Juan 11
11
Tsa' chʌmi Lázaro
1Añ juntiquil wiñic i c'aba' Lázaro, tsa' c'am-a, ch'oyol ti Betania,#11.1 Betania: Jiñʌch jump'ejl xchumtʌl am bʌ i ñajtlel uxp'ejl kilómetro. ya' ti' tojel i pasibal q'uiñ ya' ti Jerusalén (v. 18). i tejclum María yic'ot i chich#Lc 10.38-39 i c'aba' Marta. 2(María jiñʌch tsa' bʌ i boño lac Yum ti perfume, tsa' bʌ i sujcube i yoc ti tsutsel i jol. Ti jump'ejl bʌ q'uiñ tsa' c'am-a Lázaro).#Jn 12.3 3Jiñi cha'añ jiñi cha'tiquil x'ixic bʌ i yerañob Lázaro tsi' chocoyob majlel t'añ ba'añ Jesús, tsi' su'beyob:
—C Yum, c'am jiñi mu' bʌ a c'uxbin.
4Che' bʌ tsi' yu'bi Jesús, tsi' yʌlʌ:
—Ili c'am-ʌjel, mach cha'añic chʌmel, cha'añʌch mi' tsictiyel i ñuclel Dios, yic'ot cha'añ mi' tsictiyel i ñuclel i Yalobil Dios ti' c'am-ʌjel Lázaro,#Jn 9.3 —che'en.
5Jesús tsi' c'uxbi Marta yic'ot i yijts'in yic'ot Lázaro. 6Che' bʌ tsi' yu'bi c'am Lázaro, tsa' to cʌle Jesús yam bʌ cha'p'ejl q'uiñ ya' baqui añ. 7Ti wi'il Jesús tsi' su'be xcʌnt'añob i cha'añ:
—Cha' conla ya' ti Judea,#11.7 Ti ili ora, Jesús yic'ot xcʌnt'añob i cha'añ añob ti Perea, ya' ti' tojel i pasibal q'uiñ ya' ti Jordán ja' (Jn 10.40). —che'en.
8Jiñi xcʌnt'añob tsi' su'beyob:
—Maestro, maxto jali tsi' ñopo i juletob ti xajlel,#Jn 8.59; 10.31 ¿cha' awomix majlel ya'i?
9Jesús tsi' jac'beyob:
—¿Mach ba añic lajchʌmp'ejl ora ti jump'ejl q'uiñ? Jiñi mu' bʌ i cha'len xʌmbal ti q'uiñil ma'añic mi' yajlel, come mi' q'uel i sʌclel pañimil. 10Pero jiñi mu' bʌ i cha'len xʌmbal ti ac'ʌlel mi' yajlel, come ma'añic i sʌclel pañimil yic'ot,#Jn 12.35 che'en Jesús.
11Che' bʌ tsa' ujti i su'b jiñi t'añ tsi' su'beyob:
—Wʌyʌlix lac queran Lázaro, mic majlel c ñijcan ch'ojyel ti wʌyel, —che'en.
12Jiñi xcʌnt'añob i cha'añ tsi' su'beyob:
—C Yum, mi wʌyʌlix mi' caj i lajmel ti' c'am-ʌjel.
13Jesús tsi' cha'le lajiya che' bʌ tsi' yʌlʌ wʌyʌl Lázaro che' chʌmeñix, jiñi xcʌnt'añob tsi' lon ña'tayob ti' pusic'al wolix i c'aj i yoj Lázaro ti wʌyel.#11.11-13 Ti t'añ hebreojob yic'ot griegojob che' añ majqui mi' chʌmel mi' lajiñob che' bajche' wʌyel. 14Jiñi cha'añ Jesús tsi' su'beyob ti toj cha'añ mi' ch'ʌmbeñob isujm:
—Chʌmeñix Lázaro. 15Tijicñayon cha'añetla che' mach ya'ic añon ya'i, cha'añ mi la' ñop, pero conla ya' ba'añ, —che'en.
