I AR-ARI 19

Ti layat ni Jezabel. Ni Elias agtaray idiay Horeb. Ti bassit a naalumamay a timec ni Jehova. Ni Eliseo agbalin a sono ni Elias.

1Ket ni Acab imbagana ken Jezabel ti amin nga inaramid ni Elias, ken no casano ti #1 Ar. 18:40.panamatayna cadagiti amin a mammadles babaen iti campilan.

2Idi casta ni Jezabel nagbaon ti maysa a babaonen ken Elias, a kinunana, #Rut. 1:17.Casta ti aramiden dagiti didios caniac, ken adadda pay, no diac aramiden ti biagmo a cas iti biag ti maysa cadacuada agingga iti bigat iti daytoy a tiempo.

3Ket idi a nakitana daydiay, isu timmacder, ket napan gapu iti biagna, ket dimteng sadi #Jos. 15:28.Beer-seba, isu a biang ti Juda, ket imbatina ti adipenna sadiay.

4Ngem isu met laeng napan a nagnagna iti maysa nga aldaw cadagiti let-ang, ket immay ket nagtugaw iti siroc ti maysa a cayo nga enebro: ket isu dinawatna a maipaay kencuana nga isu matay coma, ket kinunana, Umdasen; ita, O Jehova, #Num. 11:15.alaemon ti biagco; ta siac saanac a naimimbag ngem cadagiti ammac.

5Ket isu nagidda ket naturog iti siroc ti maysa a cayo nga enebro; ket, adtoy, maysa nga angel ti kimmalbit kencuana, ket kinunana kencuana, Tumacderca ket manganca.

6Ket isu kimmita, ket, adtoy, adda iti oloananna ti maysa a bibingca a naluto iti rabaw dagiti beggang, ken sangagorgorita a danum. Ket isu nangan ken imminum, ket nagidda manen.

7Ket ti angel ni Jehova immay manen iti maicadua a daras, ket kinalbitna, ket kinunana, Tumacderca ket manganca, ta ti pannagna dackel unay a maipaay kenca.

8Ket isu timmacder, ket nangan ken imminum, ket napan iti pigsa dayta a taraon iti #Ex. 24:18; 34:28. Mat. 4:2.uppat a pulo nga aldaw ken uppat a pulo a rabii sadi #Ex. 3:1.Horeb a bantay ti Dios.

9Ket isu dimteng sadiay iti maysa a rukib ket nagdagus sadiay; ket, adtoy, ti sao ni Jehova immay kencuana, ket kinunana kencuana, Ania ti aramidem ditoy, Elias?

10Ket isu kinunana, Siac #Num. 25:11, 13.naimonac unay idi a maipaay ken Jehova, ti Dios dagiti buybuyot; ta dagiti annac ti Israel inidianda ti tulagmo, rinebbada dagiti altarmo, ket #1 Ar. 18:4.pinatayda dagiti mammadtom iti campilan: #1 Ar. 18:22. Rom. 11:3.ket siac, sisiac laeng, ti natda; ket isuda sapsapulenda ti biagco, tapno iccatenda.

11Ket isu kinunana, Rumuarca, ket agtacderca iti #Ex. 24:12; 34:2.rabaw ti bantay iti sango ni Jehova. #Eze. 1:4.Ket, adtoy, ni Jehova limmabas, ket maysa a dackel ken napigsa nga angin binessangna dagiti banbantay, ket binuracna dagiti batbato iti sango ni Jehova; ngem ni Jehova awan idi iti angin: ket iti calpasan ti angin maysa a gingined; ngem ni Jehova awan idi iti gingined:

12Ket iti calpasan ti gingined maysa nga apuy; ngem ni Jehova awan idi iti apuy: ket iti calpasan ti apuy #Job 4:16.maysa a bassit a naalumamay a timec.

13Ket casta idi, idi a ni Elias nangngegna, nga isu #Ex. 3:6.inabbonganna ti rupana idi cagayna, ket napan ket nagtacder iti pagsercan iti rukib. Ket, adtoy, immay ti maysa a timec kencuana, ket kinunana, Ania ti aramidem ditoy, Elias?

14Ket isu kinunana, Siac naimonac unay a maipaay ken Jehova, ti Dios dagiti buybuyot; ta dagiti annac ti Israel inidianda ti tulagmo, rinebbada dagiti altarmo, ken pinatayda dagiti mammadtom iti campilan: ket siac, sisiac laeng, ti natda; ket isuda sapsapulenda ti biagco, tapno iccatenda.

15Ket ni Jehova kinunana kencuana, Inca, agsublica iti dalanmo iti let-ang ti Damasco: ket intono sumangpetca, sica #2 Ar. 8:12, 13.pulotamto ni Hazael nga agari iti Siria;

16Ket ni #2 Ar. 9:1, 3.Jehu nga anac ni Nimsi pulotamto nga agari iti Israel; ket ni Eliseo nga anac ni Safat a taga Abelmehula pulotamto a mammadto iti saadmo.

17Ket #2 Ar. 8:12; 9:14, 24; 13:3, 22.maaramidto, a ti macatalaw iti campilan ni Hazael #2 Ar. 9–10.papatayento ni Jehu; ket ti macatalaw iti campilan ni Jehu #Os. 6:5.papatayento ni Eliseo.

18 # Rom. 11:4. Nupay casta siac mangitiddaacto ti maipaay caniac iti pito ribu iti Israel, amin dagiti tumtumeng a saan a nagparintumeng ken Baal, ken amin ti ngiwat a saan nga immagec kencuana.

19Iti casta isu pimmanaw sadiay, ket nasaracanna ni Eliseo nga anac ni Safat, nga adda nga agararado, nga adda sangapulo ket dua a casangol dagiti vacana iti sangona, ket isu kimmuyog iti maicasangapulo ket dua: Ket ni Elias limmabas kencuana, ket #2 Ar. 2:8.imbacalna ti cagayna kencuana.

20Ket isu binay-anna dagiti vacvaca, ket nagtaray a simmurot ken Elias, ket kinunana, Dawatec kenca, #Mat. 8:21, 22. Luc. 9:61, 62.Ipalubosmo, nga agcac ni amac ken ni inac, ket saacto sumurot kenca. Ket isu kinunana kencuana, Agsublica manen; ta ania ti inaramidco kenca?

21Ket isu nagsubli a naggapu iti isusurotna kencuana, ket innalana dagiti vacvaca, ket pinartina, ket inangerna dagiti lasagda #2 Sam. 24:22.cadagiti ar-aruaten dagiti vacvaca, ket intedna cadagiti tattao, ket nanganda. Idin isu timmacder, ket #2 Ar. 2:1.simmurot ken Elias, ket #2 Ar. 6:15.nagannong kencuana.

Currently Selected:

I AR-ARI 19: TB1973

Highlight

Copy