Juan 15

Jesús jiñi isujm bʌ Ac'

1Joñon jiñi isujm bʌ ac',#15.1 Jesús mi' c'ʌñ jump'ejl lajiya cha'añ mi' tsictesan bajche' añ yic'ot xcʌnt'añob i cha'añ. Jiñʌch jump'ejl lajiya mu' bʌ i wen c'ʌjñel ya' ti Oñiyi bʌ Wen T'añ. Q'uele Sal 80.8-16; Is 5.1-7; Jer 5.9-11; 12.10-11; Ez 15.1-6; 19.10-14. c Tat jiñʌch xpora. 2Pejtelel i c'ʌb ac' mach bʌ añic mi' yʌc' i wut ti' joñon, mi caj i tsep loq'uel; pejtelel mu' bʌ i yʌc' i wut, mi caj i porajin cha'añ ñumen ca'bʌl mi' yʌc' i wut. 3Sʌquetixla cha'añ jiñi t'añ tsa' bʌ c su'beyetla.#Jn 13.10 4Ajñenla ti joñon, joñon ja'el mi caj cajñel ti jatetla. Che' bajche' i c'ʌb ac' ma'añic mi mejlel i yʌc' i wut ti' bajñelil, mi ma'añic mi' yajñel ti' yʌq'uil, che' ja'el jatetla mach mejlic la' wʌc' la' wut, mi ma'añic mi la' wajñel ti joñon.

5Joñon jiñi ac', jatetla j c'ʌbetla, jiñi mu' bʌ i yajñel ti joñon che' bajche' joñon mi cajñel ti jiñi wiñic, jiñʌch mu' bʌ i yʌc' ca'bʌl i wut, come mi ma'añic mi la' wajñel ti joñon, ma'añic chuqui mi' mejlel la' bajñel mel.#15.4-5 Q'uele 2 Cor 3.5; Fil 4.13; 1 Jn 1.3-4. 6Jiñi mach bʌ añic mi' yajñel ti joñon, mi caj i chojquel loq'uel che' bajche' mach bʌ weñic bʌ i c'ʌb ac', mi' tiquin; mi caj i tempʌyel cha'añ mi' chojquel ochel ti c'ajc cha'añ mi' pulel.#Mt 3.10; 7.19 7Mi woli la' wajñel ti joñon, mi woli yajñel c t'añ ti jatetla, c'ajtinla chuqui tac jach la' wom, mi caj la' jac'bentel.#15.7 Mi caj la' jac'bentel: Jiñʌch yom mi' yʌl cha'añ Dios mi caj i mel jiñi woli bʌ i c'ajtibentel. Q'uele Mt 21.22; Mc 11.24; Jn 14.13-14. 8Mi' caj ti pʌstʌl i ñuclel c Tat, che' mi la' wʌc' ca'bʌl la' wut, che' jiñi, xcʌnt'añetla c cha'añ. 9Che' bajche' tsi' c'uxbiyon c Tat, che' ja'el tsa' j c'uxbiyetla, chʌn ajñenla tij c'uxbiya. 10Mi woli la' jac'beñon c mandar, mi caj c chʌn c'uxbiñetla, che' bajche' tsa' c jac'be i mandar c Tat, woli c chʌn c'uxbintel tic Tat.#Jn 14.15; 1 Jn 2.5; 5.3

11Jiñi t'añ tsa' c su'beyetla cha'añʌch mi' yajñel i tijicñʌyel c pusic'al ti la' tojlel, cha'añ mi' ts'ʌctiyel i tijicñʌyel la' pusic'al.#Jn 16.24; 17.13; 1 Jn 1.4