16Jiñi Tomás, mu' bʌ i pejcʌntel ti xloj,#11.16 Tomás: Jiñʌch jump'ejl t'añ ti arameo am bʌ isujmlel ti lac t'añ: “Xloj”, che' ja'el ti griego jiñʌch Dídimos. tsa' caji i su'beñob i pi'ʌlob ti xcʌnt'añob:
—Conla ja'el cha'añ mi lac chʌmel la quic'ot Jesús, —che'en.
Jesús xtech Ch'ujlelʌl
17Che' bʌ tsa' c'oti Jesús, tsi' taja cha'añ chʌmp'ejlix q'uiñ mucul Lázaro ti mucoñibʌl. 18Lʌc'ʌl Betania ti Jerusalén, añ i ñajtlel che' bajche' uxp'ejl kilómetro. 19Ca'bʌl judíojob tsa' tiliyob ba'añ Marta yic'ot María cha'añ mi' ñuq'uesʌbeñob i pusic'al cha'añ ti' caj tsa' chʌmi i yʌscun. 20Che' bʌ tsi' yu'bi Marta woli' tilel Jesús, tsa' loq'ui majlel i taj, pero María tsa' cʌle ti otot. 21Jiñi Marta tsi' su'be Jesús:
—C Yum, che' wʌ'ic añet ma'añic tsa' chʌmi cʌscun. 22Pero cujil ja'el mi caj i yʌq'ueñet Dios pejtelel mu' bʌ a c'ajtiben, —che'en.
23Jesús tsi' su'be:
—Mi caj i cha' ch'ojyel a wʌscun, —che'en.
24Marta tsi' su'be:
—Cujil mi caj i cha' ch'ojyel ti jiñi cojix bʌ q'uiñ,#Is 26.19; Dn 12.1-3 —che'en.
25Jesús tsi' su'be:
—Joñon xtech ch'ujlelʌlon, i cuxtʌlelon jiñi año' bʌ ti pañimil, jiñi mu' bʌ i ñopon anquese mi' chʌmel cuxul mi caj i yajñel. 26Pejtelel cuxulo' bʌ, mu' bʌ i ñopoñob, ma'añic mi' chʌmelob ti pejtelel ora.#Jn 1.12; Rm 6.4-5; Col 2.12; 3.1 ¿Mu' ba a ñop jiñi? Che'en Jesús.
27Marta tsi' su'be:
—Mu' cu, c Yum. Joñon tsa'ix c ñopo cha'añ Cristojet, i Yalobilet Dios tsa' bʌ tiliyet ti pañimil,#Mt 16.16; Jn 6.69 —che'en.
Jesús tsi' cha'le uq'uel ya' ba' mucul Lázaro
28Che' bʌ tsa' ujti ti t'añ Marta, tsa' majli i pʌy tilel María i yijts'in; ti mucul tsi' su'be:
—Wʌ'an lac Maestro woli' pʌyet, —che'en.
29Che' bʌ tsi' yu'bi María, tsa' ch'ojyi ti ora, tsa' majli ba'añ Jesús. 30Maxto ochemic Jesús ti tejclum, ya' to añ ba' tsi' taja Marta. 31Jiñi judíojob woli bʌ i ñuq'uesʌbeñob i pusic'al María ya' ti' yotot che' bʌ tsi' q'ueleyob tsa' bʌc' ch'ojyi María tsa' loq'ui majlel, tsa' caji i tsajcañob majlel, come tsi' yʌlʌyob:
—Woli majlel ti mucoñibʌl cha'añ mi' cha'len uq'uel ya'i.
32Che' bʌ tsa' c'oti María ba'añ Jesús, che' bʌ tsi' q'uele, tsi' ñocchoco i bʌ ti' tojel, tsi' su'be:
—C Yum, che' wʌ'ic jax añet ma'añic tsa' chʌmi cʌscun, —che'en.
