Mk 16

Dhwödhø kì Yij Thøø

(Mt 28.1-8; Lk 24.1-12; Jn 20.1-10)

1Keny-ɑ ɑ́pöödh cyɑ̈ɑ̈ng Sɑbɑth, kɑ Meerì Mɑgdɑliyɑ̀, kí Meerì meyi Yɑgob, kí Sɑlömɑ̀ ge ongëwø ki ryɑ̈, me kïdhi gen be gïnyi dëël Yëso. 2Kì mwøl ceth kì cyɑ̈ɑ̈ng Jwøk, ri tuuli cɑ̈ng, ɑ ɑ́kedhi gen kun-ɑ di bur. 3Kɑ ge okööbø kinni, “Á men ɑ ókøny wɑ ki ngyeli kït kì dhø bur?” (Ábëëd ɑ́ tungi kït me dwøng cɑrø.) 4Keny-ɑ ɑ́tïng gen wɑ̈thi gen, ɑlidhii yi gen kinni, kïnɑni óngyeel cyɑ̈n. 5Keny-ɑ ɑ́kedhi gen yij burɑni, ɑlïdhi gen ki nyelɑwøb me bëëdø kì wïj tuung kyëj, e orugø ki ógødh me tɑr. Kɑ ge obwøgø.

6Kɑ gï köbbe kinni, “Wu ko böggi. Ngɑ̈nyi yi yɑn kinni wu yɑb-ɑ Yëso jɑl Nɑdhɑreth, jɑl-ɑ ɑ́gur wïj yɑdh ɑrïw. Ádhwödh, tøøk kì keny. Lidhu keny-ɑ ɑ́pyëëlii. 7#Mt 26.32; Mk 14.28 De kedh wun, köbbu jøbɑnge, kí Pïtør kinni, ‘Møøl-ɑ bøli wun, ceg-ɑ kedhi Gɑlelì. Ólidh yi wun kì kunɑni, ni kɑ ɑ́köbbe wun.’ ”

8Akedhi gen wɑ̈g, kɑ ge órengø kì buti burɑni, mɑ́ wɑ̈ɑ̈rø ɑ́bï kömi gen, kɑ dëlli gen okïïrø. O bong dhɑnhø mɑ ɑ́köbbi yi gen, mɑ́ ge ɑ́bëëd ge óböggø.

Thumi Kwøbbi Wöndøj Men Me Kɑ̈ge Dööng.#16.9-20 wɑ̈thi kwøb Kwï wɑ̈jji kwërø møg-ɑ weenø yethi gen bong thumi kwøb møg-ɑ bɑ kwɑn 9-20.

(16.9-20)

Cwöbi Yëso kì Bøli Meerì Mɑgdɑliyɑ̀

(Mt 28.9-10; Jn 20.11-18)

9Keny-ɑ ɑ́dhwödh Yëso kì Cyɑ̈ɑ̈ng Jwøk kì mwøl ceth, ɑkwønge ree ki nyudhi Meerì Mɑgdɑliyɑ̀, ngɑn-ɑ́ ree ɑ́ryeme wëyrijjø ɑ́bïryew. 10Akedh Meerì kɑ tyëng-ɑ ɑ́cyɑ̈dhi ki Yëso köbbe. Ge ɑ́bëëd ge óywöngø yethi gen bɑɑrø. 11De ge nuti yïëyø keny-ɑ ɑ́lïng gen kinni Yëso onëënø, o ólidhø yi ngɑnɑni.

Cwöbi Yëso kì Bøli Jøbɑnge Áryew

(Lk 24.13-35)

12Kɑ ocwöbø këti, e ree løg en, kì bøli jøg ɑ́ryew kì kelli gen, ge kedh-ɑ yethi myërr. 13Adøg ɑ́ryewɑni, kɑ tyëng-ɑ ɑ́döng köbbi gen; de ge ɑ́cög ge pɑ yïëy ki møgɑni.

Cwöbi Yëso kì Bøli Jøbɑnge Pyɑ̈rø Wïdɑ́kyel

(Mt 28.16-20; Lk 24.36-49; Jn 20.19-23; Gwøg 1.6-8)

14Kì cyɑ̈n cyee, ɑcwöbe kì bøli jøbɑnge gɑ pyɑ̈rø wïdɑ́kyel ge ocyɑ̈mø. Kɑ gï cɑye kipe kɑ̀ nuti yïëëy gen, kí kipe tegi wɑ̈thi gen. Mɑ́ ge ɑ́cög ge pɑ yïëy ki kwøbbi tyëng-ɑ ɑ́lidhii kì bɑng kɑ ɑ́dwööge wɑ̈g kì yij thøø. 15#Gwøg 1.8 Kɑ gï köbbe kinni, “Kedhu wïj piny bëne, kɑ teedø bëne pwönyi wun ki wöndøj. 16Ngɑn-ɑ óyïëy kɑ jwɑ̈ɑ̈g óyiel, de ngɑn-ɑ pɑ yïëy ócɑy. 17Tyëng-ɑ yïëy ónëngi ki tegø men göög gen ki gïïngɑ̈ngø; ge óryëmmi wɑ̈g ki wëyrijjø ki nyingɑ; ge ódhumø ki dhøg mø pɑth ki dhøggi gen; 18keløg ge omɑ̈ɑ̈gø ki thöllì, wɑlɑ̀ ge omɑ̈dhø ki sïm, bong gïnrɑj me kedhi ri gen; cinggi gen óthɑɑny gen kömi tyëngbuud, kɑ ge ódönyø.”

Kedhi Yëso Mɑl

(Lk 24.50-53; Gwøg 1.9-11)

19 # Gwøg 1.9-11 Kɑ ɑ́rum Wë Yëso ki kwøb ki gen, ɑkïdhii mɑl, kɑ pëgg-ɑ wïj kyëëj Jwøk. 20Akedh tyëngwöödø, kɑ ge ópwönyø kì kɑ̈jj bënn, ge okønyø yi Wë. Kɑ wööni Jwøk nyodhe kinni bɑ dyër, kì ri ngïjj-ɑ gøggi yi gen.

Thumi Kwøbbi Wöndøj Megø Me Kɑ̈ge Dööng#16.20 wɑ̈thi kwøb Kwï wɑ̈jji kwërø møg-ɑ weenø yethi dɑ thumi kwøb men-ɑ cyeeg èn, geki men-ɑ bɑ̈ɑ̈r; kwɑn 9-20.

(16.9-10)

21 Kɑ tyëng-ɑ mɑ̈nn kedh-ɑ yï Pïtør geki mɑ̈dhhe, kɑ gï löbbi gen møg-ɑ ɑ́köbbi gen bënn. 22 Kì bɑng kenyɑni, kɑ Yëso kiree jøge öre kì wɑɑng cyɑ̈ɑ̈ng mwøl, gï öre’ wɑɑng cyɑ̈ɑ̈ng böörø, o ge kɑ̈l gen wööni kwërø; wöön-ɑ nëënø mi yïën-ɑ gïti ɑtheer.

Currently Selected:

Mk 16: shkDCB

Highlight

Copy