-am a macapanaw iti imam ti lalaki a kinedngac a matay, gapuna a ti biagmo maipaayto iti biagna, ken ti ilim iti ilina.
43Ket ti ari ti Israel napan iti balayna a sibabantut ken sitataramnay, ket immay sadi Samaria.
Currently Selected:
I AR-ARI 20: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
