I AR-ARI 11
11
Dagiti assawa ni Salomon ken ti panaglabsingna. Agpungtot ti Dios, ket bangonenna dagiti cabusor a da Adad nga Edomita, ken Razon a taga Soba, ken Jeroboam. Ti padto ni Ahias.
1 #
Neh. 13:26. Ngem ket di ni ari Salomon nagayat iti #Deut. 17:17.adu a gangannaet a babbai, agraman ti babai nga anac ni Faraon, bab-bai cadagiti Moabitas, Ammonitas, Edomitas, Sidonios, ken Heteos;
2Cadagiti nasnacion a maipanggep cadacuada ti nagcunaan ni Jehova cadagiti annac ti Israel: #Ex. 34:16.Dicayto mapan cadacuada, uray isuda didanto umay cadacayo; ta di bumurong nga isuda pagsubliendanto ta pusoyo a sumurot cadagiti didiosda: ni Salomon nadecket ti panagayatna cadagitoy.
3Ket isu addaan idi iti pito gasut nga assawa, a princesas, ken tallo gasut a camalala; ket dagiti assawana pinagsublida ti pusona.
4Ta naaramid, idi a ni Salomon lacayen, a dagiti assawana #Jos. 23:12-13.pinagsublida ti pusona a pinasurot cadagiti sabali a didios; ket ti pusona saan a nasin-aw ken Jehova a Diosna, a #1 Ar. 9:4.cas iti puso idi ni David nga amana.
5Ta ni Salomon simmurot ken #bil. 33. Oc. 2:13. 1 Sam. 7:3; 12:10; 31:10. 2 Ar. 23:13.Astarot a babai a diosen dagiti Sidonios, ken simmurot ken #bil. 7. Lev. 18:21, Moloch.Milcom ti kinarimon dagiti Ammonitas.
6Ket ni Salomon inaramidna ti dakes iti imatang ni Jehova, ket saan a simmurot a naananay ken Jehova a cas inaramid ni David nga amana.
7Iti casta ni Salomon namutar iti maysa a #Num. 33:52.nangato a disso a maipaay ken #bil. 33. Num. 21:29.Cemos ti kinarimon ti Moab, iti #2 Ar. 23:13.bantay nga adda iti sango ti Jerusalem, ken maipaay ken #2 Ar. 23:10.Moloc ti kinarimon dagiti annac ni Ammon.
8Ken casta met nga inaramidna a maipaay cadagiti amin a gangannaet nga assawana, isuda a nagpupuur iti incienso ken nagdaton cadagiti didiosda.
9Ket ni Jehova nacaunget ken Salomon, ta ti pusona naglicud ken Jehova, a Dios ti Israel, #1 Ar. 3:5; 9:2.isu a nagparang kencuana a namindua.
10Ken imbilinna #1 Ar. 6:12; 9:9.kencuana ti maipanggep itoy a banag, nga isu dinto sumurot cadagiti sabali a didios: ngem isu saanna nga inannurot ti imbilin ni Jehova.
11Gapuna a ni Jehova kinunana ken Salomon, Agsipud ta naaramid dagitoy gapu kenca, ket dica sinalimetmetan ti tulagco ken dagiti ipapaalagadco, isuda nga imbilinco kenca, di-bumurong a siac #1 Ar. 12:15-16.pisangecto ti pagarian manipud kenca, ket itedconto iti adipenmo.
12Nupay casta cadagiti al-aldawmo diacto aramiden, gapu ken David nga amam: ngem pisangecto iti ima ti anacmo.
13 #
2 Sam. 7:15. Sal. 89:33. Ngem ket di diacto pigisen ti amin a pagarian; ngem itedconto ti #bil. 32, 36. 1 Ar. 12:20.maysa a caputotan iti anacmo, gapu ken David nga adipenco, ken gapu iti Jerusalem #Deut. 12:5.isu a pinilic.
14Ket ni Jehova namangon iti maysa a cabusor ni Salomon, ni Adad nga Edomita: isu ti putot ti ari ti Edom.
