NEHEMIAS 3
3
Ang mga Bahin Gintangdo nga Kaayohon
1Niyan nagtindug si Eliasib nga pinakamataas nga sacerdote upud sang iya mga utud nga mga sacerdote kag ginpatindug nila ang Gawang sang mga Carnero. Ginpakabalaan nila ini kag gintakud ang iya mga takup; ginpakabalaan nila ini tubtub sa Torre sang Hamea, tubtub sa Torre sang Hananel. 2Kag madason sa iya nagpatindug ang mga tawo sang Jerico. Kag madason sa ila nagpatindug si Zacur nga lalaking anak ni Imri.
3Kag ang Gawang sang Isda ginpatindug sang mga lalaking anak ni Hasenaa; ginbutang nila ang iya mga bakalan kag gintakud ang iya mga takup, ang iya mga cerradura, kag ang iya mga pintal. 4Kag madason sa ila nagkaayo si Meremot nga lalaking anak ni Urias, ang anak ni Haccoz. Kag madason sa ila nagkaayo si Mesullam nga lalaking anak ni Berequias, ang lalaking anak ni Mesezabel. Kag madason sa ila nagkaayo si Sadoc nga lalaking anak ni Baana. 5Kag madason sa ila nagkaayo ang mga Tekoanhon; apang ang ila mga dungganon wala magpasakup sa buluhaton sang ila Ginoo.#3:5 Ukon mga ginoo.
6Kag ang Gawang nga Daan ginkaayo ni Joiada nga lalaking anak ni Pasea kag ni Mesullam nga lalaking anak ni Besodias; ginbutang nila ang iya mga bakalan kag gintakud ang iya mga takup, ang iya mga cerradura, kag ang iya mga pintal. 7Kag madason sa ila nagkaayo si Melatias nga Gabaonhon kag si Jadon nga Meronotnon, ang mga tawo sang Gabaon kag sang Mizpa, nga naigo sa trono sang pangolo-puud sa Tabok sang Suba. 8Madason sa iya nagkaayo si Uziel nga lalaking anak ni Harhaya, nga manugsalsal sang bulawan. Kag madason sa iya nagkaayo si Hananias, nga isa sang mga manugpahumut; kag ginpamakuran nila ang Jerusalem tubtub sa Kuta nga Masangkad. 9Madason sa ila nagkaayo si Refaias nga lalaking anak ni Hur, ang manuggahum sang katunga sang ginsakpan sang Jerusalem. 10Madason sa ila nagkaayo si Jedaya nga lalaking anak ni Harumaf sa atubang sa iya balay; kag madason sa iya nagkaayo si Hatus nga lalaking anak ni Hasabnias. 11Si Malquias nga lalaking anak ni Harim kag si Hasub nga lalaking anak ni Pahat-moab nagkaayo sang isa pa ka bahin kag sang Torre sang mga Horno. 12Madason sa iya nagkaayo si Sallum nga lalaking anak ni Hallohes, ang manuggahum sang katunga sang ginsakpan sang Jerusalem, sia kag ang iya mga anak nga babayi.
13Ang Gawang sang Nalupyakan ginkaayo ni Hanun kag sang mga pumuluyo sang Zanoa; ginpatindug nila ini kag gintakud ang iya mga takup, ang iya mga cerradura, kag ang iya mga pintal, kag isa ka libo ka maniko sang kuta, tubtub sa Gawang sang Ipot.
14Ang Gawang sang Ipot ginkaayo ni Malquias nga lalaking anak ni Recab, ang manuggahum sang ginsakpan sang Bet-hacquerim; ginpatindug niya ini kag gintakud ang iya mga takup, ang iya mga cerradura, kag ang iya mga pintal.
