Popular Bible Verses from Mk 16

Share

Kɑ gï köbbe kinni, “Kedhu wïj piny bëne, kɑ teedø bëne pwönyi wun ki wöndøj.

Tyëng-ɑ yïëy ónëngi ki tegø men göög gen ki gïïngɑ̈ngø; ge óryëmmi wɑ̈g ki wëyrijjø ki nyingɑ; ge ódhumø ki dhøg mø pɑth ki dhøggi gen; keløg ge omɑ̈ɑ̈gø ki thöllì, wɑlɑ̀ ge omɑ̈dhø ki sïm, bong gïnrɑj me kedhi ri gen; cinggi gen óthɑɑny gen kömi tyëngbuud, kɑ ge ódönyø.”

Ngɑn-ɑ óyïëy kɑ jwɑ̈ɑ̈g óyiel, de ngɑn-ɑ pɑ yïëy ócɑy.

Akedh tyëngwöödø, kɑ ge ópwönyø kì kɑ̈jj bënn, ge okønyø yi Wë. Kɑ wööni Jwøk nyodhe kinni bɑ dyër, kì ri ngïjj-ɑ gøggi yi gen.

Kɑ gï köbbe kinni, “Wu ko böggi. Ngɑ̈nyi yi yɑn kinni wu yɑb-ɑ Yëso jɑl Nɑdhɑreth, jɑl-ɑ ɑ́gur wïj yɑdh ɑrïw. Ádhwödh, tøøk kì keny. Lidhu keny-ɑ ɑ́pyëëlii.

Keny-ɑ ɑ́tïng gen wɑ̈thi gen, ɑlidhii yi gen kinni, kïnɑni óngyeel cyɑ̈n. Keny-ɑ ɑ́kedhi gen yij burɑni, ɑlïdhi gen ki nyelɑwøb me bëëdø kì wïj tuung kyëj, e orugø ki ógødh me tɑr. Kɑ ge obwøgø.