12Jiñʌch c mandar: C'uxbin la' bʌ che' bajche' tsa' j c'uxbiyetla.#15.12 Yom ma' q'uelben isujmlel ili mandar ya' ti Jn 13.34. 13Ma'añic majqui ñumen ca'bʌl i c'uxbiya che' bajche' jiñi mu' bʌ i yʌc' i bʌ ti chʌmel cha'añ i pi'ʌlob. 14Jatetla c pi'ʌletla che' mi la' mel chuqui mic su'beñetla. 15Ma'añic mic chʌn pejcañetla tic wiñic, come jiñi wiñic am bʌ ti' yum mach yujilic chuqui mi' mel i yum; pero joñon mic pejcañetla tic pi'ʌl, come pejtelel chuqui tsa' cu'bi tic Tat, tsa'ix cʌq'ueyetla la' cʌn. 16Mach jateticla tsa' la yajcayon, joñon tsa' c yajcayetla,#15.16 Ti' tojlelob jiñi judíojob jiñʌch jiñi xcʌnt'añ mu' bʌ i sʌclan i yaj cʌntesa. tsa' cʌq'ueyetla la' we'tel cha'añ mi la' majlel la' wʌc' la' wut mu' bʌ caj i jalijel, cha'añ che' jiñi, pejtelel chuqui mi la' c'ajtiben c Tat tij c'aba', mi caj i yʌq'ueñetla.#15.16 Jiñi apóstolob yajcʌbilob i cha'añ Jesús (q'uele Mt 10.1, Lucas yic'ot Marcos; Jn 6.70), che' ja'el jiñi xñopt'añob yajcʌbilobʌch ja'el (q'uele Rm 8.33; Ef 1.4; Col 3.12; 1 Ts 1.4; 2 Ts 2.13; 1 P 1.2). 17Jiñʌch c mandar cha'añ mi la' chʌn c'uxbin la' bʌ.

I cha'año' bʌ pañimil mi' ts'a'leñetla

18Mi ts'a' mi' q'ueletla jiñi i cha'año' bʌ pañimil, ña'tanla ts'a' tsi' q'ueleyoñob ti ñaxan. 19Che' i cha'añeticla pañimil, jiñi pañimil mi' c'uxbiñetla che' bajche' mi c'uxbiñob i bʌ, pero come mach i cha'añeticla pañimil, joñon ñaxan tsa' c yajcayetla ti' pañimil, jiñi cha'añ ts'a' mi' q'ueletla jiñi i cha'año' bʌ pañimil. 20Ña'tanla jiñi t'añ tsa' bʌ c su'beyetla: “Jiñi mu' bʌ i melben i ye'tel i yum mach ñumen ñuquic bajche' i yum”.#Jn 13.16; Mt 10.24; Lc 6.40 Mi joñon tsi' tic'layoñob, che' ja'el jatetla mi caj la' tic'lʌntel, mi tsi' jac'ʌyob c t'añ, mi caj i jac'ob la' t'añ ja'el. 21Che'ʌch mi caj i melbeñetla i cha'año' bʌ pañimil cha'añ ti' caj j c'aba',#15.21 Q'uele Mt 10.22; 24.9 yic'ot Marcos, Lucas; q'uele ja'el Hch 5.41; 1 P 4.14. come ma'añic mi' cʌñob jiñi tsa' bʌ i chocoyon tilel.

22Che' machic jax tsa' tiliyon, che' machic jax tsa' c pejcayob, che' jiñi ma'añobic i mul; pero wʌle mach mejlic i su'bob ma'añobic i mul. 23Jiñi mu' bʌ i ts'a'leñon, mi' ts'a'len c Tat ja'el. 24Che' machic jax tsa' c mele ñuc tac bʌ que'tel mach bʌ añic majqui melbil i cha'añ ti ñaxan, che' jiñi ma'añobic i mul; pero wʌle tsa'ix i q'ueleyob, mi' ts'a'leñoñob temel quic'ot c Tat. 25Pero cha'añʌch mi' ts'ʌctiyel jiñi t'añ ts'ijbubil bʌ ti mandar: “Tsi' ts'a'leyoñob che' ma'añic c mul”.#Sal 35.19; 69.4

26Che' ba ora mi' tilel la' waj Pi'leya, mu' bʌ caj chocbeñetla tilel ch'oyol bʌ tic Tat, jiñʌch jiñi Espíritu mu' bʌ i tsictesan isujmlel c t'añ, jiñi mi caj i yʌc'on ti cʌjñel. 27Jatetla ja'el mi caj la' wʌc'on ti cʌjñel,#15.27 Mi caj la' wʌc'on ti cʌjñel: Jiñi Ch'ujul bʌ Espíritu mi caj i cha'len t'añ ti' tojlel jiñi xsubt'añob (Mc 13.9,11; Lc 12.11-12). come añetla quic'ot c'ʌlʌl ti' cajibal j cʌntesa.

Currently Selected:

Juan 15: NTCH

Highlight

Copy