15Ta naaramid, #2 Sam. 8:14. 1 Cron. 18:12, 13.idi adda ni David sadi Edom, ket ni Joab a capitan ti buyot simmang-at a mangitabon cadagiti natay, ket kinabilna amin dagiti lallaki ti Edom.
16(Ta ni Joab ken ti amin nga Israel nagyanda sadiay iti innem a bulan, agingga iti naiccatna amin dagiti lallaki sadi Edom);
17Ni Adad nagtaray, isu ken dadduma nga Edomitas cadagiti ad-adipen ni amana, a napan sadi Egipto, idinto a ni Adad ubing pay laeng.
18Ket isuda timmacderda nanipud Madian; ket napanda sadi Paran; ket isuda nangalada ti lallaki a caduada manipud Paran, ket napanda sadi Egipto, ken Faraon nga ari ti Egipto, isu a nangted kencuana iti maysa a balay, ken nangdutoc kencuana ti taraon, ken nangted kencuana iti daga.
19Ket ni Adad nacasarac iti dackel a parabur iti imatang ni Faraon, iti casta nga isu intedna kencuana nga asawa ti babai a cabagis ti asawana met laeng, ti cabagis ni Tafnes a reina.
20Ket ti cabagis ni Tafnes impasngayna kencuana ni Genubat nga anacna a lalaki, isu a ni Tafnes impusingna iti balay ni Faraon; ket ni Genubat adda idi iti balay ni Faraon a maicuyog cadagiti annac a lallaki ni Faraon.
21Ket idi ni Adad nangngegna sadi Egipto a ni David nakiturogen cadagiti ammana, ket ni Joab a capitan ti buyot natayen, ni Adad kinunana ken Faraon, Palubusannac, tapno mapanac iti dagac met laeng.
22Idi casta ni Faraon kinunana kencuana, Ngem ania ti nagcurangam caniac nga, adtoy, sica masapulmo ti mapan iti dagam met laeng? Ket isu insungbatna, Awan; ngem ket di palubusannac.
23Ket ti Dios namangon ti sabali a cabusor ni Salomon isu ni Rezon nga anac a lalaki ni Eliada, isu a nagtalaw ken apona nga #2 Sam. 10:16.Adad-ezer nga ari ti Soba.
24Ket isu nangurnong cadagiti lallaki, ket nagcapitan iti maysa a buyot, idi ni David pinatayna dagiti taga Soba: ket isuda napanda sadi Damasco, ket nagyanda sadiay, ken nagari sadi Damasco.
25Ket isu ti maysa a cabusor ti Israel cadagiti amin nga aldaw ni Salomon, sabali laeng ti kinadakes nga inaramid ni Adad: ket isu binusorna ti Israel, ket nagari sadi Siria.
26Ket ni #1 Ar. 12:2. 2 Cron. 13:6.Jeroboam nga anac a lalaki ni Nabat, a maysa nga #1 Sam. 1:1; 17:12.Efraimita a taga Sereda, a maysa nga adipen ni Salomon, a ti nagan ti inana Serva, a maysa a balo, isu met intag-ayna ti imana a maibusor iti ari.
27Ket daytoy isu ti gapu ti nangitagayanna iti imana a maibusor iti ari: Ni Salomon binangonna ti #1 Ar. 9:24.Millo, ket tinarimaanna ti dadael ti ili ni David nga amana.
28Ket ti lalaki a ni Jeroboam isu ti maysa a lalaki a mannacabalin ken maingel; ket ni Salomon nakitana ti bumaro a lalaki nga isu ti nagaget, ket isu iniccanna iti akem iti amin a trabajo ti balay ni Jose.
29Ket naaramid idi a tiempo, a ni Jeroboam rimmuar sadi Jerusalem, nga isu nasaracan ni mammadto nga #1 Ar. 12:15; 14:2; 15:29. 2 Cron. 9:29.Ahias a Silonita iti dalan; ket ni Ahias insibbona ti maysa a baro a cawes; ket isuda a dua agwaywayasda iti away.
