I AR-ARI 12
12
Ni Roboam agari; surotenna ti dakes a patigmaan. Ti yaalsa ti Israel. Ni Jeroboam maaramid nga arida. Ti Dios iparitna ti panaggubat ti Israel ken Juda. Dagiti dakes a panagdayaw nga intuyang ni Jeroboam.
1Ket ni #Aginga bil. 24. 2 Cron. 10:1–11:4.Roboam napan sadi #Jos. 17:7.Siquem: ta amin nga Israel napan sadi Siquem tapno isu ti aramidenda nga ari.
2Ket naaramid, idi a ni #1 Ar. 11:26.Jeroboam nga anac ni Nabat nangngeganna (ta isu adda pay laeng sadi #1 Ar. 11:40.Egipto, isu a nagtarayanna idi a naggapu iti sango ni ari Salomon, ket ni Jeroboam nagyan sadi Egipto,
3Ket isuda nagbaonda ken isu inayabanda), a ni Jeroboam ken ti amin a gimong ti Israel napanda, ket nagsaoda ken Roboam, a kinunada,
4Ni amam inaramidna ti sangolmi a #1 Ar. 4:7.nadagsen: ita ngarud aramidem a nalaglag-an ti nadagsen a panagservi ken amam, ken ti nabantut a sangolna isu nga insangolna cadacami, ket dacami agservicamto kenca.
5Ket isu kinunana cadacuada, Pumanawcayo pay iti tallo nga aldaw, calpasanna umaycayo manen caniac. Ket dagiti tattao pimmanawda.
6Ket ni ari Roboam nakiuman cadagiti lallacay a nagtacder iti sango ni Salomon nga amana idi a sibibiag pay laeng, a kinunana, Ania a patigmaan ti itedyo caniac tapno maited a sungbat iti daytoy nga ili?
7Ket isuda nagsaoda kencuana, a kinunada, #2 Cron. 10:7.No sica ti maysa nga adipen iti daytoy nga umili ita nga aldaw, ket agservicanto cadacuada, ket sungbatam ida, ket agsaoca cadagiti naimbag a sasao cadacuada, ti casta isudanto ti adipenmo nga agnanayon.
8Ngem isu binay-anna ti patigmaan dagiti lallacay isu nga intedda, ket nakiuman cadagiti agtutubo a lallaki isuda a dimmackel a caduana, isuda a nagtacder iti sangona.
9Ket isu kinunana cadacuada, Ania a patigmaan ti itedyo, tapno maisublitayo coma ti sungbat iti daytoy nga umili, isu a nagsao caniac a kinunana, Aramidem a nalaglag-an ti sangol isu a ni amam insangolna cadacami?
10Ket dagiti agtutubo a lallaki isuda a dimmackel a caduana nagsaoda kencuana, a kinunada, Castoy ti cunaem itoy nga umili a nagsao kenca, a kinunana, Ni amam inaramidna ti sangolmi a nabantut, ngem isu ti aramidem a nalaglagan cadacami; castoy ti masaomto cadacuada, Ti kikitco napuspuscol ngem dagiti lomo ni amac.
11Ket nupay no ni amac pinarabawannacayo iti maysa a nadagsen a sangol, siac nayonacto ti sangolyo: ni amac sinaplitnacayo cadagiti pagbaot, ngem saplitencayto cadagiti manggagama.
12Iti casta ni Jeroboam ken ti amin nga ili napanda ken Roboam iti maicatlo nga aldaw, a cas imbilin ti ari, a kinunana, Umaycayo caniac manen iti maicatlo nga aldaw.
13Ket ti ari simmungbat iti umili iti nagubsang unay, ket binay-anna ti patigmaan nga inted dagiti lallacay kencuana,
14Ket sinaona cadacuada ti cas ti patigmaan dagiti agtutubo a lallaki, a kinunana, Ni amac inaramidna ti sangolyo a nadagsen, ngem siac nayonacto ti sangolyo: ni amac sinaplitnacayo cadagiti pagbaot, ngem siac saplitencayto cadagiti manggagama.
15Iti casta ti ari dina impangag ti umili; ta isu ti maysa a #bil. 24. Jos. 11:20.banag a gapu ken Jehova, tapno mapasingkedanna ti saona, #2 Ar. 11:11, 31.isu a ni Jehova sinaona iti pannacaaramat ni Ahias a Silonita ken ni Jeroboam nga anac ni Nabat.
16Ket idi makita ti amin nga Israel a ti ari dina impangag ida, ti umili simmungbat iti ari, a kinunana, #2 Sam. 20:1.Ania ti bagimi ken David? awan met ti tawidmi iti anac ni Jesse: cadagiti toltoldayo, O Israel: ita kitaem ti bucbucodmo a balay, David. Iti casta ti Israel napan cadagiti toltoldada.
