Juan 10
10
Lajiya cha'añ corral ba'añ tʌñʌme'
1Isujm, isujm mic su'beñetla: Jiñi mach bʌ añic mi' yochel ti ti' corral ba'añ tʌñʌme', jiñi mu' bʌ i letsel ochel ti' pam corral jiñʌch xujch', jiñʌch xchiloñel. 2Pero jiñi mu' bʌ i yochel ti ti' corral jiñʌch xcʌnta tʌñʌme'. 3Jiñi xcʌnta corral mi' jamben jiñi xcʌnta tʌñʌme', jiñi tʌñʌme' mi yu'biben i t'añ i yaj cʌntaya, mi' pejcan i tʌñʌme' ti' c'aba', mi' pʌy loq'uel. 4Che' mi yujtel i pʌy loq'uel mi' majlel ti ñaxan, jiñi tʌñʌme' mi' tsajcan jiñi xcʌnta tʌñʌme' come mi cʌmben i t'añ. 5Ma'añic mi' tsajcan yam bʌ wiñic, mi' puts'tan, come ma'añic mi' cʌmben i t'añ. 6Che'ʌch tsi' cha'le t'añ Jesús ti lajiya, pero jiñi fariseojob ma'añic tsi' ch'ʌmbeyob isujm i t'añ.
Jesús jiñi wen bʌ Xcʌnta tʌñʌme'
7Jiñi cha'añ Jesús tsi' cha' su'beyob:
—Isujm, isujm mic su'beñetla: Joñon i ti'on ba' mi' yochel tʌñʌme'. 8Pejtelel tsa' bʌ tiliyob ti ñaxan xujch'ob, xchiloñelob,#10.8 Jesús woli i taj ti t'añ pejtelelob jiñi tsa' bʌ cuyuyob i bʌ ti xcoltaya (Q'uele Jer 23.1-2; Ez 34.2-3). pero jiñi tʌñʌme' ma'añic tsi' jac'beyob. 9Joñon i ti'on#Jn 14.6 ba' mi' yochel tʌñʌme'. Jiñi mu' bʌ i yochel ti joñon mi caj i coltʌntel; mi' caj ti ochel, yic'ot mi caj i loq'uel, che' ja'el mi caj i taj wen bʌ jam. 10Mi' tilel xujch', cha'añ mi' xujch'in, cha'añ mi' tsʌnsan yic'ot cha'añ mi jisan; pero joñon tsa' tiliyon cha'añ mi' tajob i cuxtʌlel, cha'añ oñ mi' tajob pejtelel chuqui wen.
11Joñon jiñi wen bʌ Xcʌnta tʌñʌme';#10.11 Mi' c'ʌjñel i yejtal xcʌnta tʌñʌme' ya' ti Oñiyi bʌ Wen T'añ che' woli i tajtʌl ti t'añ Dios yic'ot yumʌlob (Sal 23.1; Is 40.11; Jer 23.1-6; Ez 34.11-31; 37.24); ya' ti Tsiji' bʌ wen t'añ mi' c'ʌjñel ti' tojlel Cristo (Mt 9.36; 18.12-14; Mc 6.34; Lc 15.4-7; Heb 13.20; 1 P 2.25; 5.4; Ap 7.17) yic'ot ti' tojlelob pastorob ti' tojlel xñopt'añob (q'uele Jn 21.15). jiñi wen bʌ Xcʌnta tʌñʌme' mi' yʌc' i cuxtʌlel cha'añ i tʌñʌme'. 12Pero jiñi mu' bʌ i cʌntan tʌñʌme' cha'añ ganar, mach i yumic tʌñʌme', ma'añic mi' cʌntan, che' mi' q'uel bʌte'el ts'i' mu' bʌ i tilel, mi' cʌy jiñi tʌñʌme' mi' puts'el, jiñi bʌte'el ts'i' mi' chuc, yic'ot mi' pam puc. 13Jiñi mu' bʌ i cha'len ganar mi' puts'el come woli jach ti ganar. Mach i wentajic jiñi tʌñʌme'. 14Joñon jiñi wen bʌ Xcʌnta tʌñʌme', mij cʌn c tʌñʌme', c tʌñʌme' mi' cʌñon ja'el. 15Che' bajche' c Tat mi' cʌñon, joñon ja'el mij cʌn c Tat,#Mt 11.27; Lc 10.22 mi cʌc' c bʌ ti chʌmel cha'añ jiñi tʌñʌme'. 