Juan 13

2. I WOCOL JESÚS, TSA' CHɅMI YIC'OT TSA' CHA' CH'OJYI#13.1—21.23 Ti ili capítulo 13.1 mi' tejchel i cha'p'ejlel che' bajche' t'oxbil ili wen t'añ. Añ uxchajp mu' bʌ i taj ti t'añ: Ñaxan bʌ mi' taj ti t'añ che' bʌ tsi' c'uxuyob waj Jesús yic'ot xcʌnt'añob i cha'añ (caps. 13—17), i cha'p'ejlel mi' taj ti t'añ che' bajche' tsa' chʌmi (caps. 18—19) i yuxp'ejlel mi' taj ti t'añ che' bajche' tsa' ch'ojyi (caps. 20—21).

(13.1—21.23)

Jesús tsi' pocbeyob i yoc xcʌnt'añob i cha'añ

1Che' lʌc'ʌlix i q'uiñilel Pascua,#13.1 Pascua: Che' bajche' mi yʌl Juan cha'añ i q'uiñilel Pascua tsi' meleyob che' chʌmeñix Jesús, viernes che' bʌ woli bʌjlel q'uiñ (Jn 18.28; 19.14,31). Jesús yujilix tsa'ix c'oti i yorajlel cha'añ mi' cʌy pañimil, cha'añ mi' majlel ba'añ i Tat, che' bajche' tsi' c'uxbi i cha'año' bʌ ti pañimil, ma'añic tsi' cʌyʌ i c'uxbiñob c'ʌlʌl ti' jilibal.#13.1 C'ʌlʌl ti' jilibal: Jiñʌch yom mi' yʌl, c'ʌlʌl jinto mi' chʌmel. 2Che' woli i c'uxob waj ti' ac'ʌlel, jiñi xi'ba tsi' ñijcʌbe i pusic'al Judas Iscariote, i yalobil bʌ Simón, cha'añ mi' yʌc' Jesús ti' c'ʌb i contra. 3Yujil Jesús cha'añ añix ti' wenta pejtelel chuqui tac añ,#Jn 3.35; 10.18; Mt 11.27; 28.18; Lc 10.22 come i Tat tsi' yʌq'ue ti' wenta, yujil ja'el tsa' tili ti Dios, yujil ya' mi' cha' majlel ba'añ Dios.#Jn 16.28 4Tsa' ch'ojyi ti mesa, tsi' jocho jiñi pʌl bʌ i bujc, tsi' wel cʌchʌ suco' c'ʌbʌl ti' ñʌc'. 5Tsi' je'be ja' ti poc',#13.5 Jiñi mu' bʌ i pocbeñob i yoc i yumob jiñobʌch jiñi ochemo' bʌ ti majtañ e'tel mach bʌ judíojobic. Q'uele 1 Sm 25.41. tsa' caji i pocbeñob i yoc xcʌnt'añob i cha'añ; tsi' sujcubeyob ti jiñi pisil tsa' bʌ i cʌchʌ ti' ñʌc'. 6Che' bʌ tsa' c'oti ba'añ Simón Pedro, tsi' su'be:

—C Yum, ¿mu' ba caj a pocbeñon coc? —Che'en.

7Jesús tsi' su'be:

—Jiñi woli bʌ c mel, ma'añic ma' ch'ʌmben isujm wʌle pero ti wi'il mi caj a ch'ʌmben isujm,#Jn 2.22; 12.16; 16.4,12-13 —che'en.

8Pedro tsi' su'be:

—Ma'añic ba ora mi caj a pocbeñon coc, —che'en.

Jesús tsi' jac'be:

—Mi ma'añic mic poquet, mach c cha'añetic.

9Simón Pedro tsi' su'be:

—C Yum, mach jiñic jach coc yom ma' poc, pocbeñon j c'ʌb ja'el yic'ot c jol, —che'en.

10Jesús tsi' su'be:

—Jiñi ts'ʌmijeñix bʌ jasʌl mi' pocbentel i yoc, come sʌquix ti pejtelel, jatetla sʌquetixla, anquese mach pejteleticla, —che'en Jesús.

11Come yujilix majqui mi caj i yʌc' ti' c'ʌb i contra, jiñi cha'añ tsi' yʌlʌ: “Mach sʌqueticla ti la' pejtelel”.