17Ngem no maipanggep cadagiti annac ti Israel nga agnaed cadagiti il-ili ti Juda, ni Roboam #1 Ar. 11:13, 36.nagari cadacuada.
18Idi a casta ni ari Roboam #1 Ar. 4:6.imbaonna ni Adoram, nga adda iti ngatoen dagiti lallaki a mapolong; ket ti amin nga Israel isu inuborda a pinatay cadagiti batbato. Ket ni ari Roboam nagdardaras a limmugan iti luganna, tapno agtaray sadi Jerusalem.
19Iti casta ti Israel #2 Ar. 17:21.immalsa a maibusor iti balay ni David inggana ita nga aldaw.
20Ket naaramid, idi nga amin nga Israel nangngegda a ni Jeroboam nagsubli, nga isuda nagbaonda ket isu pinaayabanda iti gimong, ket isu ti inaramidda nga ari iti amin nga Israel: awan simmurot iti balay ni David, no saan #1 Ar. 11:13, 32, 36.laeng a ti caputotan ni Juda.
21Ket idi a ni Roboam napan sadi Jerusalem, isu tiniponna ti amin a balay ni Juda, ken ti caputotan ni Benjamin, a sangagasut walopulo a ribu a napili a lallaki, nga isuda dagiti gumugubat, tapno gubatenda ti balay ti Israel, tapno maisublida manen ti pagarian ken Roboam nga anac ni Salomon.
22Ngem ti sao ni Jehova immay ken #2 Cron. 12:5, 7, 15.Semeias a #Oc. 13:7.lalaki ti Dios, a kinunana,
23Saoem ken Roboam nga anac ni Salomon, nga ari ti Juda, ken iti amin a balay ti Juda ken Benjamin, ken ti matda iti umili, a cunam,
24Castoy ti cuna ni Jehova, Dicayto sumang-at, ken dicayo met gubaten dagiti cacabsatyo nga annac ti Israel: agsubli ti tunggal lalaki iti balayna #bil. 15.ta daytoy a banag gapu caniac. Iti casta isuda impangagda ti sao ni Jehova, ket nagsublida ket napanda iti dalanda, a mayannurot iti sao ni Jehova.
25Idin ni Jeroboam #Oc. 9:45.binangonna ti Siquem iti caturodan ti Efraim, ket nagnaed sadiay; ket isu rimmuar sadiay, ket binangonna ti #Gen. 32:31. Oc. 8:17.Penuel.
26Ket ni Jeroboam kinunana iti pusona, Ita ti pagarian agsublinto iti balay ni David:
27No daytoy nga umili #Deut. 12:5.sumang-at a mangisaclang cadagiti datdaton iti balay ni Jehova sadi Jerusalem, iti casta ti puso daytoy nga umili agsublinto manen iti apoda, ken Roboam met laeng nga ari ti Juda: ket isuda papatayendacto, ket agsublidanto ken Roboam nga ari ti Juda.
28Gapuna a ti ari nakiuman, ket #2 Ar. 10:29; 17:16. Os. 8:5, 6; 10:5; 13:2.nangaramid ti dua a sinan-urbon a balitoc; ket isu kinunana cadacuada, Napalalo unay cadacayo ti isasang-at sadi Jerusalem: #Ex. 32:4, 8.adtoy, dagiti didiosmo, O Israel, isuda a nangaon kenca iti daga ti Egipto.
29Ket isu incabilna ti maysa sadi #Jos. 16:2.Bet-el, ket ti sabali incabilna sadi #Oc. 18:29.Dan.
30Ket daytoy a banag naaramid a maysa a basol; ta ti umili napan tapno agrucbab iti sango ti maysa, agingga met laeng iti Dan.
31Ket isu namutar cadagiti #1 Ar. 13:32.balbalay cadagiti nangato a disso, ket #1 Ar. 13:33. Num. 3:10. 2 Ar. 17:32. Esd. 44:7, 8.nangaramid cadagiti papadi a nagtaud iti amin nga umili, nga isuda dagiti saan nga annac ni Levi.
32Ket ni Jeroboam nangornos iti maysa a fiesta iti maicawalo a bulan, iti maicasangapulo ket lima nga aldaw iti bulan, a cas #Lev. 23:33, 34. Num. 29:12.iti fiesta nga adda iti Juda, ket isu simmang-at agingga iti altar; casta ti inaramidna sadi Bet-el, a nagdatdaton cadagiti sinan-urbon nga isu inaramidna: ket isu insaadna sadi Bet-el dagiti papadi dagiti nangato a disso nga inaramidna.
33Ket isu simmang-at agingga iti altar nga inaramidna sadi Bet-el iti maicawalo a bulan, iti bulan nga isu pinarbona iti pusona met laeng: ket isu nangornos iti maysa a fiesta a maipaay cadagiti annac ti Israel, ket simmang-at agingga iti altar, a nagpuur iti incienso.
Currently Selected:
I AR-ARI 12: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
