MGA BINUHATAN 23

1Kag si Pablo, sang nagatolok sing tuhuy sa corte, nagsiling, “Mga kauturan, nagpangabuhi ako sa bug-os nga maayong kaisipan sa atubangan sang Dios tubtub karon nga adlaw.” 2Kag ang pinakamataas nga sacerdote nga si Ananias nagsogo sa mga nagtindug sa luyo niya sa pagdapal sa iya sa baba. 3Niyan si Pablo nagsiling sa iya, “Pagdapalon ka sang Dios, dingding nga ginpaputi!#Mat. 23:27-28; Luc. 11:44. Nagalingkod ka bala sa paghukom sa akon sono sa kasogoan, apang nagasogo ka batok sa kasogoan nga pagdapalon ako?” 4Ang mga nagtambong nagsiling, “Ginapasipalahan mo bala ang pinakamataas nga sacerdote sang Dios?” 5Kag si Pablo nagsiling, “Wala ako makahibalo, mga kauturan, nga sia amo ang pinakamataas nga sacerdote; kay nasulat na, ‘Dili ka magpamolong sing malain nahanungud sa manugdumala sang imo katawohan.’#Ex. 22:28.”

6Apang sang nahantupan ni Pablo nga ang isa ka bahin mga Saduceo kag ang isa mga Fariseo, nagsinggit sia sa corte, “Mga kauturan, Fariseo ako,#Binu. 26:5; Filip. 3:5. anak sang mga Fariseo; nahanungud sa paglaum kag sa pagkabanhaw ginahukman ako.” 7Kag sang nakasiling sia sini, nag-abut ang isa ka binanggianay sa tunga sang mga Fariseo kag mga Saduceo; kag ang katilingban nagpihak. 8Kay ang mga Saduceo nagasiling nga walay pagkabanhaw,#Mat. 22:23; Mar. 12:18; Luc. 20:27. ukon manugtunda, ukon espiritu; apang ang mga Fariseo nagakilala sini sa ila tanan. 9Niyan nag-abut ang daku nga sininggit; kag ang iban sang mga escriba sa bahin sang mga Fariseo nagtindug kag nagpakigpuyas, “Wala kami sing nakita nga malain sa sini nga tawo. Ano bala kon ang isa ka espiritu ukon ang isa ka manugtunda nakapamolong sa iya?” 10Kag sang nag-abut ang daku nga binanggianay, ang tribuno, nga nahadluk basi kon si Pablo paghugniton nila, nagsogo sa mga soldado sa pagpanaug kag pag-agaw sa iya sa tunga nila kag pagdala sa iya sa pamakud.

11Sa gab-i nga madason ang Ginoo nagtupad sa iya kag nagsiling, “Magpakaisug ka, kay subong nga nagpanaksi ka nahanungud sa akon sa Jerusalem, subong man dapat ka magsaksi sa Roma.”

Ang Himbon sa Pagpatay kay Pablo

12Sang pagkaaga, naghimbon ang mga Judio kag naghiusa sila nga may panumpa nga indi sila magkaon ukon mag-inum tubtub nga mapatay nila si Pablo. 13Kapin sila sa kap-atan nga naghimbon sini. 14Kag nagkadto sila sa puno nga mga sacerdote kag sa mga tigulang, kag nagsiling, “Naghiusa kami nga may daku nga panumpa nga indi magtilaw sing bisan anong pagkaon tubtub nga mapatay namon si Pablo. 15Busa karon kamo, kaupud ang corte, magpahibalo sa tribuno agud nga dalhon niya sia sa inyo, subong nga daw buut kamo mag-usisa sing sibo pa gid sang iya kahimtangan. Kag kami sa wala pa sia makapalapit handa na sa pagpatay sa iya.”

