JOSUE 15
15
Ang Ginsakpan nga Ginbahin kay Juda
1Ang kapalaran sa kabikahan sang mga anak ni Juda sono sa ila mga panimalay tubtub sa dulunan sang Edom, tubtub sa kamingawan sang Zin nayon sa bagatnan sa ukbung gid sang bagatnan. 2Kag ang ila dulunan nayon sa bagatnan kutub sa ukbung gid sang Dagat nga Maasin, kutub sa look nga nagaatubang nayon sa bagatnan; 3nagagowa ini nayon sa bagatnan sang taklaran sang Acrabim, nagaubay sa Zin, kag nagataklad sa luyo sang bagatnan sang Cades-barnea, nagaubay sa Hesron, nagataklad sa Adar, nagaliko pa Carca; 4nagaubay pakadto sa Azmon, nagagowa sa sapa sang Egipto, kag ang mga golowaan sang dulunan yara sa dagat. Ini mangin-inyo dulunan sa bagatnan. 5Kag ang dulunan sa sidlangan amo ang Dagat nga Maasin, tubtub sa gibwangan sang Jordan. Kag ang dulunan nayon sa aminhan kutub sa look sang dagat sa gibwangan sang Jordan; 6kag ang dulunan nagataklad sa Bet-hogla, kag nagaubay sa aminhan sang Bet-araba; kag ang dulunan nagataklad pakadto sa bato ni Bohan nga anak ni Ruben; 7kag ang dulunan nagataklad sa Debir kutub sa nalupyakan sang Acor, kag nagapadayon nayon sa Aminhan, nga nagapadolong sa Gilgal, nga yara sa atubangan sang taklaran sang Adumin, nga yara sa bagatnan nga tabok sang suba; kag nag-ubay ang mga dulunan sa mga tubig sang En-semes, kag ang iya mga golowaan sa Enrogel; 8niyan ang dulunan nagataklad sa luyo sang nalupyakan sang anak ni Hinom tubtub sa kilid sang mga Jebusnon nayon sa bagatnan (nga amo, ang Jerusalem); kag ang dulunan nagataklad sa putokputokan sang bukid nga yara sa atubang sang nalupyakan sang Hinom, nayon sa katundan, nga yara sa ukbung gid nga bahin sang nalupyakan sang Refaim nayon sa aminhan; 9niyan ang dulunan nagalambut kutub sa putokputokan sang bukid tubtub sa tuburan sang mga Tubig sang Neftoa, kag nagagowa pakadto sa kabanwaanan sang Bukid nga Efron; kag ang dulunan tubtub sa Baala (nga amo, ang Kiryat-jearim); 10kag kutub sa Baala ang dulunan nagaliko nayon sa katundan pakadto sa Bukid nga Seir, nagaubay sa kilid sang Bukid nga Jearim sa aminhan (nga amo, ang Kesalon), kag nagadulhog pa Bet-semes, kag nagaubay sa Timna; 11nagagowa ang dulunan sa kilid sang Ecron nayon sa aminhan, niyan ang dulunan nagalambut sa Siceron, kag nagaubay sa Bukid nga Baala, kag nagagowa sa Jabneel; niyan ang dulunan nagadolog sa dagat. 12Kag ang dulunan sa katundan amo ang Dagat nga Daku pati ang iya dulunan. Ini amo ang dulunan sang mga anak sang Juda sa palibut sono sa ila mga panimalay.
Si Caleb Nagadaug sang Hebron kag Debir
(Huk. 1:10-15)
13Sono sa sogo sang Ginoo kay Josue, ginhatagan niya si Caleb nga anak ni Jefone sing bahin sa tunga sang mga anak sang Juda, ang Kiryat-arba, amay ni Anak (nga amo, ang Hebron). 14Kag gikan didto ginsobol ni Caleb ang tatlo ka bata ni Anak: si Sesai kag si Ahiman kag si Talmai, ang mga anak ni Anak.#Huk. 1:20. 15Kag nagtaklad sia gikan didto batok sa mga pumuluyo sang Debir; karon ang ngalan sang Debir sadto anay amo ang Kiryat-sefer. 16Kag nagsiling si Caleb, “Ang nagasolong sang Kiryat-sefer, kag nagaagaw sini ipaasawa ko sa iya ang akon anak nga si Acsa.” 17Kag si Otniel nga anak ni Cenaz, utud ni Caleb, nag-agaw sini; kag ginpaasawa niya sa iya ang iya anak nga si Acsa. 18Sang nag-abut sia sa iya, ginbuyuk niya si Otniel nga mangayo sa iya amay sing isa ka latagon; kag nagpanaug sia gikan sa iya asno, kag si Caleb nagsiling sa iya, “Ano bala ang buut mo?” 19Kag sia nagsiling sa iya, “Hatagi ako sing pagpakamaayo; kay ginbutang mo ako sa duta sang Bagatnan, hatagi man ako sing mga tuburan sang tubig.” Kag ginhatag ni Caleb sa iya ang mga tuburan nga naibabaw kag ang mga tuburan nga naubus.
