Luka 5

Eloŋuna Yesu Lejifak Honyi Etterita

(Mat 4:18-22; Mar 1:16-20)

1 # Mat 13:1-2; Mar 3:9-10; 4:1 To obo oloŋ owotia nyia Yesu ihutuk tafar enne ittokon anna anya 'to Genesaret, buo aati arriai ifudarai ajihonyi itaniŋiere ekiana Hollum. 2Ette inyi igonyuna atogoli arrihai atarani ilotifor. Idiaharai nyia ayafohok atogoli hunia, buo ofuoi illillayo aboyo hosi. 3Attati Yesu idahina jio atogol ebotie ninyia ara 'to ono Simone. Ette iramana Simone ijiara osulak atogol ania kai attua hari. Attati Yesu itoŋo itua togol, ette ittiyenio eluluŋ waati nyia.

4Ninyia atuhok inyi ekiana, ette inyi jiaran jio Simone, “Osulak atogol ana many iwudori hari, buo iyye iko orriahat hoi iruoŋonia aboyo hatai itua hari iyafohuniere aham.”

5 # Yoa 21:3 Buo Simone ette itarraŋ jiojio, “Lettok ettoho hohoi ayafoho arue 'daŋ, ati ebeŋ hohoi enefu hami. Ati te ekiana hoi, ebirok adi ni aboyo itua hari.” 6#Yoa 21:6Ninyia ibironi isi aboyo itua hari ette isi iyafohuna aham arriai many ojiarik aboyo efuto. 7Attati isi ifalio orriahat hosi hutto togol ebotie oŋida ofuonni iluak isi, ette isi ifuanna, ette itafutana atogoli hunia 'daŋ many ojiori odiori. 8Ninyia igonyu Simone Petro erre hunia, ette inyi irigoŋo ihosiere Yesu, ette jiaran, “Lamonye, ilo jihoŋ addi! Nyio, ara ni atulo eyyani!”

9Ette inyi iko hullomuk 'daŋ illilliha ta aluaji ham hunna ayafohuni isi. 10Illillihai nyia buo fe orriahat Simone, bo Yakobo iko Yoane, lonyirok Sebedeyo. Attati Yesu jiaran jio Simone, “Hèbaŋ! Ihuania many moi, ittu adi iyye iyaŋutta aati jihoŋ.”

11Ania, ette isi ipihuna atogoli hunia ilotifor hari ette idiaharu erre 'daŋ buo ette ijifaru Yesu.

Itaŋida Yesu obo Latulo

(Mat 8:1-4; Mar 1:40-45)

12Owon nyia Yesu jio obo abore gala ninyia awattari obo latulo ollo owon iko aŋuai belelio. Ninyia igonyu inyi Yesu, ette irruaŋana ahuan honyi ihosiere Yesu, ette ittana inyi jio, “Lamonye, iremik iyye italibo#5:12 Italibo ani : Ojiori nyia jio itihan aŋuai ania atulo ahebuatani tehiji waati 'daŋ iko totua hasik Imojiti. ani ihuo iwak iyye!” 13Attati Yesu ihalamana aani honyi, ette ittir inyi ette jiaran, “Awak ni, toliboi.” Teya teya, ette aŋuai nyia idehina atulo alia. 14Attati Yesu ihum iramana inyi jio, “Hèramak obo atulo eram ania, obotik jio ehumani, oŋida inyi ihum imi iyye; attati teya, ilo isiarak ehumi jio Hollum ihuo ojiori efahita huno Mose, itahutaniere jio aati 'daŋ jio ilibo iyye.”

15Ati, inyiahi atibuo asayyo huno Yesu ikuataru bebe bebe, attati eluluŋi waati ifuonnutta jihonyi itaniŋiere buo fe oŋida itaŋidari isi jio eŋuati hosi. 16Ati adahatio nyia inyi imasik hunno oyuri 'to imojori.

Itaŋida Yesu Atulo elle Iluro Huan

(Mat 9:1-8; Mar 2:1-12)

17To obo oloŋ, ninyia ittiyeniere Yesu, owoni nyia omuk Farisei iko ettiyanak ifahita hulle itoŋoi diya, hunyia ofuonni 'to jio aborejin gala 'daŋ hutta fau Galilea iko Yudea buo Yerusalem. Owon nyia aduaran ono Lamonye jio Yesu itaŋidariere aŋuak. 18Teya, illillorunie nyia omuk aati obo atulo elle iluro huan, te ejotit. Awahi nyia isi itajiŋaru inyi attua haji ihananiere ihosiere Yesu. 19Ati obeŋi nyia isi onyurani ekoi iyari inyi attua haji, nyio, ifudai nyia aati bebe. Attati isi ikafaru inyi ahide haji, ette ibolohoro ategula, ette itusuronia inyi te eferit honyi, ihiji iluluŋ, ihosiere Yesu. 20Ninyia igonyu Yesu eruk hosi ette inyi jiaran, “Illa, ahohinie eyyata hoi.”