12Che' bʌ tsa' ujti i pocbeñob i yoc, tsi' cha' ch'ʌmʌ pʌl bʌ i bujc, tsa' cha' buchle ti' t'ejl mesa, tsi' c'ajtibeyob:

—¿La' wujil ba chuqui tsa' c melbeyetla? 13Jatetla mi la' pejcañon ti la' Maestro yic'ot ti la' Yum, uts'at chuqui mi la' wʌl, come isujm joñoñʌch. 14Mi joñon la' Yumon, la' maestrojon, tsa' c pocbeyetla la' woc, che' yom mi la' pocben la' bʌ la' woc ti' jujuntiquiletla ja'el.#13.14 Che' bʌ Jesús tsi' pocbeyob i yoc xcʌnt'añob i cha'añ jiñʌch i pʌsbentelob che' bajche' yom mi' peq'uesañob i bʌ yic'ot che' bajche' yom mi' cha'leñob e'tel ti' tojlel i pi'ʌlob (q'uele 1 Tm 5.10), che' ja'el jiñʌch i yejtal che' bajche' woli i peq'uesan i bʌ Jesús c'ʌlʌl jinto mi' yʌc' i bʌ ti chʌmel. Q'uele Fil 2.6-8. 15Come joñon tsa'ix c pʌsbeyetla che' bajche' yom mi la' mel, cha'añ che' bajche' tsa' c mele, che'ʌch yom mi la' mel jatetla ja'el.#Mt 20.26-28; Mc 10.43-45; Lc 22.26-27; Jn 13.34; 15.12; 1 Jn 2.6; 3.16-17; 1 P 2.21 16Isujm, isujm mic su'beñetla: Jiñi x'e'tel mach ñuquic che' bajche' i yum; mi jiñic jiñi chocbil bʌ majlel ñumen ñuc che' bajche' jiñi tsa' bʌ i choco majlel.#Mt 10.24; Lc 6.40; Jn 15.20 17Mi la' wujilʌch chuqui tsa' c su'beyetla, tijicñayetla che' mi la' mel.

18Ma'añic woli c pejcañetla ti la' pejtelel. Cujil majqui tsa' c yajca cha'añ mi' ts'ʌctiyel i Ts'ijbujel Dios mu' bʌ i yʌl: “Jiñi tsa' bʌ i c'uxu waj quic'ot tsi' contrajiyon”.#Sal 41.9; Jn 17.12 19Mic su'beñetla iliyi che' maxto ujtemic, che' ba ora mi yujtel mi caj la' ñop cha'añ Cristojoñʌch. 20Isujm, isujm mic su'beñetla: Jiñi mu' bʌ i pʌy ochel c wiñic mu' bʌ c choc majlel, joñon woli' pʌyon ochel; jiñi mu' bʌ i pʌyon ochel woli' pʌy ochel c Tat tsa' bʌ i chocoyon tilel,#Mt 10.40; Mc 9.37; Lc 9.48; 10.16; Jn 12.44-45 che'en.

Jesús tsi' wʌn alʌ cha'añ Judas mi caj i yʌc' ti' c'ʌb i contra

(Mt 26.20-25; Mc 14.17-21; Lc 22.21-23)

21Che' bʌ tsa' ujti i su'b Jesús jiñi t'añ, wen ch'ijiyem tsa' caji i yu'bin ti' pusic'al, tsi' yʌlʌ:

—Isujm, isujm mic su'beñetla, juntiquil wʌ' bʌ añ la' wic'ot mi caj i yʌc'on ti' c'ʌb j contra, —che'en.

22Jiñi cha'añ xcʌnt'añob tsa' caji i q'uelob i bʌ, come ma'añic tsi' ña'tayob majqui woli' tajtʌl ti t'añ. 23Juntiquil xcʌnt'añ c'uxbibil bʌ i cha'añ, ya' ts'ej buchul ba'añ Jesús.#Jn 19.26-27; 20.2-10; 21.7,20-24 24Simón Pedro tsi' pʌsbe i c'ʌb jiñi xcʌnt'añ buchul bʌ ti' t'ejl Jesús cha'añ mi' c'ajtiben majqui jiñi mu' bʌ caj i yʌc' ti' c'ʌb i contra. 25Jiñi ya' bʌ buchul ti' t'ejl Jesús tsi' ñʌcchoco i bʌ ti' tajñ, tsi' c'ajtibe:

—C Yum, ¿majqui jiñi? —Che'en.