16Añ to yam bʌ c tʌñʌme'#10.16 Yam bʌ c tʌñʌme': Jiñobʌch jiñi gentilob, Jn 7.35; 11.52; 12.32. Junmojt jach mi caj i yajñelob yic'ot juntiquil Xcʌnta tʌñʌme': Q'uele Ef 2.11-22; 1 P 2.25. mach bʌ ochemic ti jiñi corral; wersa mic pʌy tilel ja'el, mi caj i yu'bin c t'añ, junmojt jach mi caj i yajñelob yic'ot juntiquil Xcʌnta tʌñʌme'. 17Jiñi cha'añ c Tat mi' c'uxbiñon come mi cʌc' c bʌ ti chʌmel cha'añ mic cha' cuxtʌyel. 18Ma'añic majqui mi' yʌc'on ti chʌmel, mic bajñel ac' c bʌ ti chʌmel. Añ c p'ʌtʌlel cha'añ mi cʌc' c bʌ, añ ja'el c p'ʌtʌlel cha'añ mic cha' cuxtʌyel. Jiñʌch i mandar c Tat tsa' bʌ i su'beyon cha'añ mic mel, —che'en Jesús.
19Jiñi judíojob tsa' cha' caji i t'oxob i bʌ ti' t'añ, cha'añ i t'añ Jesús. 20Ca'bʌl tsa' caji i yʌlob:
—Añ i xi'bʌjlel, sojquem i jol ¿chucoch mi la' chʌn u'biben i t'añ?#Jn 7.20
21Yaño' bʌ tsi' yʌlʌyob:
—Mach che'ic mi' cha'len t'añ wiñic am bʌ i xi'bʌjlel che' bajche' jiñi. ¿Mejl ba i camben i wut xpots' jiñi xi'ba?#Jn 9.1-41
Jiñi judíojob tsi' ts'a'leyob Jesús
22Ti jim bʌ ora woli' melob i q'uiñilel Templo ya' ti Jerusalén.#10.22 Waxʌcp'ejl q'uiñ mi' jalijel i melbeñob i q'uiñilel Templo che' ti diciembre, cha'añ mi' cha' ña'tañob che' bʌ Judas Macabeo che' ti 164 che' maxto tilemic Cristo, tsi' cha' mele Templo ya' ti Jerusalén yic'ot i ña'tʌntel che' bʌ tsa' ajq'ui ti' wenta Dios; jiñʌch che' ñumeñix i bi'b-esʌntel jiñi Templo tsa' bʌ i mele Antíoco Epífanes (Q'uele Dn 9.27; 11.31). I yorajlelix tsʌñal. 23Jesús tsa' ñumi ti Templo, tsa' tili ti corredor i melbal bʌ Salomón. 24Jiñi judíojob tsi' joyoyob Jesús, tsi' c'ajtibeyob:
—¿Jayp'ejl to ora mi caj la wʌc'on lojon ti tsic pusic'al? Mi Cristojet, su'beñon lojon ti jamʌl.#Jer 23.1-6; Ez 34.11-31; 37.24
25Jesús tsi' jac'beyob:
—Tsa'ix c su'beyetla pero ma'añic mi la' ñop.#Jn 8.24,28,58; Lc 22.67 Jiñi que'tel mu' bʌ c cha'len ti' c'aba' c Tat, mi' yʌc'on ti cʌjñel cha'añ mi la' ña'tan majquiyon; 26pero jatetla ma'añic mi la' ñop, come mach c tʌñʌme'eticla che' bajche' tsa' c su'beyetla. 27C tʌñʌme'ob mi' yu'bibeñon c t'añ, joñon mij cʌñob, mi' tsajcañoñob. 28Mi cʌq'ueñob i cuxtʌlel mach bʌ añic mi' jilel, ma'añic mi caj i jilelob ti pejtelel ora, ma'añic majqui mi caj i chilbeñon tij c'ʌb. 29Ma'añic majqui ñumen ñuc bajche' c Tat tsa' bʌ i yʌq'ueyon, ma'añic majqui mi mejlel i chil c tʌñʌme' ti' c'ʌb c Tat. 30Joñon quic'ot c Tat junlajalon lojon,#Jn 5.19,30; 8.16; 10.14-15,38; 17.21-23,26 che'en Jesús.