Ang mga Banwa sang Juda
20Ini amo ang panublion sang kabikahan sang mga anak sang Juda sono sa ila mga panimalay. 21Ang mga kabanwaanan nga naukbung gid sang kabikahan sang mga anak sang Juda nayon sa dulunan sang Edom sa Bagatnan amo ang Kabzeel, ang Eder, ang Jagur, 22ang Cina, ang Dimona, ang Adada, 23ang Cades, ang Hazor, ang Itnan, 24ang Zif, ang Telem, ang Be-alot, 25ang Hazor-hadata, ang Keryot-hezron (nga amo, ang Hazor), 26ang Amam, ang Sema, ang Molada, 27ang Hazar-gada, ang Hesmon, ang Bet-pelet, 28ang Hazar-sual, ang Beer-seba, ang Besiota, 29ang Baala, ang Iyim, ang Ezem, 30ang Eltolad, ang Kesil, ang Horma, 31ang Siclag, ang Madmana, ang Sansana, 32ang Lebaot, ang Silhim, ang Ain, kag ang Rimon: ang tanan nga kabanwaanan, duha ka pulo kag siam, pati ang ila mga minoro.
33Kag sa kapatagan, ang Estaol, ang Zora, ang Asna, 34ang Zanoa, ang Enganim, ang Tapu-a, ang Enam, 35ang Jarmut, ang Adulam, ang Soco, ang Azeca, 36ang Zaaraim, ang Aditaim, ang Gedera, ang Gederotaim: napulog apat ka kabanwaanan pati ang ila mga minoro.
37Ang Zenan, ang Hadasa, ang Migdal-gad, 38ang Dilan, ang Mizpa, ang Jocte-el, 39ang Laquis, ang Boskat, ang Eglon, 40ang Cabon, ang Lamam, ang Kitlis, 41ang Gederot, ang Betdagon, ang Naama, kag ang Maceda: napulog anum ka kabanwaanan pati ang ila mga minoro.
42Ang Libna, ang Eter, ang Asan, 43ang Ifta, ang Asna, ang Nezib, 44ang Ceila, ang Aczib, kag ang Maresa: siam ka kabanwaanan pati ang ila mga minoro.
45Ang Ecron, pati ang iya kabanwaanan kag ang iya mga minoro; 46kutub sa Ecron tubtub sa dagat, ang tanan nga yara sa tampi sang Asdod, pati ang ila mga minoro.
47Ang Asdod, pati ang iya kabanwaanan kag ang iya mga minoro; ang Gaza, pati ang iya kabanwaanan kag ang iya mga minoro; tubtub sa sapa sang Egipto, kag ang daku nga dagat pati ang iya dulunan.
48Kag sa kabakoloran, ang Samir, ang Jatir, ang Soco, 49ang Dana, ang Kiryat-sana (nga amo, ang Debir), 50ang Anab, ang Estemo, ang Anim, 51ang Gozen, ang Holon, kag ang Gilo: napulog isa ka kabanwaanan pati ang ila mga minoro.
52Ang Arab, ang Duma, ang Esan, 53ang Janim, ang Bet-tapua, ang Afeca, 54ang Humta, kag ang Kiryat-arba (nga amo, ang Hebron), kag ang Zior: siam ka kabanwaanan pati ang ila mga minoro.
55Ang Maon, ang Carmelo, ang Zif, ang Juta, 56ang Jezreel, ang Jocdeam, ang Zanoa, 57ang Cain, ang Gabaa, kag ang Timna: napulo ka kabanwaanan pati ang ila mga minoro.
58Ang Halhul, ang Bet-zur, ang Gedor, 59ang Maarat, ang Bet-anot, kag ang Eltecon: anum ka kabanwaanan pati ang ila mga minoro. 60Ang Kiryat-baal (nga amo, ang Kiryat-jearim), kag ang Raba: duha ka banwa pati ang ila mga minoro.
61Sa kamingawan, ang Bet-araba, ang Midin, ang Secaca, 62ang Nibsan, ang Banwa sang Asin, kag ang En-gedi: anum ka kabanwaanan pati ang ila mga minoro.
63Apang nahanungud sa mga Jebusnon, ang mga pumuluyo sang Jerusalem, ang mga anak ni Juda indi makasobol sa ila; kondi ang mga Jebusnon nagpuyo sa Jerusalem upud sa mga anak ni Juda tubtub sining adlaw.#Huk. 1:21; 2 Sam. 5:6; 1 Cron. 11:4.
Currently Selected:
JOSUE 15: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