16Karon ang anak nga lalaki sang babayi nga utud ni Pablo nakabati sang ila pagpuut; gani nagkadto sia kag nagsulud sa pamakud kag nagsugid kay Pablo. 17Kag gintawag ni Pablo ang isa sang mga capitan kag nagsiling sia, “Dalha ining pamatan-on sa tribuno; kay may isugid sia sa iya.” 18Gani gin-upud niya sia kag gindala sa tribuno kag nagsiling, “Si Pablo nga binilanggo nagtawag sa akon kag nagpangayo nga dalhon ko ining pamatan-on sa imo, kay may isiling sia sa imo.” 19Ginkaptan sia sang tribuno sa kamut, kag sang nakapahain nagpamangkot sa iya sing tago, “Ano bala ang inugsugid mo sa akon?” 20Kag nagsiling sia, “Ang mga Judio naghisugut sa pagpangayo sa imo nga dalhon si Pablo buwas sa corte, subong nga daw buut sila magpamangkot sing sibo pa gid nahanungud sa iya. 21Apang dili ka magpasugut sa ila; kay kapin sa kap-atan ka tawo sa ila ang nagapuut sa iya, nga naghiusa sila nga may panumpa nga indi magkaon ukon mag-inum tubtub nga mapatay nila sia; kag karon handa na sila, nga nagahulat sang panug-an halin sa imo.” 22Gani ginpalakat sang tribuno ang pamatan-on, nga nagatugon sa iya, “Dili ka magsugid sa bisan kay sin-o nga tawo nga ginpahayag mo sa akon ini.”

Si Pablo Ginapadala kay Felix nga Pangolo-puud

23Niyan gintawag niya ang duha sang mga capitan kag nagsiling, “Ihanda ninyo sa ikatlo nga takna sang gab-i ang duha ka gatus ka mga soldado kag kapitoan ka manugkabayo kag duha ka gatus ka manugbangkaw sa pagpakadto tubtub sa Cesarea. 24Mag-aman man kamo sing mga hayup nga sakyan ni Pablo, kag dalhon sia nga walay katalagman kay Felix nga pangolo-puud.” 25Kag nagsulat sia sing sulat sa sini nga bagay:

26“Si Claudio Lisias sa Labing Halangdon nga pangolo-puud nga si Felix, pag-abiabi. 27Ining tawo gindakup sang mga Judio, kag diotay na lang patyon nila, sang naabutan ko sila upud ang mga soldado kag gintabangan ko sia, sang nasayoran ko nga Romanhon sia. 28Kag sang buut ko mahibal-an ang kabangdanan nga ginsumbung nila sia, gindala ko sia sa ila corte. 29Nakita ko nga ginsumbung sia nahanungud sa mga kasuayon sang ila kasogoan, apang walay bisan ano nga nasumbung sa iya nga takus sa kamatayon ukon nga pagbilanggoon. 30Kag sang napahayag sa akon nga may himbon batok sa tawo, sa gilayon ginpadala ko sia sa imo, nga nagatugon sa iya mga manunumbung man sa pagpamolong sa imo atubangan batok sa iya.”

31Gani ang mga soldado, sono sa ginsogo sa ila, nagkuha kay Pablo kag nagdala sa iya sa kagab-ihon sa Antipatris. 32Kag sa adlaw nga madason ginbayaan nila ang mga manugkabayo sa pag-upud sa iya, kag nagbalik sila sa pamakud. 33Sang nakaabut sila sa Cesarea kag nakahatag sang sulat sa pangolo-puud, ginpaatubang nila si Pablo man sa iya. 34Sang nabasa niya ang sulat nagpamangkot sia kon tagadiin nga puud sia. Sang nahangpan niya nga taga-Cilicia sia 35nagsiling sia, “Pamatian ko ikaw kon mag-abut ang imo mga manunumbung.” Kag nagsogo sia nga bantayan si Pablo sa palacio ni Herodes.

Currently Selected:

MGA BINUHATAN 23: ABHIL82

Highlight

Copy