Popular Bible Verses from Juan 15

Share

Joñon jiñi ac', jatetla j c'ʌbetla, jiñi mu' bʌ i yajñel ti joñon che' bajche' joñon mi cajñel ti jiñi wiñic, jiñʌch mu' bʌ i yʌc' ca'bʌl i wut, come mi ma'añic mi la' wajñel ti joñon, ma'añic chuqui mi' mejlel la' bajñel mel.

Ajñenla ti joñon, joñon ja'el mi caj cajñel ti jatetla. Che' bajche' i c'ʌb ac' ma'añic mi mejlel i yʌc' i wut ti' bajñelil, mi ma'añic mi' yajñel ti' yʌq'uil, che' ja'el jatetla mach mejlic la' wʌc' la' wut, mi ma'añic mi la' wajñel ti joñon.

Mi woli la' wajñel ti joñon, mi woli yajñel c t'añ ti jatetla, c'ajtinla chuqui tac jach la' wom, mi caj la' jac'bentel.

Mach jateticla tsa' la yajcayon, joñon tsa' c yajcayetla, tsa' cʌq'ueyetla la' we'tel cha'añ mi la' majlel la' wʌc' la' wut mu' bʌ caj i jalijel, cha'añ che' jiñi, pejtelel chuqui mi la' c'ajtiben c Tat tij c'aba', mi caj i yʌq'ueñetla.

Ma'añic majqui ñumen ca'bʌl i c'uxbiya che' bajche' jiñi mu' bʌ i yʌc' i bʌ ti chʌmel cha'añ i pi'ʌlob.

Pejtelel i c'ʌb ac' mach bʌ añic mi' yʌc' i wut ti' joñon, mi caj i tsep loq'uel; pejtelel mu' bʌ i yʌc' i wut, mi caj i porajin cha'añ ñumen ca'bʌl mi' yʌc' i wut.

Jiñʌch c mandar: C'uxbin la' bʌ che' bajche' tsa' j c'uxbiyetla.

Mi' caj ti pʌstʌl i ñuclel c Tat, che' mi la' wʌc' ca'bʌl la' wut, che' jiñi, xcʌnt'añetla c cha'añ.

Joñon jiñi isujm bʌ ac', c Tat jiñʌch xpora.

Jiñi mach bʌ añic mi' yajñel ti joñon, mi caj i chojquel loq'uel che' bajche' mach bʌ weñic bʌ i c'ʌb ac', mi' tiquin; mi caj i tempʌyel cha'añ mi' chojquel ochel ti c'ajc cha'añ mi' pulel.

Jiñi t'añ tsa' c su'beyetla cha'añʌch mi' yajñel i tijicñʌyel c pusic'al ti la' tojlel, cha'añ mi' ts'ʌctiyel i tijicñʌyel la' pusic'al.

Mi woli la' jac'beñon c mandar, mi caj c chʌn c'uxbiñetla, che' bajche' tsa' c jac'be i mandar c Tat, woli c chʌn c'uxbintel tic Tat.

Jiñʌch c mandar cha'añ mi la' chʌn c'uxbin la' bʌ.

Che' i cha'añeticla pañimil, jiñi pañimil mi' c'uxbiñetla che' bajche' mi c'uxbiñob i bʌ, pero come mach i cha'añeticla pañimil, joñon ñaxan tsa' c yajcayetla ti' pañimil, jiñi cha'añ ts'a' mi' q'ueletla jiñi i cha'año' bʌ pañimil.