15Kag ang Gawang sang Tuburan ginkaayo ni Sallum nga lalaking anak ni Col-hoza, ang manuggahum sang ginsakpan sang Mizpa; ginpatindug niya ini kag gin-atupan ini kag gintakud ang iya mga takup, ang iya mga cerradura, kag ang iya mga pintal; kag ginpatindug niya ang kuta sang Ponong sang Siloe sa luyo sang katamnan sang hari, tubtub sa hagdanan nga nagadulhog gikan sa Banwa ni David. 16Madason sa iya nagkaayo si Nehemias nga lalaking anak ni Azbuk, ang manuggahum sang katunga sang ginsakpan sang Bet-zur, tubtub sa duug sa atubang sang mga lulubngan ni David, tubtub sa ponong nga nahimo, kag tubtub sa balay sang gamhanan nga mga tawo. 17Madason sa iya nagkaayo ang mga Levinhon: si Rehum nga lalaking anak ni Bani; madason sa iya nagkaayo si Hasabias, ang manuggahum sang katunga sang ginsakpan sang Ceila, nga sa iya ginsakpan. 18Madason sa iya nagkaayo ang ila mga utud: si Bavai nga lalaking anak ni Henadad, ang manuggahum sang katunga sang ginsakpan sang Ceila; 19madason sa iya nagkaayo si Ezer nga lalaking anak ni Jesua, ang manuggahum sang Mizpa, isa pa ka bahin sa atubang sang taklaran pakadto sa bulutangan sang mga hinganiban sa Nalikoan sang kuta. 20Madason sa iya si Baruc nga lalaking anak ni Zabai nagkaayo sing makugihon sang isa pa ka bahin kutub sa Nalikoan sang kuta tubtub sa ganhaan sang balay ni Eliasib nga pinakamataas nga sacerdote. 21Madason sa iya si Meremot nga lalaking anak ni Urias, lalaking anak ni Haacoz nagkaayo sang isa pa ka bahin kutub sa gawang sang balay ni Eliasib tubtub sa ukbung sang balay ni Eliasib. 22Madason sa iya nagkaayo ang mga sacerdote, ang mga tawo sang Kapatagan. 23Madason sa ila nagkaayo si Benjamin kag si Hasub sa atubang sang ila balay. Madason sa ila nagkaayo si Azarias nga lalaking anak ni Maasias, lalaking anak ni Ananias sa luyo sang iya kaugalingon nga balay. 24Madason sa iya si Binui nga lalaking anak ni Henadad nagkaayo sing isa pa ka bahin, kutub sa balay ni Azarias tubtub sa Nalikoan sang kuta kag tubtub sa pamusud. 25Si Palal nga lalaking anak ni Uzai nagkaayo sang atubangan sang Nalikoan sang kuta kag sang torre nga nagalabaw sa ibabaw sang balay sang hari nga yara sa luyo sang luwang sang manugbantay. Madason sa iya si Pedaya nga lalaking anak ni Paros nagkaayo 26kag ang mga Netinim nga nagapuyo sa Ofel nagkaayo tubtub sa duug sa atubang sang Gawang sang Tubig nayon sa sidlangan kag sang torre nga nagalabaw. 27Madason sa iya ang mga Tekoanhon nagkaayo sang isa pa ka bahin sa atubangan sang daku nga torre nga nagalabaw tubtub sa kuta sang Ofel.
28Sa ibabaw sang Gawang sang Kabayo nagkaayo ang mga sacerdote, ang tagsatagsa sa atubang sang iya kaugalingon nga balay. 29Madason sa ila nagkaayo si Sadoc nga lalaking anak ni Imer sa atubang sang iya kaugalingon nga balay. Madason sa iya nagkaayo si Semaya nga lalaking anak ni Secanias, ang manugbantay sang Gawang sa Sidlangan. 30Madason sa iya nagkaayo sang isa pa ka bahin si Hananias nga lalaking anak ni Selemias kag si Hanun nga ikan-um nga lalaking anak ni Salaf. Madason sa iya nagkaayo si Mesullam nga lalaking anak ni Berequias sa atubang sang iya hulut. 31Madason sa iya nagkaayo si Malquias, isa sang mga panday sa bulawan, tubtub sa balay sang mga Netinim kag sang mga manugbaligya, sa atubang sang Gawang sang Hamifkad, kag tubtub sa taklaran sang pamusud. 32Kag sa ulut sang taklaran sang pamusud kag sang Gawang sang mga Carnero nagkaayo ang mga panday sa bulawan kag ang mga manugbaligya.
Currently Selected:
NEHEMIAS 3: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
