I AR-ARI 21
21
Ni Acab agumanna ti cauvasan ni Nabot. Ti pamuspusan ni Jezabel a manggun-od iti cauvasan. Napapatay ni Nabot. Ni Elias idarumna ti basol ni Acab. Ni Acab agpacumbaba.
1Ket naaramid iti calpasan dagitoy a banbanag, a ni Nabot a Jezreelita adda maysa a cauvasanna, nga adda sadi #Jos. 17:16.Jezreel, nga asideg iti palacio ni Acab nga ari ti Samaria.
2Ket ni Acab nagsao ken Nabot, a kinunana, Itedmo caniac ti #1 Sam. 8:14.cauvasam, tapno pagbalinec a minuyongan ti natnateng, ta isu ti asideg iti balayco; ket siac itedconto kenca gapu idiay ti maysa a naimimbag a cauvasan ngem daydiay: wenno, no ipagarupmo a naimbag kenca, siac itedconto kenca ti pategna iti pirac.
3Ket ni Nabot kinunana ken Acab, Ni Jehova imparitna caniac, nga #Lev. 25:23. Num. 36:7. Eze. 46:18.itedco kenca ti tawid dagiti ammac.
4Ket ni Acab simrec iti balayna a sibabantut ken sitatarammay gapu iti sao a ni Nabot a Jezreelita a kinunana kencuana; ta isu kinunana, Siac saanco nga itedto kenca ti tawid dagiti ammac. Ket isu nagidda iti pagiddaanna, ket intaliawna ti rupana, ket saan a nangan iti tinapay.
5Ngem ni Jezabel nga asawana napan kencuana ket kinunana, Apayapay ti espiritum a casta a sileleddaang, a saanca a mangan iti tinapay?
6Ket isu kinunana kencuana, Agsipud ta nagsaoac ken Nabot a Jezreelita, ket kinunac kencuana, Itedmo kaniac ti cauvasan a gatangec iti pirac; wenno, no macaay-ayo kenca, siac itedconto kenca ti sabali a cauvasan gapu idiay: ket isu simmungbat, Siac saanconto nga ited kenca ti cauvasan.
7Ket ni Jezabel nga asawana kinunana kencuana, Saanmo nga iturayan aya ti pagarian ti Israel? tumacderca, ket manganca iti tinapay, ket agragsac ti pusom: siac itedconto kenca ti cauvasan ni Nabot a Jezreelita.
8Iti casta isu nagsurat iti sursurat iti #Est. 3:12.nagan ni Acab ket dineppelanna ida iti sellona, ket impawitna dagiti sursurat cadagiti #Rut. 4:2. 1 Ar. 20:7.panglacayen ken cadagiti natacneng nga adda iti ilina, a cailian ni Nabot.
9Ket isu insuratna cadagiti sursurat, a kinunana, Iwarragawagyo ti maysa a panagayunar, ket icabilyo ni Nabot iti ngato iti tengnga dagiti tattao:
10Ket pagtugawenyo dagiti dua a lalaki, a #Deut. 13:13.nacas-ang a lallaki iti sangona, ket agsacsida coma iti maicaniwas kencuana, a cunada, Sica #Lev. 24:16. D. Ara. 6:11.inlunodmo ti Dios ken ti ari. Ket iti casta isu iruaryo, ket isu uborenyo tapno matay.
11Ket dagiti lallaki ti ilina, dagiti panglacayen ken dagiti natacneng nga agnaed iti ilina, inaramidda ti cas pinaibaga ni Jezabel cadacuada, a mayannurot iti naisurat cadagiti sursurat, nga isu impaw-itna cadacuada.
12Isuda inwarragawagda ti maysa a panagayunar, ket incabilda ni Nabot iti ngato iti tengnga dagiti tattao.
13Ket dagiti dua a lallaki, a nacas-ang a lallaki, simrecda ket nagtugawda iti sangona: ket dagiti nacas-ang a lallaki nagsacsida iti maicaniwas kencuana, a maicaniwas met laeng ken Nabot, iti sango dagiti tattao, a kinunada, Ni Nabot inlunodna ti Dios ken ti ari. Iti casta isu inruarda iti ili ket isu inuborda a pinatay cadagiti batbato.
