Popular Bible Verses from Juan 10

Share

Mi' tilel xujch', cha'añ mi' xujch'in, cha'añ mi' tsʌnsan yic'ot cha'añ mi jisan; pero joñon tsa' tiliyon cha'añ mi' tajob i cuxtʌlel, cha'añ oñ mi' tajob pejtelel chuqui wen.

Joñon jiñi wen bʌ Xcʌnta tʌñʌme'; jiñi wen bʌ Xcʌnta tʌñʌme' mi' yʌc' i cuxtʌlel cha'añ i tʌñʌme'.

C tʌñʌme'ob mi' yu'bibeñon c t'añ, joñon mij cʌñob, mi' tsajcañoñob.

Mi cʌq'ueñob i cuxtʌlel mach bʌ añic mi' jilel, ma'añic mi caj i jilelob ti pejtelel ora, ma'añic majqui mi caj i chilbeñon tij c'ʌb.

Joñon i ti'on ba' mi' yochel tʌñʌme'. Jiñi mu' bʌ i yochel ti joñon mi caj i coltʌntel; mi' caj ti ochel, yic'ot mi caj i loq'uel, che' ja'el mi caj i taj wen bʌ jam.

Joñon jiñi wen bʌ Xcʌnta tʌñʌme', mij cʌn c tʌñʌme', c tʌñʌme' mi' cʌñon ja'el.

Ma'añic majqui ñumen ñuc bajche' c Tat tsa' bʌ i yʌq'ueyon, ma'añic majqui mi mejlel i chil c tʌñʌme' ti' c'ʌb c Tat. Joñon quic'ot c Tat junlajalon lojon, che'en Jesús.

Che' bajche' c Tat mi' cʌñon, joñon ja'el mij cʌn c Tat, mi cʌc' c bʌ ti chʌmel cha'añ jiñi tʌñʌme'.

Ma'añic majqui mi' yʌc'on ti chʌmel, mic bajñel ac' c bʌ ti chʌmel. Añ c p'ʌtʌlel cha'añ mi cʌc' c bʌ, añ ja'el c p'ʌtʌlel cha'añ mic cha' cuxtʌyel. Jiñʌch i mandar c Tat tsa' bʌ i su'beyon cha'añ mic mel, —che'en Jesús.

Jiñi cha'añ Jesús tsi' cha' su'beyob: —Isujm, isujm mic su'beñetla: Joñon i ti'on ba' mi' yochel tʌñʌme'.

Pero jiñi mu' bʌ i cʌntan tʌñʌme' cha'añ ganar, mach i yumic tʌñʌme', ma'añic mi' cʌntan, che' mi' q'uel bʌte'el ts'i' mu' bʌ i tilel, mi' cʌy jiñi tʌñʌme' mi' puts'el, jiñi bʌte'el ts'i' mi' chuc, yic'ot mi' pam puc.

Isujm, isujm mic su'beñetla: Jiñi mach bʌ añic mi' yochel ti ti' corral ba'añ tʌñʌme', jiñi mu' bʌ i letsel ochel ti' pam corral jiñʌch xujch', jiñʌch xchiloñel.