JOSUE 16
16
Ang Ginsakpan nga Ginbahin kay Efraim kag kay Manases
1Ang kapalaran naggowa nga sa mga anak ni Jose kutub sa Jordan sa Jerico, sa mga tubig sang Jerico sa sidlangan, pa kamingawan, nga nagataklad kutub sa Jerico paagi sa kabakoloran nga pa Bet-el; 2niyan nagagowa sa Bet-el pakadto sa Luz, nagaubay sa dulunan sang mga Arquinhon pakadto sa Atarot; 3kag nagadulhog nayon sa katundan pakadto sa dulunan sang mga Jafletnon, tubtub sa dulunan sang Bet-horon nga naubus, tubtub gid sa Gezer, kag ang mga golowaan nila sa dagat.
4Ang mga katawohan ni Jose, si Manases kag si Efraim, nagkuha sang ila panublion.
5Ang dulunan sang mga katawohan ni Efraim sono sa ila mga panimalay amo ini: ang dulunan sang ila panublion nayon sa sidlangan amo ang Atarot-adar tubtub sa Bet-horon nga naibabaw, 6kag ang dulunan nagapadayon nayon sa katundan sa Micmetat sa aminhan; niyan ang dulunan nagaliko nayon sa sidlangan tubtub sa Taanat-silo, kag nagaubay ini sa sidlangan sang Janoa, 7niyan gikan sa Janoa nagadulhog ini pa Atarot kag pa Naarat, kag nagalambut sa Jerico, nga nagalapus sa Jordan. 8Gikan sa Tapu-a ang dulunan nagapadayon nayon sa katundan pakadto sa sapa sang Cana, kag ang mga golowaan sini sa dagat. Ini amo ang panublion sang kabikahan sang mga katawohan ni Efraim sono sa ila mga panimalay, 9upud sang kabanwaanan nga ginpain sa mga katawohan ni Efraim sa tunga sang panublion sang mga katawohan ni Manases, ang tanan nga kabanwaanan pati ang ila mga minoro. 10Walay sapayan wala nila pagsobola ang mga Canaanhon nga nagapuyo sa Gezer:#Huk. 1:29. kondi ang mga Canaanhon nga nagpuyo sa tunga sang Efraim tubtub sining adlaw apang nangin-alagad sa pagpangabudlay sa takay.
Currently Selected:
JOSUE 16: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