30Ket ni Ahias kinapetna ti baro a cawes nga adda kencuana, ket isu ti pinigisna iti sangapulo ket dua a carigis.
31Ket isu kinunana ken Jeroboam, Alaem ti sangapulo a carigis; #bil. 11, 13.ta castoy ti kinuna ni Jehova, a Dios ti Israel, Adtoy, siac pigisecto ti pagarian iti ima ni Salomon, ket itedconto ti sangapulo a caputotan kenca.
32(Ngem addanto kencuana ti maysa a caputotan, a gapu ken adipenco a David ken gapu iti Jerusalem, ti ili a pinilic cadagiti amin a caputotan ti Israel);
33Agsipud ta isuda binaybay-andac, ket nagrucbabda ken ni #bil. 5.Astarot a babai a diosen dagiti Sidonios, ken ni #bil. 7.Cemos a diosen ti Moab, ken ni Milcom a diosen dagiti annac ni Ammon: ket isuda saanda a nagna cadagiti daldalanco, tapno aramidenda ti nalinteg cadagiti matmatac, ken tapno salimetmetanda dagiti ipapaalagadco ken dagiti linlintegco, a cas inaramid ni David nga amana.
34Nupay casta diacto alaen ti amin a pagarian iti imana; ngem isu aramidecto a principe cadagiti amin nga aldaw ti panagbiagna, gapu ken adipenco a David isu a pinilic, a nangsalimetmet cadagiti bilbilinco ken cadagiti ipapaalagadco;
35Ngem #1 Ar. 12:15, 17.alaecto ti pagarian iti ima ti anacna, ket itedconto kenca, isu dagiti sangapulo a caputotan.
36Ket iti anacna itedconto ti maysa a caputotan, tapno ni David nga #2 Sam. 21:17.adipenco adda maysa a pagsilawanna nga agnanayon iti sangoc sadi Jerusalem, ti #bil. 32. Deut. 12:5. 1 Ar. 14:21.ili a pinilic tapno icabilco ti naganco sadiay.
37Ket sica ti alaecto, ket agaricanto a cas iti amin a tarigagayan ti cararuam, ket agaricanto iti Israel.
38Ket castoyto, no ipangagmonto ti amin nga ibilinco kenca, ket magnacanto cadagiti daldalanco, ket aramidem ti nalinteg cadagiti matac, a salimetmetam dagiti ipapaalagadco ken dagiti bilbilinco, a cas inaramid ni David nga adipenco; a siac addaacto kenca, ket #1 Sam. 2:35.ibangonancanto iti maysa a namayengmeng a balay a cas panamangonco ti maipaay ken David, ket itedconto ti Israel kenca.
39Ket siac gapu itoy parigatecto ti putot ni David, ngem saan nga agnanayon.
40Ni Salomon inagawaanna ngarud a papatayen ni Jeroboam; ngem ni Jeroboam timmacder, ket nagtaray sadi Egipto, ken #1 Ar. 14:25. 2 Cron. 12:2, 5, 7, 9.ni Sisac nga ari ti Egipto, ket adda sadi Egipto inggana iti ipapatay ni Salomon.
41 #
2 Cron. 9:29, 31. Ket ti nabati cadagiti ar-aramid ni Salomon, ken amin ti inaramidna, ken ti kinasiribna, saanda aya a naisurat iti #2 Cron. 9:29.libro dagiti ar-aramid ni Salomon?
42Ket ti bayat ti panagari ni Salomon iti amin nga Israel uppat a pulo a tawen.
43Ket ni Salomon nakiturog cadagiti ammana, ket isu naitabon iti ili ni David nga amana: ket ni #Mat. 1:7.Roboam nga anacna nagari iti saadna.
Currently Selected:
I AR-ARI 11: TB1973
Highlight
Share
Copy
Want to have your highlights saved across all your devices? Sign up or sign in
Ti Biblia © 1973 Philippine Bible Society
