JEREMIAS 47
47
Ang Tagna nahanungud sa mga Filistinhon
1Ang polong sang Ginoo nga nag-abut kay Jeremias nga manalagna nahanungud sa mga Filistinhon,#Isa. 14:29-31; Ezeq. 25:15-17; Joel 3:4-8; Amos 1:6-8; Sof. 2:4-7; Zac. 9:5-7. sa wala pa masamad ni Faraon ang Gaza.
2“Amo ini ang ginasiling sang Ginoo:
Yari karon, nagataas ang mga tubig gikan sa aminhan,
kag manginsulog nga nagapanglambas;
magalapaw sila sang duta kag sang tanan nga yara sa iya,
sang banwa kag sang mga nagapuyo sa iya.
Ang mga tawo magasinggit,
kag ang tanan nga pumuluyo sang duta magahaya.
3Sa kagahud sang mga koko sang iya mga makusug,
sa dinalagan sang iya mga kangga, sa dinagubdub sang iya mga aliling,
ang mga ginikanan wala magbalikid sa ila mga anak,
tungud sa kaluya sang mga kamut,
4bangud sang adlaw nga nagaabut sa paglaglag
sang tanan nga Filistinhon,
sa pag-utud gikan sa Tiro kag sa Sidon
sang tagsa ka kabulig nga nabilin.
Kay laglagon sang Ginoo ang mga Filistinhon,
ang nabilin gikan sa pulo sang Caftor.
5Ang kaupaw nagaabut sa Gaza,
ang Ascalon ginlaglag.
Ang nabilin sang ila nalupyakan,
tubtub bala san-o nga pagpilas mo sang imo kaugalingon?
6O ikaw nga espada sang Ginoo!
Tubtub bala san-o nga maglinong ka?
Sulud ka sa imo tagub,
pahuway kag magpahimonong!
7Paano bala nga paglinong mo,
sa ginatan-aw nga gintulinan ka sang Ginoo?
Batok sa Ascalon kag batok sa baybayon
gintangdo niya ini didto.”
Currently Selected:
JEREMIAS 47: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