33Che' bʌ tsi' q'uele Jesús woli ti uq'uel María, temel yic'ot jiñi judíojob tsa' bʌ tiliyob yic'ot, tsi' yu'bi ca'bʌl i ch'ijiyemlel i pusic'al, tsi' p'unta. 34Jesús tsi' c'ajtibeyob:
—¿Baqui tsa' la' wʌc'ʌ?
Tsi' su'beyob:
—C Yum, la' q'uele.
35Jesús tsa' caji ti uq'uel. 36Jiñi judíojob tsi' yʌlʌyob:
—Q'uelela c'uxatax tsi' yu'bi.
37Lamital tsi' yʌlʌyob:
—Jiñi tsa' bʌ i cambe i wut xpots',#Jn 9.6-7 ¿mach ba añic tsa' mejli i coltañ ja'el Lázaro cha'añ ma'añic mi' chʌmel?
Jesús tsi' teche ch'ojyel Lázaro
38Jesús tsi' cha' u'bi i ch'ijiyemlel i pusic'al, tsa' tili ti mucoñibʌl, jiñi mucoñibʌl jiñʌch jump'ejl ch'eñ, ñʌc mʌcbil yic'ot jump'ejl xajlel ti ti'. 39Jesús tsi' yʌlʌ:
—Loc'sanla jiñi xajlel, —che'en.
Marta i yijts'in jiñi tsa' bʌ chʌmi, tsi' su'be:
—C Yum, tuwix, come chʌmp'ejlix q'uiñ mucul. 40Jesús tsi' su'be:
—¿Mach ba añic tsa' c su'beyet, mi tsa' ñopo mi caj a q'uel i ñuclel Dios?#Jn 1.14 —Che'en.
41Jiñi cha'añ tsi' loc'sayob jiñi xajlel ti ti' ba' tsa' ajq'ui jiñi chʌmeñ bʌ, Jesús tsi' letsa i wut ti panchan, tsi' yʌlʌ:
—Wocolix a wʌlʌ c Tat, come tsa' wu'bibeyon c t'añ. 42Cujil ma' chʌn u'bibeñon c t'añ, tsa' cʌlʌ jiñi t'añ cha'añ mi' yu'biñob jiñi año' bʌ tic joytʌlel, cha'añ mi' ñopob, jatet tsa' chocoyon tilel, —che'en Jesús.
43Che' bʌ ujtem i yʌl iliyi, c'am tsi' cha'le t'añ:
—Lázaro, la' ti loq'uel, —che'en.
44Jiñi tsa' bʌ chʌmi tsa' loq'ui tilel, bʌc'ʌl i c'ʌb i yoc ti pisil,#Jn 19.40; 20.6-7 mosol i wut ti pisil. Jesús tsi' su'beyob:
—Jitila, la' majlic, —che'en.
Tsi' temeyob i t'añ cha'añ mi' tsʌnsañob Jesús
(Mt 26.1-5; Mc 14.1-2; Lc 22.1-2)
45Jiñi cha'añ ca'bʌl judíojob tsa' bʌ tiliyob ba'añ María tsi' q'ueleyob chuqui tsi' mele Jesús, tsi' ñopoyob. 46Pero lamital tsa' majli i su'beñob fariseojob chuqui tsi' mele Jesús. 47Jiñi cha'añ tsi' tempayob i bʌ ñuc bʌ motomajob yic'ot fariseojob,#11.47 Tsi' tempayob i bʌ ñuc bʌ motomajob yic'ot fariseojob: Ili tempa bʌ mi' su'bentel ti Concilio o Sanedrín, jiñobʌch ñuc bʌ motomajob, fariseojob (xcʌntesa mandarob) yic'ot wiñicob mach bʌ motomajobic (jiñobʌch Ancianojob). Jiñobʌch año' bʌ ti' wenta pejtelel wocol ti' tojlelob judíojob cha'añ i ñopol Dios. Ti ili tempa bʌ mi' yajñelob che' bajche' juntiquil i chʌnc'al (71). tsi' yʌlʌyob:
—¿Chuqui yom mi lac mel? Come ca'bʌl mi' pʌs i yejtal i p'ʌtʌlel jiñi wiñic. 48Mi che' jach mi laj q'uel, mi caj i ñopob pejtelel wiñicob x'ixicob, mi caj i tilelob romanojob, mi caj i jisañob lac templo yic'ot lac lumal.
