EZEQUIEL 35
35
Ang Tagna batok sa Bukid nga Seir
1Ang polong sang Ginoo nag-abut sa akon: 2“Anak sang tawo, iatubang ang imo nawung batok sa Bukid nga Seir,#Isa. 34:1-17; 63:1-6; Jer. 49:7-22; Ezeq. 25:12-14; Amos 1:11-12; Ab. 1-14; Mal. 1:2-5. kag tagna batok sa iya, 3kag isiling sa iya, Amo ini ang ginasiling sang Ginoong Dios: Yari karon, batok ako sa imo, O Bukid nga Seir, kag untayon ko ang akon kamut batok sa imo, kag himoon ko ikaw nga mamingaw kag kabulungan. 4Wagwagon ko ang imo kabanwaanan, kag manginmamingaw ka; kag makilala mo nga Ako amo ang Ginoo. 5Bangud nga ikaw may dayon nga kaawayon, kag nagtugyan sang katawohan sang Israel sa gahum sang espada sa tion sang ila kalalat-an, sa tion sang ila katapusan nga silot; 6busa, sa nagakabuhi ako, nagasiling ang Ginoong Dios, iaman ko ikaw sa dugo, kag ang dugo magalagas sa imo; sanglit nga wala mo pagdumti ang dugo, busa ang dugo magalagas sa imo. 7Sa sini himoon ko ang Bukid nga Seir nga kabulungan kag mamingaw; kag utdon ko sa iya ang nagalatas kag ang nagabalik. 8Kag hil-ubon ko ang iya mga bukid sang iya mga pinatay; sa imo mga bakolod kag sa imo mga nalupyakan kag sa tanan mo nga iligan sang tubig mapukan sila nga mga pinatay sang espada. 9Himoon ko ikaw nga mamingaw nga dayon, kag ang imo kabanwaanan indi pagpuy-an. Niyan makilala ninyo nga Ako amo ang Ginoo.
10“Bangud nga nagsiling ka, ‘Ini nga duha ka pungsud kag ini nga duha ka duta mangin-akon, kag panag-iyahan namon ini,’—sing ugai yadto didto ang Ginoon— 11busa, sa nagakabuhi ako, nagasiling ang Ginoong Dios, himoon ko sono sa imo kaakig kag sono sa imo kahisa nga ginpakita mo gikan sa imo pagdumut sa ila; kag magapakilala ako sa ila, kon mahukman ko ikaw. 12Kag makilala mo nga ako, ang Ginoo, nakabati sang tanan mo nga mga buyayaw nga ginpamolong mo batok sa mga bukid sang Israel, nga nagasiling, ‘Ginpamingaw sila, ginhatag sila sa amon nga halunhonon.’ 13Kag nagpakadaku kamo sang inyo kaugalingon batok sa akon sa inyo baba, kag nagpadamu sang inyo mga polong batok sa akon: ako nakabati sini. 14Amo ini ang ginasiling sang Ginoong Dios: Kon magkalipay ang bug-os nga duta pamingawon ko ikaw. 15Subong nga ikaw nagkalipay sa panublion sang panimalay sang Israel, bangud nga mamingaw ini, amo ini ang himoon ko sa imo; manginmamingaw ka, O Bukid nga Seir, kag ang bug-os nga Edom, ang kabug-osan sini. Niyan makilala nila nga Ako amo ang Ginoo.
Currently Selected:
EZEQUIEL 35: ABHIL82
Highlight
Share
Copy
Want to have your highlights saved across all your devices? Sign up or sign in
Ang Biblia ©1982 Philippine Bible Society