14Idi a casta nagbaonda ken Jezabel, a kinunada, Ni Nabot naubor, ket natay.
15Ket naaramid, idi a ni Jezabel nangngegna a ni Nabot naubor ket natay, a ni Jezabel kinunana ken Acab, Tumacderca, tagicuaem ti cauvasan ni Nabot a Jezreelita, isu a nagmadi a nangted kenca a gatangem iti pirac; ta ni Nabot saan a sibibiag, no di ket natayen.
16Ket naaramid, idi a ni Acab nangngegna a ni Nabot natayen, a ni Acab timmacder nga immulog iti cauvasan ni Nabot a Jezreelita, tapno tagicuaenna.
17Ket ti sao ni Jehova immay ken Elias a #1 Ar. 17:1.Tesbita, a cunana,
18Tumacderca, sumalogca a mangsarac ken Acab nga ari ti Israel, isu nga agnaed sadi #1 Ar. 16:24.Samaria: adtoy, isu adda iti cauvasan ni Nabot, isu nga inuluganna tapno tagicuaenna.
19Ket sica ibagamto kencuana, a cunaem, Castoy ti cuna ni Jehova, Pinataymo aya, ket tagicuaem met? Ket sica ibagamto kencuana, a cunam, Castoy ti sao ni Jehova, #1 Ar. 22:38. 2 Ar. 9:26.Iti disso a nagdilpatan dagiti as-aso iti dara ni Nabot, isunto ti pangdilpatan dagiti as-aso iti daram, a ti met laeng cucuam.
20Ket ni Acab kinunana ken Elias, Sinaracnac, O cabusorco? Ket isu simmungbat, Siac sinaracca, ta #bil. 25. 2 Ar. 17:17. Rom. 7:14.sica inlacom ti bagim met laeng tapno aramidem daydiay a dakes iti imatang ni Jehova.
21Adtoy, yegconto ti dakes kenca, ket #1 Ar. 16:3.talipupusencanto a caycayen ket ipusayconto ken Acab ti tumunggal anac a lalaki, ken ti sipupupoc ken ti matda a siwayawaya iti Israel:
22Ket siac aramidecto ti balaymo a cas iti balay ni #1 Ar. 15:29.Jeroboam nga anac ni Nabat, ken cas iti balay ni #1 Ar. 16:3, 11.Baasa nga anac ni Ahia agsipud iti panggargarim isu a pinanggargarim caniac nga agpungtot, ken #1 Ar. 14:16.pinamagbasolmo iti Israel.
23 #
2 Ar. 9:36. Ken castamet ti maipanggep ken Jezabel sinao ni Jehova, a kinunana, Dagiti as-aso lamutendanto ni Jezabel iti denna ti bacud ti Jezrael.
24 #
1 Ar. 14:11. Ti matay ken Acab iti ili lamutento dagiti as-aso; ket ti matay iti away lamutento dagiti tumatayab ti tangatang.
25(Ngem #1 Ar. 16:30-33.awan idi ti cas ken Acab, isu nga inlacona ti bagina met laeng tapno aramidenna daydiay a dakes iti imatang ni Jehova, isu a sinulbog ni Jezabel nga asawana.
26Ket isu nagaramid ti nacarimrimon unay iti isusurot cadagiti ladladawan, a mayannurot iti amin nga #Gen. 15:16. 2 Ar. 21:11.inaramid dagiti Amorreo, isuda a pinagtalao idi ni Jehova iti sango dagiti annac ti Israel.)
27Ket naaramid, idi a ni Acab nangngegna dagidiay a sasao, nga #2 Ar. 6:30.isu rinay-abna dagiti pagan-anayna, ket #1 Ar. 20:31.nangicabil ti nakersang a lupot iti lasagna, ket #2 Sam. 12:16.nagayunar, ket nagidda iti nakersang a lupot, ket nagna a siiinayad.
28Ket ti sao ni Jehova immay ken Elias a Tesbita, a kinunana,
29Nakitam no casano ti panagpacumbaba ni Acab iti sangoc? agsipud ta isu met laeng nagpacumbaba iti sangoc, siac diacto yeg ti dakes cadagiti al-aldawna; #2 Ar. 9:25.ngem cadagiti al-aldaw ti anacna yegconto ti dakes iti balayna.
Currently Selected:
I AR-ARI 21: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