26Jesús tsi' jac'be:

—Jiñʌch mu' bʌ cʌq'uen ts'ajbil bʌ waj, —che'en.

Che' bʌ tsa' ujti i ts'aj jiñi waj, tsi' yʌq'ue Judas Iscariote i yalobil bʌ Simón. 27Che' bʌ tsi' ch'ʌmʌ Judas jiñi ts'ajbil bʌ waj, tsa' ochi Satanás ti' pusic'al, jiñi cha'añ Jesús tsi' su'be:

—Jiñi mu' bʌ caj a mel, mele ti ora, —che'en.

28Pero mi juntiquilic ya' bʌ añob ti' t'ejl mesa tsi' ch'ʌmbeyob isujm chucoch tsi' su'be jiñi t'añ. 29Come Judas jiñʌch jiñi mu' bʌ i cʌntan jiñi taq'uiñ, jiñi cha'añ lamital tsi' ña'tayob cha'añ Jesús woli i su'ben i mʌn chuqui tac yom cha'añ q'uiñijel, tsi' cha' ña'tayob tic'ʌl mi' tsi' su'be i yʌq'ueñ taq'uiñ jiñi mach bʌ añobic i chu'bʌañ. 30Che' bʌ Judas tsa' ujti i ch'ʌm ts'ajbil bʌ waj, tsa' loq'ui majlel. Ac'ʌlelix pañimil, che' jiñi.

Jiñi tsiji' bʌ mandar

31Che' loq'uemix majlel Judas, Jesús tsi' yʌlʌ:

—Wʌle tsa'ix tsictiyi i ñuclel i Yalobil Wiñic, tic tojlel tsa'ix tsictiyi i ñuclel Dios. 32Mi tsa'ix pʌsle i ñuclel Dios ti Yalobil, che' ja'el Dios mi caj i pʌs i ñuclel i Yalobil. Dios mi caj i bʌc' tsictesan i ñuclel i Yalobil. 33Calobilob, jumuc' jax wʌ'añon la' wic'ot. Mi caj la' sajcañon; che' bajche' tsa' c su'be judíojob, che' ja'el mic su'beñetla: Ya' ba' mic majlel, mach mejlic la' majlel.#Jn 7.34; 8.21 34Mi cʌq'ueñetla tsiji' bʌ mandar: C'uxbin la' bʌ. Che' bajche' tsa' j c'uxbiyetla,#13.34 Q'uele Jn 15.12,17; 1 Jn 2.8; 3.23; 2 Jn 5. Jiñi mandar cha'añ yom mi laj c'uxbin lac pi'ʌlob, ts'ijbubilʌch ti mandar c'ʌlʌl ti wajali (Lv 19.18), pero Jesús tsi' yʌq'ue yam bʌ isujmlel yic'ot ili i t'añ: che' bajche' tsa' j c'uxbiyetla; Q'uele Jn 13.1; 15.12. Che'ʌch bajche' iliyi yom mi' c'uxbiñob i bʌ xñopt'añob i cha'añ Cristo. che' yom mi' la' c'uxbin la' bʌ. 35Che' jiñi, pejtelel wiñicob mi caj i ña'tañob xcʌnt'añetla c cha'añ che' mi la' c'uxbin la' bʌ,#1 Jn 3.14 —che'en Jesús.

Jesús tsi' wʌn alʌ cha'añ Pedro mi caj i yʌl mach i cʌñʌyic

(Mt 26.30-35; Mc 14.26-31; Lc 22.31-34)

36Simón Pedro tsi' c'ajtibe:

—C Yum, ¿baqui ma' majlel? —Che'en.

Jesús tsi' jac'be:

—Ya' ba' mic majlel maxto mejlic a tsajcañon majlel, pero ti wi'il mi caj i mejlel a tsajcañon.#Jn 21.18-19

37Pedro tsi' su'be:

—C Yum, ¿chucoch maxto mejlic c tsajcañet majlel wʌle? Mi caj cʌc' c bʌ ti chʌmel cha'añet, —che'en.

38Jesús tsi' su'be:

—¿Mu' ba a wʌc' a bʌ ti chʌmel cha'añon? Isujm, isujm mic su'beñet, che' maxto añic tsi' cha'le uq'uel xtat mut, uxyajl mi caj a wʌl cha'añ mach a cʌñʌyoñic,#Jn 18.17-18,25-27; Mt 26.75 —che'en.

Currently Selected:

Juan 13: NTCH

Highlight

Copy