31Jiñi cha'añ jiñi judíojob tsi' cha' lotoyob xajlel cha'añ mi' julob. 32Jesús tsi' su'beyob:
—Tsa' c pʌsbeyetla ca'bʌl wen bʌ c melbal ch'oyol bʌ tic Tat. ¿Baqui bʌ wen bʌ c melbal yom mi' yʌc'on ti jujlel? —Che'en.
33Jiñi judíojob tsi' jac'beyob:
—Ma'añic mic julet lojon ti xajlel cha'añ wen bʌ a melbal, pero cha'añ ti' caj tsa' cha'le p'ajoñel,#Mt 26.65; Mc 14.64; Lc 22.70-71; Lv 24.15-16 come ma' cuy a bʌ ti Dios che' wiñiquet jach.
34Jesús tsi' jac'beyob:
—¿Mach ba ts'ijbubilic ti la' mandar: “Tsa' c su'bu, jatetla diosetla”?#Sal 82.6 35Dios, tsi' pejca ti diosob jiñi wiñicob tsa' bʌ i yu'bibeyob i t'añ Dios. (Come i ts'ijbujel Dios mach mejlic ti jejmel). 36Mi tsi' yajcayon Dios cha'añ mi chocon tilel ti' pañimil ¿chucoch, che' jiñi, mi la' wʌl tsa' c cha'le p'ajoñel cha'añ tsa' c su'beyetla i Yalobilon Dios?#Jn 17.19; Heb 5.5 37Mi ma'añic mic melben i ye'tel c Tat, mach mi la' ñopon. 38Mi woli c melben i ye'tel c Tat, anquese ma'añic mi la' ñopon, ñopola que'tel cha'añ mi la' cʌñon, cha'añ mi la' ña'tan ti isujm c Tat añ ti joñon, joñon añon tic Tat,#Jn 14.10-11; 17.21; 1 Jn 3.24; 4.15 che'en.
39Jiñi judíojob tsi' cha' ñopo i chucob, pero tsa' puts'i loq'uel ti' tojlelob.
40Tsa' cha' majli ti junwejl Jordán ja', ya' ba' tsi' ñaxan ac'ʌ ch'ʌmja' Juan, ya' tsa' cʌle Jesús ya'i. 41Ca'bʌl wiñicob x'ixicob tsa' tiliyob ba'añ, tsi' yʌlʌyob:
—Isujm Juan ma'añic tsi' pʌsʌ i yejtal i p'ʌtʌlel mi junyajlic, pero pejtelel chuqui tac tsi' su'bu cha'añ Jesús, isujmʌch.#Jn 1.19-34; 3.27-30
42Ca'bʌl tsi' ñopoyob Jesús ya'i.
Currently Selected:
Juan 10: NTCH
Highlight
Share
Copy
Want to have your highlights saved across all your devices? Sign up or sign in
Biblia de Estudio en Ch´ol de Tumbalá, Chiapas, México © Sociedad Bíblica de México A.C.