21Attati ettiyanak ifahita iko Farisei ikiana isi hama jio “Ŋai buo fe alla abalari 'to olo afure Hollum! Hollum fe hama oremik ihohina eyyata!”

22Ati omijak nyia Yesu egigilita hosi, ette inyi ifiyo isi jiojio, “Nyio igigiloti itai ihuo nyia? 23Anani enne iliaha 'to, ijiari ‘Ahohinie eyyata hoi’ kuyya ijiari, ‘Totte adahai?’ 24Ati etahutak adi ni jihatai jio, owon Lonyi Tulo iko elohittok ifau ihohiniere eyyata.” Attati inyi jiaran jio atulo elle iluro huan, “Eramak ni iyye, totte, iduhu ejotit hoi ilo haŋ!”

25Teya Teya, odioto nyia inyi ihosiere hosi 'daŋ, ette iduhuna eferit noduo oferiori inyi, ette leten haŋ, buo itahabuyo Hollum. 26Tania, illillihai nyia isi 'daŋ, ette buo fe itahabuyo Hollum ta abaŋi, ette jiaran, “Ajajaja! Alufajak hirre hunne egonyu hohoi huna ahana!”

Iloŋu Yesu Lefi

(Mat 9:9-13; Mar 2:13-17)

27Ihalu erre hunia, olo nyia Yesu allet ette igonyuna Lefi eddudduhani musuru itoŋo imahatab honyi; ette jiaran jihonyi, “Ijifunie ani.” 28Ette inyi idioto ette idiaharu erre 'daŋ ette ijifaru Yesu.

29Attati Lefi ihuhumana Yesu agari enne ittok ihaŋ honyi. Obolo nyia eluluŋ hèddudduhak musuru iko aati hullomuk hinyia oŋiye 'to diya. 30#Luk 15:1-2Attati omuk Farisei iko ettiyanak ifahita hunyia owoni 'to diya iŋuŋunita jio lejifak Yesu jiojio, “Nyio iŋiyete itai buo fe imatati iko eddudduhak musuru buo eyyak?”

31Attati Yesu itarraŋ isi jiojio, “Obeŋi aati hullo oŋidari 'to awahi diktor, arari fe aŋuak hama. 32Abeŋ ni attu iloŋori abisak, ati attu ni iloŋori eyyak oŋida ihari eyyata hosi.”

Eram ono Aferuna

(Mat 9:14-17; Mar 2:18-22)

33Attati isi jiaran jio Yesu, “Oferuttai nyia ejifak hulo Yoane buo fe omojoi gagaga. Ihanie nyia buo fe lejifak hulo Farisei 'daŋ ihuo nyia, ati oŋiyei hulohoi buo fe amatai.”

34Itarraŋ nyia Yesu jiojio, “Oremehini soho orriahat hayamani iferuna buo ayamani howon ihiji hosi? Obeŋ! 35Ati ofuonni, adi oŋitek hunne iyarik ayamani tehiji hosi addi, tania oferuni adi isi.”

36Iramak nyia buo fe Yesu jihosi etarriamai ana, “Obeŋ tulo oguasu aŋati boŋo aŋejuk ittafiere aboŋo amaruani. Elle ihan inyi ihuo nyia, ittarroho adi inyi aboŋo aŋejuk. Obeŋi adi buo fe aŋati boŋo aŋejuk orriamahini iko ono aboŋo amaruani. 37Obeŋ buo fe tulo iturak afino aŋejuk itua ihulo amaruani, nyio, obor adi afino ehulo ania ette ijuhoro addi buo ehulo ania ette irrohoji. 38Ati ijiara iturani afino aŋejuk jio ehulo aŋejuk. 39Alla amat atulo afino amaruani, obeŋ inyiak iwahan afino aŋejuk, nyio, ojio adi inyi jio, ‘Ilaman afino amaruani jihoŋ.’ ”

Currently Selected:

Luka 5: EA2003

Highlight

Copy