49Jiñi cha'añ juntiquil motomaj i c'aba' Caifás,#11.49 Caifás: Jiñʌch juntiquil ñuc bʌ motomaj tsa' bʌ i mele i ye'tel che' ti ja'bil 18-36 che' tilemix Cristo. tsa' bʌ i mele i ye'tel ti ñuc bʌ motomaj ti jiñi jach bʌ ja'bil, tsi' su'beyob:
—Ma'añic chuqui la' wujil jatetla. 50¿Mach ba la wujilic cha'añ ñumen uts'at mi' chʌmel juntiquil wiñic cha'añ i q'uexol pejtelel wiñicob x'ixicob cha'añ ma'añic mi lac laj jilel ti lac lumal? Che'en.
51Mach tilemic jiñi t'añ ti' bajñel pusic'al, cha'añ ti' caj tsi' mele i ye'tel ti ñuc bʌ motomaj ti jiñi ja'bil, jiñi cha'añ tsi' wʌn alʌ mi caj i chʌmel Jesús cha'añ i q'uexol wiñicob x'ixicob ti' lumal.#Jn 1.29; 10.11,15; 15.13; 17.19 52Mach cha'añic jach jiñi año' bʌ ti' lumal, cha'añʌch ja'el mi' tempañob ti junmojt i yalobilob Dios tsa' bʌ pam pujquiyob.#Jn 10.16; Is 11.12; Jer 23.3; Mc 2.12 53Ti jiñi jach bʌ ora tsi' ña'tayob cha'añ mi' tsʌnsañob Jesús.
54Jiñi cha'añ Jesús ma'añic tsi' chʌn cha'le xʌmbal ya' ba'añ judíojob, tsa' loq'ui ya'i, tsa' majli ti tejclum i c'aba' Efraín lʌc'ʌl ti jochol bʌ lum, ya'i tsa' ajñi yic'ot xcʌnt'añob i cha'añ.
55Lʌc'ʌlix i q'uiñilel Pascua mu' bʌ i melob judíojob, ca'bʌl wiñicob x'ixicob tsa' loq'uiyob ti' lumal tac ba' chumulob cha'añ mi' majlelob ti Jerusalén, cha'añ mi' sʌc-esañob i bʌ cha'añ Pascua.#11.55 Pascua: Q'uele ja'el Jn 2.13. Jiñʌch i yuxyajlel Pascua mu' bʌ i taj ti t'añ Juan. Che' wolix i lʌc'tiyel i yorajlel i q'uiñilel Pascua, jiñi mach bʌ sʌquic añob yom mi pocob i bʌ, iliyi mi jalijel wucp'ejl q'uiñ (Q'uele 2 Cr 30.17-20). Jiñi mu' bʌ i bi'b-esañob jiñi judíojob jiñʌch che' mi tʌlob jiñi gentilob. 56Jiñi judíojob tsa' caji i sʌclañob Jesús, che' ya'añob ti' templo, tsi' c'ajtibeyob i bʌ:
—¿Bajche' mi la' wʌl? ¿Mach ba talic ti' q'uiñijel mi la' wʌl?
57Jiñi ñuc bʌ motomajob yic'ot fariseojob tsi' yʌc'ʌyob mandar cha'añ mi' añ majqui yujil baqui añ Jesús, yom mi' su'bentelob, come yom i chucob.
Currently Selected:
Juan 11: NTCH
Highlight
Share
Copy
Want to have your highlights saved across all your devices? Sign up or sign in
Biblia de Estudio en Ch´ol de Tumbalá, Chiapas, México © Sociedad Bíblica de México A.C.
